Gimpuunan 1:2 - Hanunuu

² Ti kalibutan unman waya may histuda, unman waya may imaw una hintay. Ti danum malantapan sa kalibutan nas-ub kadudulman. Ag ti Ispiritu Diyus mag-arayhay sa babaw danum.

Gimpuunan 1:2 Iomraidhean Croise

Hub 26:14

Inda basta lang pag manga bagay kay pagbuwatun. Bilang usa lang inda ka yanas kanta nasaydan. Taynguna, si unu nguna ti makasalum kay pagkamakamaskihan Diyus?”

Hub 26:7

Pagladladun Diyus ti kanaway pag kalangitan sa marayaw pag rugar, ag ipinauli niya ti kalibutan sa kapawaan langit.

Hub 38:9

Aku ti nagpauli madamul pag rurum ag dulum imaw ti pinagkataklub dagat.

Hub 41:32

Ti danum kay malakawan magbura malagti, nu bantayun ga malagti pag buhuk.

Kanta 104:30

Pagpakan-an nimu arup ti bag-u pag manga linalang. Sa tunda pag paraan, pagpakan-an nimu bag-u pag manga linalang ti kalibutan.

Kanta 104:6

Pagtabunan nimu danum ti kalibutan ga rutay, ag maglapaw inda sa kabantudan.

Kanta 136:6

Ipinauli niya ti daga sa babaw danum. Kay pagmahal unman may katapusan.

Kanta 148:7

Dayawun niyu ti Panginuun, kamu ti asan sa kalibutan, daraka pag manga hayup sa kalalawdan, ag tanan asan sa kaabasad-basadan.

Kanta 33:6

Sa panab-anan bagaw Panginuun, nalalang ti kalangitan; ginan sa kay arup ti init, ti bulan, hanggan ti manga pamgasan.

Isayas 31:5

Aku, ti Panginuun Makamaskihan, tanudan niku ti Hirusalim ga manuk magtanud sa kay pugad. Dahanan niku inda, iribri, ag balaw pabay-anan.”

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Hirimyas 4:23

Binantayan niku ti daga ag nakitan niku udyi may histuda hanggan udyi may sukad. Bag-u nakitan diman niku ti langit unman yi may rayaw.

Nahum 2:10

Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

Diyuturunumiyu 32:11

Tinanudan niya sida parihu sa agila magtanud sa kay manga pispis habang kay pagpatigayunun sa paglayang. Pagladladun niya kay manga pakpak hampay sambutun ag darahun sida.