Diyuturunumiyu 8:8 - Hanunuu

⁸ Inda pag daga may manga tirigu, sibada, ubas, igus, pumigranata, ulibu ag daykut.

Diyuturunumiyu 8:8 Iomraidhean Croise

Gimpuunan 49:11

Bumaliw abunda kanmu daga, nakan una ihigut nimu kanmu asnu sa may arani pinakamarinu pag tanum ubas, balaw niya inda kan-un. Ag una ipipi waya ti pin-gis ubas, balaw kawu matabwan.

2 Samwil 4:6

Sinmaka sida sa balay nagpanaguabi mam-ul tirigu. Nagrargu sida sa sulud-sulud ni Isbusit nu naan pag maigyaan tunda sa kay laming, bag-u hinandus nida sa tiyan. Pinlud nida ti liug ni Isbusit ag dinara nida tunda sa kanda pagtakas. Buu yabi sida maglakaw sa Karatagan Hurdan.

1 Hari 5:11

Ag pinadarahan diman ni Sulumun si Hiram 60,000 saku tirigu ag 110,000 galun lana ulibu kada timpu.

2 Hari 18:32

tugka sa bumalik aku ag darahun niku kamu sa daga parihu sa kanyu daga — ti daga may manga taranuman manga ubas makapakaun sa kanyu irinmun ubas ag may manga butir mabuwat niyu manga tinapay, ag may imaw diman manga kayu ulibu hanggan manga daykut. Tupada niyu kang pagsabihun hampay mabuhi kamu ag balaw mamatay. Danga kamu magpatingi sa kan Isikyas dahil pagpatalangun lang niya kamu sa kay pagsabihun iribri kamu Panginuun.

Kanta 147:14

Pagpakan-an niya kahusayan kanyu rugar, ag pagbusugun niya kamu sa pinakamayad pag tirigu.

Kanta 81:16

Dapat kamu kang manga nasakupan pakaunun niku kamu ag busgun pinakamayad pag burak tirigu hanggan daykut.”

Isayas 7:23

Sa ati diman pag udas, ti ubasan may 1,000 puun, kay halaga 1,000 pulud pilak bumaliw marikut ag mapnu tanum madugi.

Hirimyas 2:7

Ati ginan dinara niku sida sa marinu pag daga hampay makakinabang sa abunda pag patubas. Dapat pagka ati yi sida, inuringan nida ti magkaapu niku pag daga bag-u binuwat nida inda mayagting.

Hirimyas 5:17

Tabuhun nida kanyu manga ani, manga karan-unun, hanggan manga ubas ag manga igus. Matyun nida kanyu manga hayup hanggan kanyu manga anak. Dautun nida ti manga may alad batu pag banwa, imaw mana kanyu pagsarigan.

Isikil 27:17

“ ‘Nakipagnigusyu diman sa kanmu ti Huda hanggan Israil. Kanda manga ibinayad sa kanmu manga tirigu ginan sa Minnit, igus, daykut, lana hanggan bulung panhaplas.

Husyas 2:22

ti manga uyas, ubas hanggan ulibu para sa kanyu manga pag-ingarnan Hisriil.

Husyas 2:8

“Balaw niya pag-isipun aku ti nagpakaun sa kanya manga ani, irinmun ubas, lana ulibu, hanggan mayamu pag pilak ag gintu binwat nida larawan ni Baal.

Mikas 4:4

Ti kada tawu tumukaw sa sirung nida tanum ubas hanggan igus unman may pagkadalaan. Pihu gid matupad inda dahil sinabi mismu Panginuun Makamaskihan.

Habakuk 3:17

Una unman bumurak ti igus, ti ubas, ngatay ti ulibu, una unman pumatubas ti daga, una magkaramatay ti manga hayup sa tudiran,

Bilang 13:23

Pagka rinmas-ug sida sa Luung Iskul, nanrapas sida usa ka buligan ubas. Mabuyat masyadu inda nakan ipinauli nida sa yayungan ag yinayung duwa ka tawu. Nandara diman sida manga burak kayu pumigranata hanggan igus.

Huwan 6:13

Nakan kanda tinipun ti manga pinikapika pag tinapay. Kanda sawad nagkan-an sampulu may duwa ka luwak punu.

Huwan 6:9

“May anak lalaki atay may balun lima ka tinapay ag duwa ka isda. Dapat kabitay lang pag kumang-ud tunda sa kainda kay kayamu pag manga tawu?”

Diyuturunumiyu 32:13

Pinadumara niya sida sa manga kabantudan, ag pinakaun sa manga patubas daga. Tinugunan niya sida sa panab-anan daykut ginan sa ukang batu ag lana ginan sa manga ulibu magtubu sa mabatu pag daga.

Diyuturunumiyu 32:14

Pinakan-an niya sida manga kisu ag gatas ginan sa manga baka hanggan kambing, bag-u pinakan-an maratabul pag manga karanidu ag manga kambing ginan sa Basan. Pinakan-an diman niya sida pinakamayad pag manga tirigu ag pinainum sa pinakamayad pag irinmun intus ginan sa ubas.

Diyuturunumiyu 6:3

Pagpatingi kamu, manga nasakupan Israil, ag sunda niyu kaayad kay manga sugu hampay mayad kanyu kahamtangan ati ag hampay lalu waya kamu yumamu sa marinu ag abunda pag daga, angay sa itinaratu sa kanyu Panginuun, ti Diyus niyu manga ginurang.

Diyuturunumiyu 8:7

Dahil darahun kamu Panginuun niyu Diyus sa mayad pag daga, may manga bululusan danum ag manga bulbugan magbulus sa manga ratag ag manga tagudtud.

Diyuturunumiyu 8:9

Balaw kamu maduraan karan-unun sa tunda pag daga. Balaw kamu pakurangan una sa hintay. Abunda sa manga baul ti manga batu hanggan manga galang ti manga bantud.