Diyuturunumiyu 9:26 - Hanunuu

²⁶ Nandarangin aku sa Panginuun, ‘Panginuun Diyus, danga duy nimu pagrurisa kanmu magkaapu pag manga nasakupan. Irinibri duy nimu sida ag ipinaluwas sa Ihiptu sa panab-anan nimu masyadu pag kamaskihan.

Diyuturunumiyu 9:26 Iomraidhean Croise

2 Samwil 7:23

Unman diman may kaparihu kanmu nasakupan Israilita. Inda lang pag nasyun kanmu pinalaya ginan sa pagkasuruguun hampay bumaliw nasakupan nimu. Nibantug kanmu ngaran dahil sa makamaskihan ag lilingutan pag binwat nimu pagka pinalayas nimu ti manga nasyun hanggan kanda manga diyus-diyusan sa panab-anan nimu pagpalwas nasakupan ginan sa Ihiptu.

1 Hari 8:51

Dahil nasakupan nimu sida kanmu magkaapu. Ipinalwas nimu sida sa Ihiptu, ti rugar parihu sa maglabdab pugun.

1 Hari 8:53

Dahil pinili nimu sida, Panginuun Diyus, sa tanan nasyun sa kalibutan bilang magkaapu nimu pag nasakupan, angay sa sinabi nimu sa panab-anan ni Muysis kanmu suruguun, katpung ipinalwas nimu kanmi manga ginurang sa Ihiptu.”

Nihimyas 1:10

“Kami kanmu manga manugsirbi ag nasakupan kanmu irinibri sa panab-anan nimu kamaskihan ag kabisugan.

Kanta 106:23

Rinuris yi mana Diyus kay nasakupan nu balaw nagpakaraw-an si Muysis kay manugsirbi, agud manpakihampang sa kanya kuntay pigili niya kay pangagalit hampay balaw niya sida ipadamhak.

Kanta 107:2

Sabihun niyu inda, kamu kay irinibri sa kamang manga kalaban.

Kanta 28:9

Ribrihan ag papaladi kanmu magkaapu pag nasakupan. Alagai sida parihu sa manug-alaga karanidu; alagai sida sa unman may katapusan.

Kanta 57:1

Diyus, kaawai aku dahil sa kanmu aku magdangup parihu sa butu manuk magpatagu sa sirung manga pakpak niya ina. Manhagad aku awat sa kanmu tugka sa lumawuy ti manga kadamhakan.

Kanta 77:15

Sa panab-anan nimu kapangyarihan irinibri nimu kanmu nasakupan pag manga linahi ni Hakub ag ni Husi.

Kanta 78:35

Naalaala nida ti Kaabwat-abwatan pag Diyus imaw kanda palalan-iban pag batu ag manugribri.

Kanta 99:6

Si Muysis ag si Aarun kabilang sa kay manga manughandug, ag si Samwil ti usa sa manga magdarangin sa kanya. Magtawag sida sa kanya ag sinagut niya sida.

Pag-ighit 15:13

Sa panab-anan nimu parargu pag pagmahal, ibahan nimu kanmu irinibri pag nasakupan. Sa panab-anan nimu bisug, ibahan nimu sida sa banal nimu pag ulian.

Pag-ighit 33:13

Nu tutuu duy magbaya kawu sa kangku, tudlui aku kanmu palakaw hampay makilala niku kawu ag hampay makabaya waya gid kawu sa kangku. Alalahana nimu inda pag nasyun kanmu pag manga nasakupan.”

Pag-ighit 34:9

Magkun siya, “Duy Panginuun, nu magbaya kawu sa kangku, magpakihampang duy aku ibahi nimu kami. Una maganit kay ulu inda pag manga tawu, patawada duy kami sa kanmi kadautan hanggan kasalanan. Tanggapa duy nimu kami bilang kanmu nasakupan.”

Isayas 44:23

Langit, pagkanta kawu sa kabayaan! Kalibutan, pagringgit kawu kamatnug! Manga bantud hanggan manga kayu sa katalunan, pagkanta kamu. Dahil iribri Panginuun ti linahi ni Hakub; ipakakit niya kay kadayawan sa Israil.

Isayas 63:19

Kanmu kami ginan di waya kaybi, dapat ipinurya nimu kami balaw kanmu, ag bilang ga balaw nimu pag panguluhan.

