Diyuturunumiyu 8:12 - Hanunuu

¹² Nu nakakaun yi kamu, nabsug, ag nakapatindug yi mayad pag manga balay,

Diyuturunumiyu 8:12 Iomraidhean Croise

Kabagawan 30:9

Dahil nu yumaman aku, barang itanggi niku kawu, ag sabihun niku, “Si unu lugud ti Panginuun?” Ag nu pugri aku, barang manakaw aku ag mapakay-a niku kawu.

Manugtudlu 2:4

Nagbuwat aku daraka pag manga bagay: namatindug aku kang manga balay ag nantanum manga ubas.

Isikil 11:3

Magkun sida, ‘Kainda pag manga udas mayad pumatindug manga balay. Unman may mangunu sa kanta. Kanta banwa parihu sa kardiru ag kita parihu sa taguban sa kay sulud balaw maangtud.’

Amus 5:11

Pag-ihid-ihidun niyu ti manga pugri ag pagpilitun pumakaun sa kanyu kanda patubas. Nakan unman kamu makaulian sa ipinatindug niyu pag manga balay buwat sa batu, ag unman kamu makainum intus ginan sa itinanum niyu pag manga ubas.

Hagay 1:4

Maagwanta aw niyu mangulian kamu sa mararinu pag manga balay dapat daut kang Balay Diyus?

Lukas 17:28

Katunda diman ti nangyari ati katpung pagka si Lut sa Suduma. Nagkaun ti manga tawu, nag-inum, nagbili, nagpabili, nagtanum sida, nagbuwat balay.

Diyuturunumiyu 28:47

Dahil balaw kamu nagsirbi may kabayaan ag kasulungan sa Panginuun niyu Diyus sa udas niyu kaabundahan,

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 6:10

“Darahun yi kamu Panginuun niyu Diyus atabug sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub. Inda pag daga may daraka ag abunda pag manga banwa balaw kamu ti nagpatindug.

Diyuturunumiyu 8:13

ag nagyamu yi kanyu manga hayup, pilak, gintu hanggan manga kasiyunan,