Diyuturunumiyu 8:20 - Hanunuu

²⁰ Parihu sa pagruris Panginuun sa manga nasyun sa kanyu atubangan, katunda diman rurisun niya kamu nu balaw kamu magsunud sa Panginuun niyu Diyus.

Diyuturunumiyu 8:20 Iomraidhean Croise

Kanta 10:16

Panginuun, kawu ti hari unman may katapusan. Madura ti daut pag manga nasyun sa kalibutan kanmu linalang.

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Hirimyas 7:33

Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Isikil 5:5

“Aku, ti Panginuun Diyus, magbagaw magkun imaw tunda ti patabgan Hirusalim, ti binwat niku pag banwa pinakamahalaga pag rugar sa kalibutan.

Libitiku 26:27

Nu dayu waya gid kamu maniwala sa kangku bagkus pumadayun di gid kamu sa maglabag sa kangku,

Libitiku 26:39

Ag ti masawad sa kanyu amat-amat mamatay dahil sa kanyu manga kasalanan hanggan sa manga kasalanan niyu manga ginurang.

Diyuturunumiyu 4:26

“Kainda pag sirang, saksi niku ti langit ag ti daga laban sa kanyu nu balaw niyu sundun aku, unman kamu dumugay sa kanyu manahun pag daga ati sa baliw dipay Hurdan. Mangulian kamu ati ngalay lang pag panahun, bag-u maruris kamu lubus.

Huswi 23:8

bagkus ngap pagmatutum kamu sa Panginuun niyu Diyus, parihu sa kanyu pagbuwatun tugka kainda.