Diyuturunumiyu 9:7 - Hanunuu

⁷ “Isipa niyu nu kabitay niyu ginalit ti Panginuun niyu Diyus sa pangawakawaan. Ginan sa sirang nagluwas kamu sa Ihiptu tugka kainda, pirmi yi lang kamu maglaban sa Panginuun.

Diyuturunumiyu 9:7 Iomraidhean Croise

Pag-ighit 14:10

Pagka magpakarani yi ti hari Ihiptu hanggan kay manga sundalu, nakitan sida manga Israilita. Nakan masyadu gid nadala ti manga Israilita ag nanhagad awat sa Panginuun.

Pag-ighit 14:11

Magkun sida sa kan Muysis, “Hayga sitay waya sa pangawakawaan nimu kami pag dinara hampay mamatay? Unman aw lugud may kalubngan ati sa Ihiptu? Hayga kanmu waya kami ipinalwas sa Ihiptu?

Pag-ighit 16:2

Ati sa pangawakawaan, nagriklamu ti buu nasakupan Israil sa kanda ni Muysis ag ni Aarun.

Pag-ighit 17:2

Nakan nangatadlungan sida sa kan Muysis ag magkun, “Pakan-i kami danum.” Sinmagut si Muysis, “Hayga kamu magpangatadlungan sa kangku? Hayga kanyu pagsubukan ti Panginuun?”

Pag-ighit 23:21

Pagpatingi kamu sa kanya ag sunda kay pagsabihun. Danga kamu maglaban sa kanya. Dahil ti tanan niya pagbuwatun, pagbuwatun niya sa kang ngaran, ag balaw niya patawadun kanyu manga kasalanan.

Isayas 48:8

Balaw niyu napatingihan ngatay naintindihan inda pag manga bagay dahil ginan waya kaybi magpabungul-bungul yi kamu. Alam niku kanyu kapudilan, dahil ginan di waya sa kanyu pagkalusad maglaban yi kamu.

Hirimyas 11:10

Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 32:30

“Aku, ti Panginuun, ti magsabi ginan di waya kabag-u, unman yi may binuwat ti manga taga Israil hanggan ti taga Huda nu unman lunsay kadautan. Ginalit nida aku sa panab-anan nida manga buwat.

Hirimyas 44:9

Nalimtan yi aw niyu ti manga kadautan binwat niyu manga kaumputan, manga hari, manga rayna sa Huda, ti manga kadautan binwat niyu hanggan niyu manga asawa sa daga Huda ag Hirusalim?

Isikil 20:13

“ ‘Dapat naglaban di maan sida sa kangku ati sa pangawakawaan. Unman nida sinunud kang manga sugu hanggan manga surundanun, nu tupadun mana nida mangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku sa kanda kang pangagalit hampay midamhak sida lubus ati sa pangawakawaan.

Isikil 20:43

Ag ati maalala niyu kanyu manga binwat nakapa-uring sa kanyu, ag kadat-an niyu kanyu sadili dahil sa tanan niyu daut pag manga binwat.

Isikil 20:8

“ ‘Dapat naglaban sida sa kangku, ag unman sida namatingi. Unman nida binugyahan ti mayagting pag manga diyus-diyusan Ihiptu. Nakan magkun aku ipaagum niku sa kanda kang masyadu pag pangagalit ati sa Ihiptu.

Isikil 36:31

Bag-u maalala niyu kanyu daut ugali ag manga buwat, bag-u bugyahan niyu kanyu sadili dahil sa kanyu manga kasalanan ag balaw mayad pag manga buwat.

Bilang 11:4

May manga gurupu day-uhan nagkuyug sa manga Israilita maghanap kanda pagkaibgan kan-un pag karan-unun, nakan hanggan ti manga Israilita nagriklamu magkumun, “Nu may makaun lang mana kita taguban.

Bilang 14:22

unman una di usa sa kanda ti makaslud sa itinaratu niku pag daga sa kanda manga ginurang. Dahil una nakitan nida kang kadayawan hanggan ti manga makadululaw pag binwat niku sa Ihiptu ag sa pangawakawaan, pirmi diman nida aku pagsubukan ag unman sida magsunud sa kangku. Nakan balaw gid makaslud sa tunda pag daga ti manga magdayu sa kangku.

Bilang 17:10

Magkun ti Panginuun sa kan Muysis, “Ibalik ti sugkud ni Aarun sa atubangan Kaban Kasunduan hampay bumaliw inda paandam sa manga maglaban kuntay mamatay sida nu balaw umapas sa pagriklamu laban sa kangku.”

Bilang 21:5

nakan nagriklamu sida sa Diyus hanggan sa kan Muysis. Magkumun sida, “Hayga ipinalwas waya nimu kami ginan sa Ihiptu hampay magkaramatay lang sitay sa pangawakawaan? Unman sitay may kang-ud karan-unun hanggan danum! Balaw yi kami makaagwanta magkaun inda pag mana.”

Bilang 25:2

Ginarya sida manga babayi manhandug sa kanda manga diyus-diyusan, nangaun sida sa tunda pag manga handug ag nansamba sa tunda pag manga diyus-diyusan.

1 Kurintu 15:9

Aku ngani ti pinakaababa sa manga apustul, unman aku may karampatan ingarnan apustul, dahil inunu-unu niku ti iglisya Diyus.

Ipisu 2:11

Isipun niyu kanyu daan pag kahamtangan. Kamu inanak manga balaw Hudiyu. Pagkumnun kamu manga Hudiyu kuntay balaw tinuri. Inda pag manga Hudiyu pagkumnun manga tinuri angay lang sa kanda binwat sa kanda bilug.

Diyuturunumiyu 31:27

Dahil alam di niku nu kabitay kamu maralabag ag maganit kanyu ulu. Una ngani taynguna kaibahan niyu aku, maglaban yi kamu sa Panginuun, lalu waya gid nu tigbak yi aku!

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

Diyuturunumiyu 9:24

Ginan sa nakilala niku kamu lunsay lang paglaban sa Panginuun ti kanyu pagbuwatun.

Diyuturunumiyu 9:4

“Nu mapaighit yi sida Panginuun niyu Diyus, danga kamu magsabi sa kanyu sadili, ‘Dahil matadlung kita, nakan dinara kita sitay Panginuun hampay apuun inda pag daga.’ Balaw katida. Paighitun sida Panginuun dahil daut sida pag manga nasyun.