Diyuturunumiyu 7:7 - Hanunuu

⁷ “Pinili kamu ag pagmahalun Panginuun balaw dahil mas mayamu kamu kaysa iba pag manga tawu, dahil kamu waya ngani ti pinakapira sa tanan.

Diyuturunumiyu 7:7 Iomraidhean Croise

1 Krunika 16:19

Kaybi pira-pira lang di waya ti nasakupan Diyus, ag manga day-uhan lang di waya sida sa daga Kanaan.

Kanta 105:12

Kaybi pira-pira waya ti nasakupan Diyus, ag manga day-uhan waya sida sa daga Kanaan.

Kanta 115:1

Panginuun, balaw kami ti kailangan dayawun, nu unman kawu, dahil sa kanmu pagmahal ag katapatan.

Kanta 44:3

Dapat ti tutuu, balaw dahil sa armas ag kabisugan nimi manga ginurang nagmarapanalu sida ag naapu nida ti daga, nu unman dahil sa kanmu kapangyarihan, kabisugan, ag pangaawa, dahil pagmahalun nimu sida.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Isikil 20:5

Sabihi sida aku, ti Panginuun Diyus, magbagaw magkun: ‘Katpung udas pinili niku ti Israil kay manga linahi ni Hakub ag ipinakilala niku kang sadili sa kanda ati sa Ihiptu, nagsumpa aku sa kanda magkun, “Aku ti Panginuun niyu Diyus.”

Isikil 36:22

Nakan sabihi ti nasakupan Israil aku, ti Panginuun Diyus, magkun: Nasakupan Israil, pag-ipabalik niku kamu sa kanyu daga balaw dahil sa karapat-dapat kamu pabalikun ati. Pagbuwatun niku inda dahil sa kang banal pag ngaran kanyu pagpakan-an kakay-ahan una naan tag kamu pag mag-atag pag manga nasyun.

Matiyu 7:14

Dapat diit lang ti sabian ag makuri pag dalan tabug sa buhi, balaw mayamu pag tawu ti maglakaw siti pag dalan.”

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Ruma 11:6

Pinili ngani sida dahil sa kay pangaawa Diyus, balaw dahil sa kanda sadili buwat. Nu abi pinili sida dahil sa kanda sadili buwat, balaw yi masabi kuntay sa kay pangaawa Diyus.

Ruma 9:18

Nakan ngani pagkaawaan Diyus nu kay gustu niya kaawaan, ag pagpaganitun niya ti tagipusuun tawu nu kay gustu niya paganitun.

Ruma 9:21

Unman aw madunung ti manugpanday anglit magbuwat usa ka mahalaga pag anglit, bag-u kay usa basta-basta lang, ginan sa usa lang ka pinkul daga?

Diyuturunumiyu 1:10

Pinayamu kamu Panginuun niyu Diyus. Ag kainda, mayamu yi kamu ga manga pamgasan sa langit.

Diyuturunumiyu 10:22

Katpung atabug kanyu manga ginurang sa Ihiptu, 70 lang sida tanan. Dapat kainda pinayamu kamu Panginuun niyu Diyus parihu sa pamgasan sa langit kay kayamu.

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Diyuturunumiyu 4:37

Ag dahil sa pagmahalun niya kanyu manga ginurang, pinili niya kamu ag ipinalwas ginan sa Ihiptu sa panab-anan niya kadayawan ag kamaskihan.

1 Huwan 3:1

Pag-isipa niyu nu kabitay kay kadaka ti pagmahal Ama sa kanta. Daka gid kay pagmahal nakan iningarnan kita manga anak Diyus. Tutuu gid ngani kita manga anak Diyus. Nakan pagdayuun kita manga taga kalibutan dahil dinayu waydi nida ti Diyus.

1 Huwan 4:10

Ti kang pagsabihun pagmahal, bukun kanta pagmahal sa Diyus, nu unman kay ngap pagmahal Diyus sa kanta. Sinugu niya kay Anak hampay bumaliwa mamatay sa kasalanan nita, agud may kapatawadan kita.