Diyuturunumiyu 7:8 - Hanunuu

⁸ Pinili niya kamu dahil sa kay pagmahal sa kanyu ag pagtupadun niya kay itinaratu sa kanyu manga ginurang. Nakan ngani ipinaluwas niya kamu sa Ihiptu sa panab-anan niya kamaskihan, ag binawi sa pagkapanawuhun sa hari Ihiptu.

Diyuturunumiyu 7:8 Iomraidhean Croise

Gimpuunan 19:16

Dayu waya mana man-ginan si Lut, dapat dahil sa pangaawa Panginuun sa kanda, inabat sida manga anghil ag dinara atag sa luwas banwa.

Gimpuunan 19:29

Balaw nalimtan Diyus si Abraham igu rinuris niya ti manga banwa sa karatagan nu naan pag mag-uli si Lut, nakan irinibri dap niya si Lut hampay balaw siya maunu.

2 Samwil 22:20

Irinibri nimu aku sa kadamhakan, dahil aku kanmu pagbayaun.

1 Hari 10:9

Dayawun ti Panginuun nimu Diyus, magbaya sa kanmu ag nagpauli sa kanmu sa kaharian Israil. Dahil unman may katapusan ti pagmahal Panginuun sa Israil, binwat niya kawu hari hampay humari kawu may katuwiran ag katadlungan.”

1 Krunika 16:16

Inda pag kasunduan binwat niya sa kan Abraham ag itinaratu waydi niya sa kan Isaak.

2 Krunika 9:8

Dayawun ti Panginuun kanmu Diyus, ti nagbaya sa kanmu ag nagpauli sa kanmu sa turukawan hampay humari para sa kanya. Dahil sa pagmahal nimu Diyus sa Israil ag sa kay nagustuhan pumirmaminti inda pag nasyun tugka aban, binwat niya kawu hari sitay, hampay manguna kawu may katadlungan ag kaaydan.”

Kanta 105:42

Binwat inda tanan Diyus dahil balaw niya kinalimtan kay taratu sa kan Abraham kay manugsirbi.

Kanta 44:3

Dapat ti tutuu, balaw dahil sa armas ag kabisugan nimi manga ginurang nagmarapanalu sida ag naapu nida ti daga, nu unman dahil sa kanmu kapangyarihan, kabisugan, ag pangaawa, dahil pagmahalun nimu sida.

Kanta 44:4

Kawu kang Diyus ag Hari magpakaun panalu sa kanmi manga linahi ni Hakub.

Pag-ighit 13:14

“Aban nu paingan-un kamu niyu manga anak nu hayga niyu inda pagbuwatun, sabihun niyu sa kanda, ‘Sa panab-anan kamaskihan Panginuun, ipinalwas niya kami ginan sa Ihiptu nu naan kami pag binwat panawuhun.

Pag-ighit 13:3

Bag-u magkun si Muysis sa manga tawu, “Alalahana niyu inda pag sirang, ti sirang ipinalwas kamu ginan sa pagka panawuhun sa Ihiptu. Dahil ipinalwas kamu Panginuun sa panab-anan niya kamaskihan. Danga kamu magkaun tinapay may pamadaka.

Pag-ighit 20:2

“Aku ti Panginuun niyu Diyus ti nagpalwas sa kanyu sa Ihiptu nu naan kamu pag binwat panawuhun.

Pag-ighit 32:13

Alalahana duy nimu kanmu itinaratu sa kanmu manga manugsirbi sa kanda ni Abraham, ni Isaak, ag ni Hakub, kuntay kanmu payamuun kanda linahi parihu kay kayamu sa manga pamgasan sa langit, ag ipakaun nimu sa kanda lahi ti tanan kadagaan kanmu itinaratu sa kanda, bumaliw kanda yi inda hanggan aban.”

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Isayas 43:4

Ipakaun niku ti iba ka manga tawu bilang ka ilis nimu, dahil kawu garalangun ag mahalaga sa kang magbantay, dahil pagmahalun niku kawu.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Hirimyas 31:3

Kaybi sa kabag-u, ti Panginuun nagpakakit sa manga Israilita ag magkun, “Pagmahalun gid niku kamu balaw may katapusan pag pagmahal. Sa kang mayad nabubut-un, pag-ipakarani niku kamu sa kangku.

Isikil 36:22

Nakan sabihi ti nasakupan Israil aku, ti Panginuun Diyus, magkun: Nasakupan Israil, pag-ipabalik niku kamu sa kanyu daga balaw dahil sa karapat-dapat kamu pabalikun ati. Pagbuwatun niku inda dahil sa kang banal pag ngaran kanyu pagpakan-an kakay-ahan una naan tag kamu pag mag-atag pag manga nasyun.

Mikas 6:4

Ipinalwas waya ngani niku kamu sa Ihiptu, nu naan kamu pag binwat panawuhun. Pinili niku sida ni Muysis, ni Aarun, ag ni Miryam hampay giyahan kamu.

Mikas 7:20

Ipakakit nimu kanmu pagmahal ag matinupadun sa kanmi sa manga linahi ni Abraham hanggan ni Hakub, parihu sa kanmu itinaratu sa kanda kaybi.”

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Malakyas 1:2

Magkun ti Panginuun, “Pagmahalun niku kamu. Dapat magpaingana waya kamu, ‘Kabitay nimu kami kamahal?’ Isipa niyu una magtar-ari sida ni Isaw ni Hakub, pagmahalun niku si Hakub

Matiyu 11:26

Hu ngani duy Amang, dahil katunda yi kanmu kagustuhan.”

Ruma 11:28

Dinayu manga Hudiyu ti Mayad pag Barita, nakan nagbaliw sida manga kalaban Diyus. Bag-u pinakan-an ngap kamu pag manga balaw Hudiyu rugar hampay makakit karibrihan. Dapat ti manga Hudiyu pinili di Diyus, kay di gid pagmahalun sida dahil sa kay taratu sa kanda manga ginurang.

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 10:15

Dapat pinili Panginuun kanyu manga ginurang hampay kay mahalun, ag kamu kanda manga lahi ti pinili niya mas higit sa tanan pag nasyun, tugka kainda kamu di maan kay pinili pag manga nasakupan.

Diyuturunumiyu 23:6

Habang buhi waya kamu, danga gid kamu mag-awat sa manga Amunita ngatay Muabita una sa hintay pag paraan.

Diyuturunumiyu 33:3

Pagmahalun gid ungud Panginuun kay manga nasakupan. Pag-alagaan niya ti manga pinili niya pag tawu. Nakan pagsundun nida siya ag pagtupadun kay sugu.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Diyuturunumiyu 4:37

Ag dahil sa pagmahalun niya kanyu manga ginurang, pinili niya kamu ag ipinalwas ginan sa Ihiptu sa panab-anan niya kadayawan ag kamaskihan.

Diyuturunumiyu 5:6

‘Aku ti Panginuun niyu Diyus ti nagpalwas sa kanyu ginan sa Ihiptu nu naan kamu binwat panawuhun.

1 Huwan 4:19

Kita may pagmahal dahil ti Diyus waydi ti un-an nagmahal sa kanta.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.