Diyuturunumiyu 8:19 - Hanunuu

¹⁹ “Dapat pagpaandaman niku kamu taynguna, nu kalimtan niyu ti Panginuun niyu Diyus ag mansunud kamu sa iba pag manga diyus, hanggan mansamba ag sumirbi sa kanda, pihu gid maruris kamu.

Diyuturunumiyu 8:19 Iomraidhean Croise

Hirimyas 25:6

Danga kamu magsamba ag magsirbi sa manga diyus-diyusan, ag danga aku paggalita sa panab-anan diyus-diyusan binuwat lang niyu, hampay balaw kamu kang parusahan.”

Hirimyas 7:6

ag danga yi niyu pag-apiha ti manga day-uhan, manga ilu, manga buranday babayi mag-uli asan sa kanyu daga. Danga niyu pagpihua ti manga unman may kasalanan, ag danga kamu magsamba sa iba pag manga diyus imaw ti mamadamhak sa kanyu.

Danyil 9:2

Katpung un-an timpu niya paghari, naalaman niku sa manga Kasuratan mamirmaminti daut ti Hirusalim sa sulud pitumpulu ka timpu, angay sa sinabi Panginuun sa kan purupita Hirimyas.

Amus 3:2

Sa tanan nasyun sa buu kalibutan, kamu lang gid kang pinili hampay kang nasakupan. Nakan parusahan gid niku kamu dahil sa tanan niyu manga kasalanan.”

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Sipanyas 3:6

“Magkun ti Panginuun, ‘Pinapas niku ti manga nasyun; ginuba niku kanda manga banwa hanggan kanda manga alad batu ag manga bantayaw. Unman may nasawad sa kanda manga nasakupan, nakan udyi may tawu maglakaw sa kanda manga karsada.

Malakyas 4:4

“Tupada niyu ti ipinakaun pag Kasuguan niku suruguun ni Muysis. Inda pag manga sugu ag manga turupadun ipinakaun niku sa kanya ati sa Bantud Sinai hampay ipatupad sa tanan nasakupan Israil.

Lukas 13:3

Bukun ay duy katida, dapat kang pagsabihun sa kanyu, nu unman iampu niyu kanyu manga kasalanan, pihu midamhak diman waydi gid kamu tanan.

Lukas 13:5

Bukun ay duy katida, dapat kang pagsabihun sa kanyu, nu unman iampu niyu kanyu manga kasalanan, pihu midamhak diman waydi gid kamu tanan.”

Diyuturunumiyu 11:16

“Pag-aman gid kamu barang matuksu kamu pumatlikud sa Diyus ag mansamba sa iba pag manga diyus ag sumirbi sa kanda.

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Diyuturunumiyu 4:26

“Kainda pag sirang, saksi niku ti langit ag ti daga laban sa kanyu nu balaw niyu sundun aku, unman kamu dumugay sa kanyu manahun pag daga ati sa baliw dipay Hurdan. Mangulian kamu ati ngalay lang pag panahun, bag-u maruris kamu lubus.

Huswi 23:13

pihu gid unman yi ipatabug Panginuun niyu Diyus sa kanyu inda pag manga nasyun. Bagkus ngap, bumaliw dilikadu sida sa kanyu parihu sa suduk, ag bumaliw sida pabuyat sa kanyu parihu sa latigu nu malaptik kawu sa dayu ngatay dugi nu matbuk kanmu mata. Parargu inda tugka sa magkaramatay kamu sa siyun pag marinu daga ipinakaun sa kanyu Panginuun niyu Diyus.

1 Samwil 12:25

Dapat nu kamu magparargu sa kanyu buwat kadautan, rurisun kamu hanggan kanyu hari.”