Diyuturunumiyu 7:2 - Hanunuu

² Bag-u nu ipabahala yi sida Panginuun niyu Diyus sa kanyu ag natalu niyu sida, rurisa niyu sida lubus bilang handug sa Panginuun. Danga kamu magbuwat kasunduan ngatay magpakakit pangaawa sa kanda.

Diyuturunumiyu 7:2 Iomraidhean Croise

Gimpuunan 14:20

Dayawun ti Diyus Makamaskihan sa tanan ti nagpakaun panalu sa kanmu laban sa kanmu manga kalaban!” Bag-u ipinakaun ni Abram sa kan Milkisidik ti ikasampulu pag huray sa tanan niya nab-ul pag bagay sa girahan.

2 Samwil 21:2

Ti manga Gibyunita balaw ginan sa linahi Israilita nu unman ginan sa nasawad buhi pag manga Amuriyu. Nagtaratu ti manga Israilita balaw nida sida matyun dapat ginayak sida matyun ni Saul dahil sa subra niya magkaaburidu sa Israil ag Huda. Ipinatawag ni Dabid ti manga Gibyunita,

1 Hari 20:34

Magkun si Bin Hadad sa kan Akab, “Iuli niku sa kanmu ti inagaw niku ama pag manga banwa ginan sa kanmu ama. Ag mahimu kawu magpatindug manga tindahan sa Damasku, parihu sa binwat niku ama sa Samarya.” Sinmagut si Akab, “Nu katunda, palpasan kawu niku.” Nakan nagbuwat sida kasunduan ag pinaighit siya ni Akab.

Isra 10:3

Nakan taynguna, sundun nimi ti paanyu nimu hanggan iba waya maggalang sa sugu nita Diyus. Mamuwat kami kasunduan sa kanmi Diyus palayasun inda pag manga babayi hanggan kanda manga anak. Sundun nimi ti pagsabihun Kasuguan.

Kanta 106:34

Unman minatay manga Israilita ti manga nasakupan sa Kanaan angay sa isinugu sa kanda Panginuun.

Pag-ighit 22:20

“Una si unu ti manhandug sa tuhay pag diyus purya sa kangku kailangan matyun.

Bilang 21:2

Bag-u nagsumpa ti manga Israilita sa Panginuun, “Nu ipabahala nimu inda pag manga tawu sa kanmi manga kamang, rurisun nimi lubus kanda manga banwa bilang handug sa kanmu.”

Bilang 31:17

Nakan panmatya niyu ti tanan pag anak lalaki hanggan ti tanan naulid yi pag manga babayi.

Bilang 33:52

paighita nida ti tanan manga mag-uli ati bag-u dauta ti tanan-tanan nida manga diyus-diyusan binwat ginan sa manga batu, mital, hanggan ti tanan-tanan nida manga simbahan sa abwat pag manga rugar.

Diyuturunumiyu 13:8

danga kawu magpadara-dara ngatay magpaniwala sa kanya. Danga nimu siya pagkaawai ngatay pag-apini.

Diyuturunumiyu 13:9

Kailangan matyun gid siya. Kawu ti un-an bumintuk mumatay sa kanya, bag-u di ti tanan tawu.

Diyuturunumiyu 19:13

Danga niyu siya pagkaawai. Kailangan duraun niyu sa Israil ti pagpamatay sa manga unman may salan pag manga tawu hampay mayad kanyu kahamtangan.

Diyuturunumiyu 2:33

ipinakaun siya Panginuun nita Diyus sa kanta ag minatay nita siya, kaibahan kay manga anak hanggan ti tanan niya manga sundalu.

Diyuturunumiyu 2:34

Sa ati katpung pag udas, sinakup nita ti tanan niya banwa ag rinuris sida lubus — manga lalaki, manga babayi hanggan ti manga anak. Unman gid kita may sinawadan buhi sa kanda.

Diyuturunumiyu 23:14

Dahil ti Panginuun niyu Diyus magpalibut sa kanyu kampu hampay iribri kamu ag iayaw sa kanyu ti manga kalaban niyu. Nakan kailangan malumpiyu kanyu kampu hampay unman siya may mag-akitan balaw mayad, ag hampay balaw niya kamu tayakan.

Diyuturunumiyu 25:12

kailangan puldun kay kamang babayi unman may awa-awa.

Diyuturunumiyu 3:3

Nakan ipinakaun Panginuun nita Diyus sa kanta si Hari Ug, tig hari sa Basan hanggan ti tanan niya sundalu. Pinanmatay nita sida bag-u unman kita may sinawadan buhi.

