Diyuturunumiyu 9:4 - Hanunuu

⁴ “Nu mapaighit yi sida Panginuun niyu Diyus, danga kamu magsabi sa kanyu sadili, ‘Dahil matadlung kita, nakan dinara kita sitay Panginuun hampay apuun inda pag daga.’ Balaw katida. Paighitun sida Panginuun dahil daut sida pag manga nasyun.

Diyuturunumiyu 9:4 Iomraidhean Croise

Gimpuunan 15:16

Lumawuy dap ti upat ka sinulput bag-u di makabalik sitay kanmu manga linahi, dahil udwaya kang-ud ti kasalanan manga Amuriyu para parusahan sida ag palayasun sa inda pag daga.”

Isikil 36:22

Nakan sabihi ti nasakupan Israil aku, ti Panginuun Diyus, magkun: Nasakupan Israil, pag-ipabalik niku kamu sa kanyu daga balaw dahil sa karapat-dapat kamu pabalikun ati. Pagbuwatun niku inda dahil sa kang banal pag ngaran kanyu pagpakan-an kakay-ahan una naan tag kamu pag mag-atag pag manga nasyun.

Isikil 36:32

Dapat gustu niku maalaman niyu, Nasakupan Israil, pagbuwatun niku inda balaw dahil sa kanyu. Kailangan mangay-a gid kamu sa kanyu daut ugali. Aku, ti Panginuun Diyus, ti may sabi inda.”

Libitiku 18:3

Danga niyu paghuwada ti manga pagbuwatun manga tawu taga Ihiptu nu naan pag nangulian kamu kaybi, hanggan ti manga pagbuwatun manga taga Kanaan nu naan niku kamu pag darahun.

Ruma 11:20

Tutuu gid tunda. Pinlud sida dahil unman sida magsarig sa Diyus. Dapat kawu isinugdung dahil magsarig kawu sa Diyus. Nakan ngani, danga kawu magpalabi-labi, bagkus ngap pag-aman kawu.

Ruma 11:6

Pinili ngani sida dahil sa kay pangaawa Diyus, balaw dahil sa kanda sadili buwat. Nu abi pinili sida dahil sa kanda sadili buwat, balaw yi masabi kuntay sa kay pangaawa Diyus.

1 Kurintu 4:4

Unman aku may magkaisipan daut sa kang sadili bilug. Dapat unman pagsarigan niku inda hampay aku tanggapun Panginuun. Dahil ti Panginuun di tigpihu sa kangku nu mayad nu daut.

1 Kurintu 4:7

Hintay ti nagsabi sa kanyu kuntay kamu mayad man sa manga iba? Unman kamu may imaw nu unman ipinakaun Diyus. Dapat nu ipinakaun Diyus sa kanyu hayga pag-ipadayaw-dayaw niyu ga unman may nagpakaun sa kanyu?

Diyuturunumiyu 12:31

Danga gid niyu pagbuwata inda sa kanyu magsamba sa Panginuun niyu Diyus, dahil sa kanda magsamba pagbuwatun nida ti tanan daut pag manga bagay pagkagalitan Panginuun. Pagsunugun diman nida kanda manga anak bilang handug sa kanda manga diyus.

Diyuturunumiyu 31:27

Dahil alam di niku nu kabitay kamu maralabag ag maganit kanyu ulu. Una ngani taynguna kaibahan niyu aku, maglaban yi kamu sa Panginuun, lalu waya gid nu tigbak yi aku!

Diyuturunumiyu 8:17

Barang sumabi kamu sa kanyu sadili, ‘Dahil sa kang sadili kapangyarihan ag kabisugan naapu niku inda tanan pag kasiyunan.’

Diyuturunumiyu 9:24

Ginan sa nakilala niku kamu lunsay lang paglaban sa Panginuun ti kanyu pagbuwatun.

Diyuturunumiyu 9:5

Apuun niyu kanda daga balaw dahil sa matadlung kamu ngatay mayad kamu pag manga tawu nu unman dahil daut sida, ag hampay matupad Panginuun kay itinaratu sa kanyu manga ginurang sa kanda ni Abraham, ni Isaak, ag ni Hakub.

Diyuturunumiyu 9:7

“Isipa niyu nu kabitay niyu ginalit ti Panginuun niyu Diyus sa pangawakawaan. Ginan sa sirang nagluwas kamu sa Ihiptu tugka kainda, pirmi yi lang kamu maglaban sa Panginuun.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.