Gimpuunan 1:12 - Hanunuu

¹² Tinmubu ngani sa daga ti manga halaman, ag nakabaya ti Diyus sa kay nakitan.

Gimpuunan 1:12 Iomraidhean Croise

Gimpuunan 1:11

Bag-u magkun ti Diyus, “Pagtubu sa daga ti tuhay-tuhay pag manga halaman: ti manga magburak butir, hanggan ti manga puun kayu magburak angay sa kanda kalasi.” Ag nangyari ngani inda.

Gimpuunan 1:13

Linmawuy ti yabi ag rinmas-ug ti surip. Tunda ti ikatlu pag sirang.

Kanta 104:14

Pagpatubuun nimu ti manga ilamnun para sa manga hayup, ag ti manga halaman para sa manga tawu hampay may karan-unun sida ginan sa manga naani;

Isayas 61:11

Nu kabitay ti binhi magtubu sa daga, katunda diman, pag-iribri Panginuun Diyus kay pinili pag nasyun. Dahil siyun ti tanan nasyun dumayaw sa kanya.

Markus 4:28

Sa daga pag tinmubu bag-u binmurak ti tanum. Sa kabag-u tubu dapu, bag-u uhay, bag-u pasi tigpabuyat sa kay uhay.

Lukas 6:44

Magkakilala nita ti kada puun kayu sa kay burak nu mayad nu daut. Unman pagputihun ti burak igus ngatay paggutluhun ti ubas ginan sa dugihan.

2 Kurintu 9:10

Ti Diyus tigpakaun binhi hampay ipamgas hanggan karan-unun hampay may makaun, siya ti pumakaun binhi sa kanyu, siya diman ti pumadaka hampay mamurak abunda kanyu mayad buut naisipan.

Galasya 6:7

Dagsalan gid ungud kamu sa kanyu pag-iisip. Ti Diyus dayu gid mahimu hakutun tawu. Nu hintay ti ipamgas tawu, imaw diman kay anihun.

Hibriyu 6:7

Pagpapaladan Diyus ti daga nu hurum dahil uranan bag-u tubuan manga tanum makinabangan niya apu.