Gimpuunan 1:1 - Hanunuu

¹ Sa kabag-u linalang Diyus ti langit hanggan ti kalibutan.

Gimpuunan 1:1 Iomraidhean Croise

2 Hari 19:15

Bag-u nandarangin siya, “Panginuun, Diyus Israil matukawan sa tukawan hari sa karaw-an manga kirubin, kawu lang ti Diyus sa tanan kaharian sitay sa kalibutan. Linalang nimu ti kalangitan hanggan ti kalibutan.

1 Krunika 16:26

dahil ti tanan pag diyus sa iba pag manga nasyun binwat lang waydi nida hampay kanda dayawun, dapat ti Panginuun imaw ti naglalang sa kalangitan.

2 Krunika 2:11

Inda kay isinagut ni Hari Hiram taga Tiru sa surat tabug sa kan Sulumun: “Dahil pagmahalun Panginuun kay manga nasakupan, binwat niya kawu hari nida.

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Hub 26:13

Sa kay pag-uyup rinmayaw ti kalangitan, ag sa kay kamaskihan minatay niya ti magyapang pag daragun.

Hub 38:4

Naan lugud kawu katpung binuwat niku ti patakitan kalibutan? Tultuli aku nu may alam kawu.

Hub 9:8

Siya lang ti makabuklad sa langit hanggan ti makapapat-ung sa humbak dagat.

Kanta 102:25

Sa kabag-u linalang nimu ti kalibutan ag ti langit.

Kanta 104:24

Panginuun, kay kayamu kanmu manga binwat. Linalang nimu sida tanan angay sa kanmu kadunungan. Ti kalibutan punu nimu linalang.

Kanta 104:30

Pagpakan-an nimu arup ti bag-u pag manga linalang. Sa tunda pag paraan, pagpakan-an nimu bag-u pag manga linalang ti kalibutan.

Kanta 115:15

Mana papaladan kamu Panginuun imaw ti naglalang sa kalangitan ag sa kalibutan.

Kanta 121:2

Kang awat ginan sa Panginuun, imaw ti nagbuwat sa kalangitan ag sa kalibutan.

Kanta 124:8

Ti kanta awat ginan sa Panginuun imaw ti nagbuwat sa kalangitan ag sa kalibutan.”

Kanta 134:3

Papaladan waya mana kamu Panginuun ti asan sa Siun, imaw ti naglalang sa kalangitan ag sa kalibutan.

Kanta 136:5

Sa panab-anan niya kadunungan, linalang niya ti kalangitan. Kay pagmahal unman may katapusan.

Kanta 146:6

imaw ti naglalang sa kalangitan ag sa kalibutan, sa dagat ag sa tanan atay. Masarigan gid ti Panginuun hanggan aban.

Kanta 33:6

Sa panab-anan bagaw Panginuun, nalalang ti kalangitan; ginan sa kay arup ti init, ti bulan, hanggan ti manga pamgasan.

Kanta 33:9

Sa kay lang bagaw, nalalang ti kalibutan. Nagsugu siya ag namhan ti tanan.

Kanta 8:3

Nu magtangda aku sa langit kanmu linalang, ag mag-akitan niku ti bulan hanggan ti manga pamgasan kanmu ipinauli sa kanda ulian,

Kanta 8:4

magpaingana aku nu unu gid ungud ti tawu kanmu gid pag-alalahanun? Tawu lang siya, hayga pag-alalahanun gid nimu?

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Kanta 96:5

dahil ti tanan diyus iba manga nasyun unman may pulus, ti Panginuun imaw ti naglalang kalangitan.

Pag-ighit 20:11

Dahil sa sulud unum ka sirang, linalang niku ti langit, ti daga, ag ti dagat, hanggan ti tanan-tanan asan, dapat nagpahari aku sa ikapitu pag sirang. Nakan pinapaladan niku ti Sirang Pamahari ag binwat niku inda mahalaga pag sirang para sa kangku.

Pag-ighit 31:18

Pagka nakatapus hampang ti Panginuun sa kan Muysis sa Bantud Sinai, ipinakaun niya sa kan Muysis ti duwa ka malapad pag batu sinuratan niya sugu, siya gid ti nagsurat.

Kabagawan 16:4

May turunu ti tanan linalang Panginuun, una ti manga daut pag tawu itinagka niya midamhak.

Kabagawan 3:19

Sa panab-anan kadunungan hanggan kaalaman, linalang Panginuun ti kalibutan hanggan ti kalangitan, bag-u nagkarabukasan ti manga bulbugan, ti manga rurum nagpakaun uran.

Manugtudlu 12:1

Alalahana kanmu Manuglalang habang anak waya kawu, sa unman waya magras-ug ti udas kakurian ag sumabi kawu, “Unman aku magbaya sa kang buhi.”

