Galasya 1:1 - Hanunuu

¹ Inda ti may surat si Pablu, ti pinili hampay apustul. Bukun tawu ti nagpili, unman diman ginan sa tawu kagustuhan. Aku nag-apustul ginan ngap sa kagustuhan ni Hisu-Kiristu hanggan ginan sa Diyus Ama. Imaw diman ti nagbuhi uman sa kan Hisus.

Galasya 1:1 Iomraidhean Croise

Huwan 10:30

Aku hanggan ti Ama urusa kami.”

Huwan 20:21

Sinabi maan ni Hisus sa kanda magkun, “Pagmay kahusayan duy kamu. Parihu sa kay nagsugu Ama sa kangku, katunda diman waydi pagsuguun niku kamu tabug sa manga tawu taga kalibutan.”

Huwan 5:19

Bag-u sinabi ni Hisus sa manga pinunu Hudiyu magkun, “Ungud duy kang pagsabihun sa kanyu, ti Anak unman may karampatan magbuwat una hintay nu ginan lang sa kay sadili. Ti nakitan Anak sa kay Ama pag buwat imaw diman ti pagbuwatun niya.

Binwat 22:10

Bag-u aku pinmaingana sa kanya magkun, ‘Hintay duy Panginuun, ti dapat niku buwatun?’ Sinabi maan Panginuun sa kangku magkun, ‘Pagbangun yi kawu, pag-ati kawu sa Damasku bag-u may sumabi ati sa kanmu tungkul sa tanan niku ihinanda hampay buruwatun nimu.’

Binwat 3:15

Kanyu minatay si Hisus ti gimpuunan buhi. Dapat binuhi maan siya Diyus ginan sa kamatayan. Nakitan gid nimi tunda.

Binwat 9:6

Pagbangun yi kawu, pag-ati kawu sa banwa bag-u may sumabi ati sa kanmu tungkul sa kanmu kailangan buwatun.”

Ruma 1:1

Ti may surat inda si Pablu kay panawuhun ni Kiristu Hisus. Kay pinili aku Diyus hampay kay apustul, kay gid ibinukud hampay manudlu sa kay Mayad pag Barita Diyus.

Ruma 10:9

Nu itultul nimu magkun, “Si Hisus imaw ti Panginuun,” ag nu sumarig kawu buu tagipusuun siya binuhi uman Diyus ginan sa kamatayan, nu katunda miribri kawu.

Ruma 14:9

Ungud si Kiristu namatay bag-u nabuhi uman hampay siya yi ngani ti Panginuun una sa manga namatay una sa manga buhi di waya.

1 Kurintu 1:1

Inda duy aku si Pablu ti may surat hanggan kanta patar-ari si Sustinis. Aku si Pablu napili Diyus hampay apustul ni Hisu-Kiristu angay sa kay kagustuhan Diyus.

2 Kurintu 1:1

Inda ti may surat si Pablu kay pinili Diyus hampay kay apustul ni Kiristu Hisus, hanggan kanta patar-ari si Timutiyu. Inda pag surat tabug sa iglisya sa Kurintu hanggan sa manga banal mag-uli sa buu daga Akaya.

Galasya 1:15

Dapat dahil sa kay pangaawa Diyus nakan daan yi pinili niya aku bag-u iinanak. Kay tinawag niya aku hampay kay yi suruguun.

Galasya 1:17

Unman diman waydi nag-ati aku sa Hirusalim hampay mihampang sa manga apustul sa manga un-an tinawag sa kangku. Bagkus ngap nag-atag aku sa Arabya, bag-u siyun ginan nag-atag maan aku sa Damasku.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

2 Timutiyu 1:1

Inda ti may surat si Pablu. Aku ti kinaibgan Diyus hampay apustul ni Kiristu Hisus para manudlu aku tungkul sa buhi kay itinaratu Diyus sa kanta dahil sa kanta pakiusa sa kan Kiristu.

Titu 1:3

Sa kay taning pag udas ipinaburayhaw Diyus inda pag barita bag-u kay iinintirga sa kangku hampay kang itudlu sa manga tawu angay sa kay bilin Diyus, imaw yi ngani kanta Manugribri.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

Huswi 22:15

Pagras-ug nida sa Gilyad, magkun sida sa lahi ni Rubin, ni Gad, ag sa katunga lahi ni Manasis,

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman: