Gimpuunan 12:2 - Hanunuu

² Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Gimpuunan 12:2 Iomraidhean Croise

Gimpuunan 13:16

Payamuun niku kanmu linahi ga taypuk sa kalibutan kay kayamu. Ti taypuk dayu mabilang, nakan kanmu linahi balaw diman mabilang.

Gimpuunan 15:5

Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”

Gimpuunan 17:20

Tungkul waydi sa kan Ismail, nasaydan niku kanmu paghagadun para sa kanya. Papaladan niku siya ag pakan-an mayamu linahi. Bumaliw siya ama 12 ka takinan, ag kay manga linahi bumaliw bantug pag tawu.

Gimpuunan 18:18

Pihu gid dumaka ag bumaliw makapangyarihan pag nasyun kay manga linahi aban. Ag sa panab-anan niya, papaladan niku ti tanan nasyun sa kalibutan.

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 19:29

Balaw nalimtan Diyus si Abraham igu rinuris niya ti manga banwa sa karatagan nu naan pag mag-uli si Lut, nakan irinibri dap niya si Lut hampay balaw siya maunu.

Gimpuunan 24:1

Gurangun yi gid si Abraham ag pinapaladan siya Panginuun sa tanan pag bagay.

Gimpuunan 24:35

Pinapaladan Panginuun kang amu ag mayaman yi gid siya taynguna. Pinakan-an siya Panginuun mayamu karanidu, kambing, baka, kamilyu, asnu, pilak, gintu hanggan manga suruguun lalaki ag babayi.

Gimpuunan 25:11

Igu namatay si Abraham, pinapaladan Diyus si Isaak ag ati siya pag nangulian sa Biir Lahay Ruy.

Gimpuunan 26:3

Sitay lang dap kawu pag tahan dahil giyahan niku kawu ag papaladan. Ipakaun niku sa kanmu hanggan sa kanmu manga linahi inda tanan pag daga. Tupadun niku kang taratu sa kanmu ama, sa kan Abraham.

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 27:29

Mana pumasakup ag sumirbi sa kanmu ti mayamu manga tawu. Mana kawu ti humari sa kanmu manga katawuhan ag pumasakup sida sa kanmu. Mana ti magsaad sa kanmu, saadan diman, ag ti magpapalad sa kanmu, papaladan diman.”

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 46:3

Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

2 Samwil 7:9

Pag-ibahan niku kawu una naan tabug, ag rinuris niku ti tanan nimu manga kalaban. Taynguna, buwatun niku kawu bantug parihu sa iba pag manga bantug tawu sa kalibutan.

1 Hari 1:47

Nag-atag waya sa kan Hari Dabid kay manga manugpamahala hampay manpasalamat sa kanya. Magkun sida, ‘Mana buwatun nimu Diyus mas bantug kaysa kanmu si Sulumun, ag buwatun niya mas marinu kay maghari kaysa kanmu maghari.’ Nanyuk-ub rargu si Dabid sa kay parahuwayan sa pagsamba sa Panginuun,

Hub 35:8

Ti mamaliwan lang sa kanmu mayad ngatay daut pag binuwat imaw ti kanmu kaparihu.

Kanta 107:38

Pagpapaladan sida Diyus, ag magyamu gid sida. Una kanda manga hayup balaw niya pagpahintulutan pumira.

Pag-ighit 1:7

dapat madali nagyamu kanda lahi. Dahil sa masyadu mayamu sida, nas-ub yi harus ti daga Ihiptu.

Pag-ighit 32:10

Nakan pabay-ani nimu rurisun niku sida; buwatun niku inda sa masyadu niku pag pangagalit. Kawu yi lang ag kanmu magtal-anakan ti buwatun niku daka pag nasyun.”

Isikil 34:26

Papaladan niku sida hanggan ti manga rugar sa palibut niku banal pag bantud. Padarahan niku sida uran sa kang-ud pag panahun bilang papalad sa kanda.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Sakaryas 8:13

Manga nasakupan Huda ag Israil, pagsaadan kamu iba manga nasyun. Dapat iribri niku kamu ag bumaliw papalad kamu sa kanda. Nakan danga kamu magkadala, pagpakarig-un kamu.”

Bilang 14:12

Padarahan niku sida sarut ag rurisun, dapat kawu bay buwatun niku usa ka makapangyarihan pag nasyun ag mapag-un kaysa kanda.”

Bilang 22:12

Dapat magkun ti Diyus sa kan Balaam, “Danga kawu magkuyug sa kanda. Ag danga pagsaadi ti pagsabihun nida pag manga tawu, dahil pagpapaladan niku sida.”

Bilang 23:20

Sinugu niya aku idarangin sida, ag nu nidarangin yi, balaw yi niku inda mabawi.

Ruma 4:11

Tinuri siya bilang pinagkatanda sa kay pagkilala Diyus sa kanya kuntay matadlung siya dahil sa kay pagsarig una udwaya siya tinuri. Nakan siya yi ti pinagkagurang tanan tawu magsarig sa Diyus. Siyun ginan sida kinilala waydi Diyus kuntay manga matadlung una manga balaw tinuri.

Galasya 3:14

Linukat kita ni Kiristu hampay ti manga papalad kay itinaratu Diyus sa kan Abraham tanggapun manga balaw Hudiyu ginan sa kan Kiristu Hisus. Nakan ngani nu sumarig kita sa kanya, tanggapun nita ti Ispiritu angay sa kay itinaratu Diyus.

Galasya 3:7

Nakan magkaalaman yi niyu ti tutuu linahi ni Abraham imaw ti manga magsarig sa Diyus.

Diyuturunumiyu 26:5

Bag-u sabihun niyu inda sa atubangan Panginuun niyu Diyus: ‘Kanmi ginurang si Hakub usa ka Aramiyu unman may pirmaminti ulian kaybi. Nag-atag siya sa Ihiptu ag nangulian ati kaibahan kay magtal-anakan. Pira-pira lang sida ati katpung, dapat nagyamu sida, pagka taynguna makapangyarihan yi pag nasyun.