Diyuturunumiyu 9:27 - Hanunuu

²⁷ Danga yi duy pag-intindiha nimu ti kaganitan nida ulu, hanggan ti kadautan ag manga kasalanan nida, nu unman alalahanun nimu kanmu manga manugsirbi sida ni Abraham, ni Isaak, ag ni Hakub.

Diyuturunumiyu 9:27 Iomraidhean Croise

Gimpuunan 19:29

Balaw nalimtan Diyus si Abraham igu rinuris niya ti manga banwa sa karatagan nu naan pag mag-uli si Lut, nakan irinibri dap niya si Lut hampay balaw siya maunu.

Kanta 130:3

Panginuun, nu pag-ilista nimu kanmi manga kasalanan, si unu nguna ti masawad sa kanmu atubangan?

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Pag-ighit 13:5

Kailangan niyu inda alalahanun nu darahun yi kamu Panginuun sa daga manga Kananiyu, Hitiyu, Amuriyu, Hibiyu hanggan manga Hibusiyu. Inda pag daga, imaw ti itinaratu niya sa kanyu manga ginurang kay ipakaun sa kanyu. Marinu inda pag daga ag abunda.

Pag-ighit 3:16

Bag-u magkun waya ti Panginuun sa kan Muysis, “Paglakaw yi kawu ag tipuna ti manga manugpamahala sa Israil bag-u sabiha nimu sa kanda, ‘Ti Panginuun, ti Diyus niyu ginurang, nida ni Abraham, ni Isaak, ag ni Hakub, napakakit sa kangku. Magkun siya: Pagbantayan gid niku kamu, ag nakitan niku ti pagbuwatun manga Ihipsiyu sa kanyu.

Pag-ighit 3:6

Aku ti Diyus nimu manga ginurang, ti Diyus nida ni Abraham, ni Isaak, ag ni Hakub.” Pagka nadnugan inda ni Muysis, tinakluban niya kay uyahun, dahil magkadala siya magbantay sa Diyus.

Pag-ighit 32:13

Alalahana duy nimu kanmu itinaratu sa kanmu manga manugsirbi sa kanda ni Abraham, ni Isaak, ag ni Hakub, kuntay kanmu payamuun kanda linahi parihu kay kayamu sa manga pamgasan sa langit, ag ipakaun nimu sa kanda lahi ti tanan kadagaan kanmu itinaratu sa kanda, bumaliw kanda yi inda hanggan aban.”

Kabagawan 21:12

Alam matadlung pag Diyus ti pagbuwatun magtal-anakan manga daut, ag parusahan niya sida.

Hirimyas 14:21

Panginuun, sa ikadayaw nimu ngaran, danga duy nimu kami pagbugyahi. Danga duy pagpakay-ahan kanmu kadayaw-dayaw pag tukawan hari. Alalahana duy nimu kanmu kasunduan sa kanmi. Mana danga nimu inda pagdauta.

Hirimyas 50:20

Sa ati pag manga sirang, unman yi may makitan manga kasalanan hanggan paglabag sa manga magkasawad nasakupan sa Israil ag sa Huda dahil patawadun niku sida. Aku, ti Panginuun, ti magsabi inda.’ ”

Libitiku 26:42

tupadun niku kang kasunduan sa kanyu manga ginurang sa kanda ni Abraham, ni Isaak, ag ni Hakub bag-u ibalik niku kamu sa kanyu daga.

Libitiku 26:45

Tupadun niku sa kanyu kang kasunduan sa kanyu manga ginurang ti ipinalwas niku gin sa Ihiptu hampay ipakakit kang kapangyarihan sa manga nasyun. Binwat niku inda sa kanyu manga ginurang hampay bumaliw aku kanda Diyus. Aku ti Panginuun.

Diyuturunumiyu 9:26

Nandarangin aku sa Panginuun, ‘Panginuun Diyus, danga duy nimu pagrurisa kanmu magkaapu pag manga nasakupan. Irinibri duy nimu sida ag ipinaluwas sa Ihiptu sa panab-anan nimu masyadu pag kamaskihan.

Diyuturunumiyu 9:28

Nu ipadamhak nimu sida, sumabi ti manga taga Ihiptu, “Rinuris sida Panginuun dahil unman niya kaya madara sida sa daga kay itinaratu sa kanda.” Ngatay sumabi sida, “Ipinadamhak sida Panginuun dahil nagalit siya sa kanda; ipinaluwas niya sida sa Ihiptu ag dinara sa pangawakawaan hampay matyun.”

1 Samwil 25:25

Danga yi duy nimu paglabuta si Nabal. Daut gid siya pag tawu. Angay lang sa kanya kay ngaran Nabal, kay ibug sabihun ‘buang.’ Patawada gid dahil unman niku nakitan kanmu ipinadara manugbarita atabug sa kan Nabal.