Diyuturunumiyu 7:21 - Hanunuu

²¹ Danga kamu magkadala sa kanda dahil ti Panginuun niyu Diyus kaibahan niyu, ti makamaskihan ag makadululaw pag Diyus.

Diyuturunumiyu 7:21 Iomraidhean Croise

2 Krunika 32:8

Manga tawu lang kay kaibahan niya; dapat kita, kaibahan nita ti Panginuun kanta Diyus. Siya ti mangawat sa kanta ag lumaban para sa kanta.” Nakan tumutum ti manga tawu dahil sa sinabi ni Hari Isikyas sa Huda.

Nihimyas 1:5

Magkun aku, “Panginuun, Diyus sa langit, makamaskihan kawu ag makadululaw pag Diyus. Pagtupadun nimu kanmu kasunduan may pagmahal sa manga magmahal sa kanmu ag magtupad sa kanmu manga sugu.

Nihimyas 4:14

Pagka pag-isipun niku kanmi kahamtangan, ipinatawag niku ti manga takinan, manga may kangaranan, hanggan ti manga nasakupan, magkun aku sa kanda, “Danga kamu magkadala sa manga kalaban. Alalahanun lang nita ti Panginuun makamaskihan ag makadululaw. Lumaban kita para mairibri kanta manga katawuhan, manga anak, manga asawa, hanggan kanta manga balay.”

Nihimyas 9:32

“Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:5

Ti Diyus mag-uli sa inda pag banwa; nakan balaw inda midamhak. Maaga waya rumas-ug ti Diyus umawat siyun pag banwa.

Kanta 46:6

Magkagulu ti manga nasyun; magkatandug ti manga kaharian. Sa ringgit Diyus ga matunas sa kadalaan ti manga tawu sa kalibutan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 47:2

Kagalang-galang gid ti Panginuun, ti Kaabwat-abwatan pag Diyus. Makamaskihan siya pag hari sa buu kalibutan.

Kanta 68:35

Makadululaw ti Diyus Israil habang magpaluwas siya sa kay banal pag ulian. Pagpakan-an niya kapangyarihan ag kabisugan kay nasakupan. Dayawun ti Diyus!

Kanta 89:8

Panginuun Diyus Makamaskihan, unman kawu may kaparihu; makamaskihan kawu ag magtupad sa tanan nimu pagbuwatun.

Kanta 95:3

Dahil ti Panginuun makamaskihan pag Diyus. Makamaskihan siya pag hari ag abwat sa tanan pag diyus.

Pag-ighit 29:45

Mangulian aku kaibahan manga Israilita ag bumaliw aku kanda Diyus.

Danyil 9:4

Kaindaay kang pagsabihun sa kang darangin sa Panginuun niku Diyus ag nanhagad patawad sa kang manga kasalanan hanggan sa kasalanan manga Israilita: “Panginuun, makamaskihan kawu ag makadululaw pag Diyus. Matinupadun kawu sa kanmu kasunduan mahalun nimu ti magmahal sa kanmu hanggan ti magsunud sa kanmu manga sugu.

Bilang 14:14

Nu rurisun nimu kanmu nasakupan, itultul inda manga taga Ihiptu sa manga mag-uli sa Kanaan. Nadnugan yi manga Kananiyu kawu, Panginuun mag-iba sa manga Israilita, ag magpakakit sa kanda sa panab-anan rurum maggiya sa kanda. Pagpangunahan nimu sida nu sirang sa panab-anan rurum ga tulduk, ag nu yabi sa panab-anan apuy ga tulduk.

Bilang 14:42

Danga kamu maglakaw, dahil ti Panginuun unman kaibahan niyu, ag matalu kamu niyu manga kalaban.

Bilang 14:9

Danga lang kamu maglaban sa Panginuun. Ag danga kamu magkadala sa manga tawu taga ati dahil matalu di nita sida. Unman may mangawat sa kanda, dapat ti Panginuun ti mangawat sa kanta. Nakan danga kamu magkadala sa kanda.”

Bilang 16:3

Nag-atag sida tanan sa kan Muysis hanggan sa kan Aarun ag magkun, “Masyadu yi inda kanyu pagbuwatun sa kanmi! Hayga pag-ipalabaw gid niyu kanyu sadili sa nasakupan Panginuun nu sa ungud kami tanan pinili diman Panginuun sumirbi sa kanya ag pag-ibahan diman niya?”

Bilang 21:34

Magkumun ti Panginuun sa kan Muysis, “Danga kawu magkadala sa kanya, dahil pihu ipakaun niku siya sa kanmu, hanggan kay buu nasakupan ag kay daga. Buwata sa kanya ti binwat nimu sa kan Sihun hari manga Amuriyu, hari sa Hisbun.”

Bilang 23:21

Unman aku may nakitan kadautan ngatay kakurian rumas-ug sa Israil. Kaibahan nida ti Panginuun kanda Diyus; pagkilalan-un nida siya kanda hari.

Bilang 9:20

Nu kas-a, manga pira lang ka sirang ti rurum sa babaw Turda, nakan ti manga tawu pira lang waydi ka sirang siyun. Guminan sida angay sa sugu Panginuun.

1 Kurintu 14:25

Bag-u ipaburayhaw Ispiritu ti manga ilinihim pag kasalanan sa kay tagipusuun, nakan ngani lumuhud siya sumamba sa Diyus ag rargu sumabi siya, “Tutuu maaw ti Diyus sa kanyu karaw-an.”

Diyuturunumiyu 1:21

Bantayi niyu ti inayaw niya pag daga sa kanyu! Apuun niyu inda angay sa sinabi Panginuun, ti Diyus niyu manga ginurang. Danga kamu magkadala ngatay magpanlumuy.’

Diyuturunumiyu 10:17

Dahil ti Panginuun niyu Diyus imaw ti Diyus manga diyus ag ti Panginuun manga panginuun. Makamaskihan siya ag makadululaw pag Diyus. Unman siya may pagpalabihun angay sa kahamtangan tawu ag unman magtanggap suhul.

Diyuturunumiyu 20:1

“Nu maglakaw kamu hampay manggira sa kanyu manga kalaban, ag mag-akitan niyu kanda manga kabayu, manga kalisa hanggan manga sundalu mas mayamu waya kaysa kanyu, danga kamu magkadala sa kanda, dahil kaibahan niyu ti Panginuun niyu Diyus ti nagpalwas sa kanyu sa Ihiptu.

Diyuturunumiyu 25:8

Bag-u ipatawag siya sa manga manugpamahala banwa ag manhampang sida sa kanya. Nu magpaganit gid siya balaw niya gustu asawan-un ti buranday,

Diyuturunumiyu 31:17

Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’

Huswi 3:10

Taynguna maalaman niyu mag-iba sa kanyu ti buhi pag Diyus, dahil ipatabug gid niya sa kanyu ti manga Kananiyu, Hitiyu, Hibiyu, Pirisiyu, Girgisiyu, Amuriyu ag manga Hibusiyu.

Huswi 8:1

Taynguna magkun ti Panginuun sa kan Huswi, “Danga kawu magkadala ngatay magpanlubay. Tipuna ti tanan nimu sundalu ag giraha maan ti Hay, dahil ipakaun niku sa kanmu manga kamang ti hari Hay, kay nasakupan, kay banwa hanggan kay manga daga.

1 Samwil 4:8

Kaawaawa kita! Si unu ti manribri sa kanta ginan sa makapangyarihan nida diyus? Sida diman pag manga diyus ti nanmatay sa manga Ihipsiyu ati sa pangawakawaan sa panab-anan tuhay-tuhay pag manga sarut.