Hirimyas 14:21

Panginuun, sa ikadayaw nimu ngaran, danga duy nimu kami pagbugyahi. Danga duy pagpakay-ahan kanmu kadayaw-dayaw pag tukawan hari. Alalahana duy nimu kanmu kasunduan sa kanmi. Mana danga nimu inda pagdauta.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Karukuan 2:20

Panginuun, bantayi kami. Isip-isipa niyu nu si unu ti pinakurianan nimu parihu kainda. Sa masyadu pag lun-us, kinaun manga ina kanda manga anak kanda pag-alagaun. Ti manughandug hanggan purupita pinanmatay sa kanmu Balay.

Mikas 6:4

Ipinalwas waya ngani niku kamu sa Ihiptu, nu naan kamu pag binwat panawuhun. Pinili niku sida ni Muysis, ni Aarun, ag ni Miryam hampay giyahan kamu.

Diyuturunumiyu 13:5

Matya tunda pag purupita ngatay manugtultul kahulugan tagin-up, dahil nagtudlu siya laban sa Panginuun niyu Diyus, ti nagpalwas sa kanyu sa Ihiptu hanggan nagribri sa kanyu sa pagkasuruguun. Inda pag tawu maggayak lang sa pagpakarayu sa kanyu sa manga palakaw pag-isugu Panginuun niyu Diyus kanyu sundun. Kailangan duraun niyu inda pag kadautan sa kanyu.

Diyuturunumiyu 15:15

Isipun niyu manga panawuhun diman kamu kaybi sa Ihiptu ag pinalpasan diman kamu Panginuun niyu Diyus. Imaw inda ti pag ipakaun niku pag sugu sa kanyu kainda.

Diyuturunumiyu 21:8

Ungud Panginuun, patawada di duy kanmu manga nasakupan Israilita, ti kanmu irinibri sa Ihiptu. Danga kami pagsukta sa inda pag kamatayan tawu unman may salan.’ Bag-u unman yi sida may saragtun sa kamatayan sa tunda pag tawu.

Diyuturunumiyu 32:9

Dahil pinili Panginuun ti manga linahi ni Hakub bilang kay manga nasakupan.

Diyuturunumiyu 7:8

Pinili niya kamu dahil sa kay pagmahal sa kanyu ag pagtupadun niya kay itinaratu sa kanyu manga ginurang. Nakan ngani ipinaluwas niya kamu sa Ihiptu sa panab-anan niya kamaskihan, ag binawi sa pagkapanawuhun sa hari Ihiptu.

Diyuturunumiyu 9:12

Bag-u magkun ti Panginuun sa kangku, ‘Pagdugsun kawu dahil kanmu pag panguluhan pag nasakupan sa pagluwas sa Ihiptu nagbuwat kadautan. Madali sida magpatlikud sa manga surundanun kang pag-isugu sa kanda ag nagbuwat sida diyus-diyusan hampay kanda sambahun.’

Diyuturunumiyu 9:27

Danga yi duy pag-intindiha nimu ti kaganitan nida ulu, hanggan ti kadautan ag manga kasalanan nida, nu unman alalahanun nimu kanmu manga manugsirbi sida ni Abraham, ni Isaak, ag ni Hakub.

Diyuturunumiyu 9:29

“ ‘Dapat kanmu sida pag nasakupan. Sida ti magkaapu nimu pag manga nasakupan, ti ipinaluwas nimu sa Ihiptu sa panab-anan nimu masyadu pag kamaskihan.’ ”

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 9:12

Kas-a lang gid pag nagsaka si Kiristu ati sa Pinakabanal pag Sulud-sulud, udyi kailangan ulitun. Sa kay nagsaka may dara diman siya dugu hampay siya makaatubang sa Diyus, dapat balaw dugu kambing, balaw diman dugu ibun baka nu unman kay ngap sadili pag dugu. Nakan unman may katapusan kay kinamhan ati pag karibrihan sa kanta manga kasalanan.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.

1 Samwil 7:9

Bag-u nagbuul si Samwil usa ka anak karanidu ag kay sinunug bilugan bilang handug pagsunugun para sa Panginuun. Nagdangup siya sa Panginuun hampay awatan ti manga Israilita. Dinungug Panginuun kay darangin.