Diyuturunumiyu 8:14 - Hanunuu

¹⁴ pagdahan kamu balaw makapadayaw-dayaw ag makalimut sa Panginuun niyu Diyus, ti nagpalwas sa kanyu sa Ihiptu nu naan kamu pag binwat panawuhun.

Diyuturunumiyu 8:14 Iomraidhean Croise

2 Hari 14:10

Amasiyas, tutuu natalu nimu ti Idum ag pag-ipadayaw nimu tunda. Pagbaya yi lang kawu sa kanmu nanalu ag asan lang kawu sa kanmu ulian. Hayga pagkaibgan gid nimu ti gulu, mandara lang kadamhakan sa kanmu hanggan sa Huda?”

2 Hari 17:38

Danga niyu pagkalimti kang kasunduan sa kanyu, ag danga kamu magsamba sa iba pag manga diyus.

2 Krunika 26:16

Dapat pagka nag makapangyarihan yi siya, nag padayaw siya. Ag inda ti nakapaababa sa kanya. Unman siya sinmunud sa Panginuun niya Diyus, dahil sinmulud siya sa Balay Diyus Panginuun ag nagsadili nagsunug kamangyan sa harandugan.

2 Krunika 32:25

Dapat nagpadayaw si Isikyas ag ipinalawuy niya ti kaayadan ipinakakit Panginuun sa kanya. Nakan nagalit ti Panginuun sa kanya ag sa manga nasakupan Huda ag Hirusalim.

Kanta 106:21

Nalimtan nida ti Diyus imaw ti nagribri sa kanda ag nagbuwat makadululaw hanggan lilingutan pag buwat ati sa Ihiptu, ti daga manga linahi ni Kam ati sa Marara pag Dagat.

Kanta 78:7

Sa siyun pag paraan sumarig sida sa Diyus ag balaw nida malimtan kay manga binwat bagkus ngap tupadun nida kay manga sugu.

Pag-ighit 13:3

Bag-u magkun si Muysis sa manga tawu, “Alalahana niyu inda pag sirang, ti sirang ipinalwas kamu ginan sa pagka panawuhun sa Ihiptu. Dahil ipinalwas kamu Panginuun sa panab-anan niya kamaskihan. Danga kamu magkaun tinapay may pamadaka.

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 2:6

Udyi nida aku hinanap una aku yi ti nagpalwas sa kanda sa Ihiptu hanggan ti nag-una sa kanda sa pangawakawaan unman may tanum — tigangan pag daga, may manga tuyungan, mahawag ag unman may mag-uli ngatay maglakaw.

Hirimyas 23:27

Sa panab-anan manga tagin-up nida tida ti pagsabihun nida sa manga tawu, pag-itulang nida kang manga nasakupan hampay kalimtan nida aku, parihu sa paglimut nida manga kaumputan sa kangku sa panab-anan nida pagsamba sa kan Baal.

Danyil 11:12

Sa kay pagpanalu, manpayabang siya ag mayamu waya gid kay panmatyun, dapat unman dumugay kay pagkamarapanalu.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Bilang 15:39

Inda pag manga paraway-raway imaw ti pumaala-ala sa kanyu sa tanan niku manga sugu hampay tupadun niyu inda ag balaw kanyu lang pag kagustuhan ti pagbuwatun niyu.

Diyuturunumiyu 13:6

“Abi kanmu patar-ari ngatay anak, ngatay kanmu pinakamahal pag asawa ngatay kanmu suud kakilala, maggarya sa kanmu sa lihim ag sumabi, ‘Manimba kita sa tuhay pag diyus’ (manga diyus unman nimu magkakilala una sa kanmu manga ginurang),

Diyuturunumiyu 17:20

Sa panab-anan diman pirmi pag pagbasa, maamanan niya ti pagpadayaw-dayaw kuntay mas mayad siya kaysa kay kaparihu manga Israilita, ag makaaman siya sa paglabag sa manga sugu Panginuun. Nu sundun niya tanan inda, siya hanggan kay manga lahi humari dugay sa Israil.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Diyuturunumiyu 5:6

‘Aku ti Panginuun niyu Diyus ti nagpalwas sa kanyu ginan sa Ihiptu nu naan kamu binwat panawuhun.

Diyuturunumiyu 6:11

May manga balay diman ati punu mayad pag manga bagay balaw kamu ti nagbudlay, may manga bubun balaw kamu ti nagkutkut ag may manga taranuman ubas ag manga ulibu pag kayu balaw kamu ti nagtanum. Ag nu makakaun kamu ag mabsug,

Diyuturunumiyu 8:11

“Dahani gid niyu balaw malimtan ti Panginuun niyu Diyus ag danga niyu paglabaga kay manga sugu hanggan surundanun ti pag-ipakaun niku sa kanyu taynguna.

Diyuturunumiyu 8:13

ag nagyamu yi kanyu manga hayup, pilak, gintu hanggan manga kasiyunan,

Talaghusay 3:7

Nagbuwat daut ti manga Israilita sa magbantay Panginuun dahil kinalimtan nida ti Panginuun nida Diyus ag nagsamba sa manga tawu-tawu Baal hanggan Asira.