Diyuturunumiyu 7:6 - Hanunuu

⁶ Dahil kamu pag manga tawu ipinablag para sa Panginuun niyu Diyus. Sa tanan pag manga tawu, kamu ti pinili Panginuun niyu Diyus ti pagmahalun niya pag nasakupan.

Diyuturunumiyu 7:6 Iomraidhean Croise

1 Hari 3:8

Taynguna atay aku kaibahan kanmu pinili pag nasakupan balaw mabilang sa kayamuun.

Isra 9:2

Nangasawa waya sida hanggan kanda manga anak sa manga babayi ginan sa tunda pag manga nasakupan. Nakan ti nasakupan pinili Diyus naamutan iba manga linahi. Ag kanta manga may kangaranan ag manga takinan sida waya ti nanguna sa pagbuwat inda.”

Kanta 114:2

Igu linmuwas yi sida sa Ihiptu, binwat Diyus ti Huda bilang kay banal pag rugar, ag pinangunahan niya ti Israil.

Kanta 135:4

Dayawa niyu siya dahil pinili niya ti nasakupan Israil ti manga linahi ni Hakub, ti bumaliw kay bukudtangi pag nasakupan.

Kanta 50:5

Magkun siya, “Tipuna sa kang atubangan kang matinupadun pag nasakupan nagbuwat kasunduan sa kangku sa panab-anan handug.”

Pag-ighit 6:7

Kilalan-un niku kamu kang nasakupan ag aku kanyu Diyus. Makilala gid niyu aku ti Panginuun kanyu Diyus, ti nagpalpas sa kanyu sa pagkapanawuhun sa Ihiptu.

Isayas 41:8

“Dapat kawu, Israil, kang manugsirbi ag pinili ginan sa linahi ni Hakub, ag ginan sa linahi ni Abraham kang ampud,

Isayas 41:9

tinawagan niku kawu ag bin-ul ginan sa pinakaarayu baliwa pag rugar sa kalibutan. Sinabi niku sa kanmu kawu kang manugsirbi. Pinili niku kawu ag balaw dinayu.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Isayas 62:12

Ingarnan sida ‘Banal’ ag ‘Irinibri Panginuun.’ Bag-u ti Hirusalim waydi ingarnan, ‘Banwa Pagkaibgan’ ag ‘Banwa balaw Pinabay-anan.’ ”

Hirimyas 2:3

Kamu pag manga Israilita ipinablag para sa kangku. Ga kamu ti pinakaun-an burak ipinakaun sa kangku. Pinarusahan niku ti manga nag-unuunu sa kanyu, ag nidamhak sida. Aku, ti Panginuun, ti magsabi inda.’ ”

Isikil 20:5

Sabihi sida aku, ti Panginuun Diyus, magbagaw magkun: ‘Katpung udas pinili niku ti Israil kay manga linahi ni Hakub ag ipinakilala niku kang sadili sa kanda ati sa Ihiptu, nagsumpa aku sa kanda magkun, “Aku ti Panginuun niyu Diyus.”

Libitiku 20:24

Ag angay diman sa kang sinabi sa kanyu, apuun niyu kanda daga. Ipakaun niku tunda pag daga sa kanyu, marinu ag abunda pag daga hampay kanyu apuun. Aku ti Panginuun kanyu Diyus, imaw ti nagtalaga sa kanyu ginan sa kadamlan tawu.

Libitiku 20:26

Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Amus 3:2

Sa tanan nasyun sa buu kalibutan, kamu lang gid kang pinili hampay kang nasakupan. Nakan parusahan gid niku kamu dahil sa tanan niyu manga kasalanan.”

Malakyas 3:17

Magkun ti Panginuun Makamaskihan tungkul sa manga tawu maggalang sa kanya, “Baliwun niku sida pinakatuhay pag nasakupan sa sirang niku pag parusa. Balaw niku sida parusahan parihu sa pagbuwatun usa ka ama unman magparusa sa kay anak magsunud sa kanya.

Binwat 13:17

Pinili Diyus ti ginurang nasyun Israil kanda nanday-uhan ati sa Ihiptu. Pinayamu niya sida, binwat usa ka daka pag nasyun. Bag-u sa kay gid daka pag kamaskihan ipinalwas niya sida ginan sa kanda nanday-uhan sa Ihiptu.

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Diyuturunumiyu 14:21

“Danga niyu pagkan-a una hintay pag hayup namatay yi. Mahimu niyu inda iayaw ngatay ipabili sa manga day-uhan mag-uli sa kanyu manga banwa, ag kanda kan-un. Dapat kamu danga gid magkaun inda, dahil ipinablag kamu bilang nasakupan Panginuun niyu Diyus. “Danga niyu pagtamaa ti anak kambing sa gatas niya ina.

Diyuturunumiyu 26:18

Ipinasandam diman Panginuun kainda kamu kay ipinablag pag manga nasakupan angay sa kay itinaratu, kailangan sumunud kamu sa tanan niya manga sugu.

Diyuturunumiyu 26:19

Angay sa kay itinaratu, buwatun niya kamu higit man sa tanan pag nasyun, pagkilalan-un ag paggalangun kamu. Kamu ti manga pinili Panginuun niyu Diyus pag nasakupan, angay sa kay itinaratu.”

Diyuturunumiyu 28:9

Angay sa itinaratu Panginuun niyu Diyus sa kanyu, buwatun niya kamu kay pinili pag nasakupan, nu tupadun niyu kay manga sugu ag mangabuhi kamu angay sa kay palakaw.

Diyuturunumiyu 33:3

Pagmahalun gid ungud Panginuun kay manga nasakupan. Pag-alagaan niya ti manga pinili niya pag tawu. Nakan pagsundun nida siya ag pagtupadun kay sugu.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 4:37

Ag dahil sa pagmahalun niya kanyu manga ginurang, pinili niya kamu ag ipinalwas ginan sa Ihiptu sa panab-anan niya kadayawan ag kamaskihan.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

2 Pidru 2:5

Unman diman waydi pinatawad Diyus ati katpung pag manga makasalanan pag tawu kaybi nu unman tinabu minatay niya sa gunaw. Si Nuwi lang ti nagtudlu katadlungan imaw kay irinibri Diyus hanggan ti pitu ka tawu naribri diman waydi kaibahan ni Nuwi.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.