Isayas 37:16

“Panginuun, Diyus Israil matukawan sa turukawan sa tab-anan manga kirubin, kawu lang duy ti Diyus magdumara sa tanan kaharian sitay sa kalibutan. Linalang nimu ti kalangitan ag ti kalibutan.

Isayas 40:21

Unman aw niyu alam ngatay unman aw niyu napatingihan? Unman aw may nagbarita sa kanyu nu kabitay linalang ti kalibutan?

Isayas 40:26

Pagbantay kamu sa langit! Si unu nguna ti naglalang sa tunda pag manga pamgasan? Ti Diyus ti naglalang tunda. Ipinalwang niya tigus-a tigus-a tunda mintaras pagtawagun kanda manga ngaran. Dahil sa kay kamaskihan, una di usa unman may nadura.

Isayas 40:28

Unman aw niyu alam ngatay unman aw niyu nadnugan ti Panginuun imaw ti unman may katapusan pag Diyus ti naglalang buu kalibutan? Balaw siya magkagasa ngatay magpanlumuy, ag unman may makasalum sa kay isip.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 51:13

Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Isayas 51:16

Itinudlu niku sa kanyu kang bagaw, ag pagbaliwahan niku kamu sa panab-anan niku kamaskihan. Aku ti nagpauli langit hanggan paratukawan kalibutan, ag aku ti magkumun sa Israil, ‘Kawu kang nasakupan.’ ”

Isayas 65:17

“Pagpatingi kamu! Mamuwat aku bag-u pag langit ag bag-u pag daga. Ti daan pag langit hanggan daga kalimtan yi.

Hirimyas 10:12

Dapat Diyus ti naglalang langit ag daga sa panab-anan niya kamaskihan ag kadunungan.

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Hirimyas 51:15

Linalang Diyus ti langit ag ti kalibutan sa panab-anan kamaskihan ag kadunungan niya.

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Markus 13:19

Dahil ati katpung aban ti manga tawu makalakaw sa subra yi gid pag kakurian unman waya nalakawan manga tawu ginan waya sa kay pagkalalang Diyus sa kalibutan hanggan waya taynguna tugka ag dayi malakawan maan hanggan waya aban.

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.

Binwat 4:24

Pagka nadnugan manga patar-ari tunda pag manga barita, nagkarausa kanda manga tagipusuun, nagdarangin sida naghampang sa Diyus magkun, “Kawu duy Panginuun, ti naglalang langit, daga, dagat, hanggan ti tanan pag manga bagay asan sa kanda.

Ruma 11:36

Dahil Diyus ti gimpuunan tanan pag manga linalang. Tunda tanan ginan sa kanya, ag tabug diman sa kanya. Sa kanya di ti kadayawan hanggan aban. Amin.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

Ipisu 3:9

Pinili niya aku hampay iadal niku sa tanan tawu nu kabitay pag matupad ti paggayakun Diyus unman daan ipinaburayhaw niya. Inda kaybi di waya ginan unman gid ipinaalam Diyus, imaw ti naglalang tanan bagay.

Hibriyu 1:10

Bag-u inda waya kay sabi sa Bagaw magkun, “Panginuun, sa kabag-u nikana nimu ti daga, hanggan ti langit binwat waydi nimu manga kamang.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Hibriyu 11:3

Dahil sa kanta pagsarig sa Diyus nakan naintindihan nita ti kalibutan namhan dahil sa kay Bagaw Diyus. Ti manga mag-akitan nita, binwat Diyus ginan sa unman may mag-akitan sa mata.

Hibriyu 3:4

Dahil sa kada balay may nagpatindug. Dapat Diyus ti naglalang sa tanan manga bagay.

2 Pidru 3:5

Unman may kabuluhan sa kanda ti katutuuhanan magkun, ti langit, ti daga linalang Diyus sa kapangyarihan niya bagaw. Linalang Diyus ti daga ginan sa karaw-an danum.

1 Huwan 1:1

Kami inda may surat tabug sa kanyu tungkul sa Bagaw may kabuhian. Udwaya linalang ti kalibutan daan di siya. Imaw kanmi nadnugan hanggan nakitan nimi mata, kanmi binantayan ag nahikap nimi kamang.

Ipinakakit 10:6

bag-u nanumpa siya hinangbit niya ti ngaran Diyus buhi hanggan waya aban, imaw ti naglalang langit, daga, dagat hanggan tanan-tanan apinauli siyun. Magkun ti anghil, “Balaw yi dumugay aban.

Ipinakakit 14:7

Nagbagaw ti anghil daka magkun, “Pagkadala kamu sa Diyus, dayawun niyu kay kamaskihan. Dahil rinmas-ug yi kay kaudasan hampay pilahun niya ti manga matadlung sa manga unman matadlung. Sambahun niyu ti Diyus ti naglalang langit, daga ag dagat hanggan bulbugan danum.”

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:13

Aku ti Alpa ag ti Umiga, aku ti sa kabag-u, aku diman ti sa katapusan. Aku ti umpisa, aku diman ti masawad.”

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus:

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”