Gimpuunan 1:11 - Hanunuu

¹¹ Bag-u magkun ti Diyus, “Pagtubu sa daga ti tuhay-tuhay pag manga halaman: ti manga magburak butir, hanggan ti manga puun kayu magburak angay sa kanda kalasi.” Ag nangyari ngani inda.

Gimpuunan 1:11 Iomraidhean Croise

Gimpuunan 1:12

Tinmubu ngani sa daga ti manga halaman, ag nakabaya ti Diyus sa kay nakitan.

Gimpuunan 1:29

Bag-u magkun ti Diyus, “Pag-ipakaun niku sa kanyu ti manga halaman magburak butir hanggan ti manga puun kayu magburak hampay kanyu karan-unun.

Gimpuunan 2:16

Ag ibinilin Panginuun Diyus sa tawu magkun, “Mahimu nimu kan-un ti una hintay pag burak kayu sa halamanan,

Gimpuunan 2:5

udwaya sa daga ti tanan pag kalasi tanum magkabuhi sa padang, dahil udwaya niya pagpauranan ag unman waya may tawu man-asikasu sa daga.

Gimpuunan 2:9

Pinatubu Panginuun Diyus ti tanan kalasi manga kayu marinu bantayun ag kay manga burak masarap kan-un. Sa karaw-an halamanan may imaw puun kayu kabuhian, ag may imaw diman puun kayu magpakaun kadunungan nu hintay ti mayad ag ti daut.

Hub 28:5

Sa babaw daga magtubu ti manga tanum bulul-an karan-unun, dapat sa basad daga ga linakawan apuy.

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta 147:8

Pagpun-un niya manga rurum ti kalayawan, pagpauranan niya ti kalibutan, ag pagpatubuun ti manga ilamnun sa manga kabantudan.

Isayas 61:11

Nu kabitay ti binhi magtubu sa daga, katunda diman, pag-iribri Panginuun Diyus kay pinili pag nasyun. Dahil siyun ti tanan nasyun dumayaw sa kanya.

Hirimyas 17:8

Miparihu siya sa puun kayu itinanum sa saruy sapa kay manga gamut mag-aput sa danum. Inda pag puun kayu balaw maunu una rumas-ug ti tag-init ngatay ti turungun. Pirmi malangba kay manga labung ag unman may apas kay magburak.

Matiyu 3:10

Taynguna maayangan yi ti wasay sa manga dalid kayu. Ti kada puun kayu nu unman magburak mayad, pukanun bag-u iyamut sa apuy.

Matiyu 6:30

Ti manga ilamnun sa padang ga pinasulungan Diyus rutay. Tunda pag ilamnun buhi taynguna, aldaw bay ipagba. Unman aw nguna lalu kamu pag-alagaan niya? Masyadu maaw diit kanyu pagsarig sa kanya.

Markus 4:28

Sa daga pag tinmubu bag-u binmurak ti tanum. Sa kabag-u tubu dapu, bag-u uhay, bag-u pasi tigpabuyat sa kay uhay.

1 Kurintu 15:38

Diyus tigpakaun histuda sa butir angay sa kay kagustuhan. Ti kada butir may kanya-kanya histuda.

Hibriyu 6:7

Pagpapaladan Diyus ti daga nu hurum dahil uranan bag-u tubuan manga tanum makinabangan niya apu.

Santiyagu 3:12

Manga patar-ari, balaw mamurak ulibu ti puun igus. Balaw diman waydi lumuwang ti danum matab-ang sa bulbugan maasin.