Diyuturunumiyu 31:5

Itugut sida Panginuun sa kanyu, ag kailangan buwatun niyu sa kanda ti tanan niku pag-isugu sa kanyu.

Diyuturunumiyu 33:27

Ti unman may katapusan pag Diyus imaw ti kanyu darangpan; pag-alagaan niya kamu sa kay unman may katapusan pag kamaskihan. Ipatabug niya sa kanyu ti manga kalaban niyu, bag-u isugu niya sa kanyu padamhakan sida.

Diyuturunumiyu 7:16

Kailangan matyun niyu ti tanan pag tawu ipinahintulut Panginuun niyu Diyus sa kanyu. Danga niyu sida pag kaawai, ag danga kamu sumirbi sa kanda manga diyus, dahil bumaliw suduk inda para sa kanyu.

Diyuturunumiyu 9:3

Dapat kainda makitan niyu ti Panginuun niyu Diyus ti gumiya sa kanyu pagdipay parihu sa apuy maghirut sa kanyu manga kalaban. Taluhun niya sida hampay madali niyu sida mapaighit ag maruris angay sa itinaratu Panginuun sa kanyu.

Huswi 10:28

Sa ati pag sirang, sinakup ni Huswi ti Makida. Pinanmatay niya ti tanan mag-uli ati, hanggan kanda hari. Pinadamhak niya inda lubus, ag unman gid may nasawad buhi. Binwat ni Huswi sa hari Makida ti binwat niya sa hari Hiriku.

Huswi 10:30

Ipinakaun diman Panginuun sa kanda inda pag banwa hanggan kay hari. Pinanmatay nida ti tanan mag-uli ati, ag unman gid may nasawad buhi. Binwat ni Huswi sa hari Libna ti binwat niya sa hari Hiriku.

Huswi 10:32

Ipinakaun Panginuun ti Lakis sa manga Israilita sa ikadwa pag sirang labanan. Parihu sa kanda binwat sa Libna, pinanmatay nida ti tanan mag-uli sa Lakis.

Huswi 10:40

Nakan nasakup ni Huswi ti buu daga — ti manga kabantudan, ti Nigib, ti manga tagudtud sa isalpan, hanggan sa lawud pag manga kabantudan, kaibahan kanda manga hari. Rinuris nida ti tanan mag-uli ati, ag unman gid may nasawad buhi. Binwat nida inda angay sa sugu Panginuun, ti Diyus Israil.

Huswi 10:42

Sinakup ngani ni Huswi inda tanan pag manga daga hanggan kanda manga hari sa usa lang ka dasun-dasun paggira, dahil ti Panginuun, ti Diyus Israil, nangawat sa kanda sa paglaban.

Huswi 11:8

Ag ipinanalu sida Panginuun sa kanda manga kalaban. Binukad nida kanda manga kalaban tugka sa Daka Sidun ag sa Misriput Mayim, hanggan tugka sa Ratag Mispa sa butlakan init. Tinabu gid nida minatay kanda manga kalaban.

Huswi 2:14

Magkun ti duwa ka manugtiid sa kan Rahab, “Ibuwis nimi kanmi buhi para sa kanyu! Nu balaw nimu isabi kanmi pagtiid sitay, pakakitan gid nimi kawu kaayadan. Tupadun gid nimi inda nu ipakaun yi Panginuun inda pag daga sa kanmi.”

Huswi 21:44

Pinakan-an sida Panginuun kapayapaan sa kanda manga kalaban sa sangput, angay sa itinaratu Panginuun sa kanda manga ginurang. Unman sida natalu nida manga kalaban dahil pinanalu sida Panginuun sa tanan nida kalaban.

Huswi 8:24

Pagka natabu nida namatay ti tanan taga Hay ti nanlagas sa kanda sa manga katanmanan hanggan pangawakawaan, binmalik sida sa banwa ag minatay diman ti tanan nasawad ati.

Huswi 9:24

Magkun sida sa kan Huswi, “Binwat nimi inda dahil magkadala kami barang matyun niyu kami. Dahil nabaritaan gid nimi sinugu Panginuun nimu Diyus si Muysis kay suruguun ipakaun sa kanyu inda pag daga ag matyun ti tanan mag-uli sitay.

Huswi 9:7

Dapat nagsagut ti manga Israilita, “Barang taga sitay lang kamu sa kanmi arani. Nakan balaw kami mahimu mamwat kasunduan sa kanyu.”

Talaghusay 1:24

may nakitan ti manga manugtiid usa ka tawu magluwas ginan sa ati pag banwa. Magkun sida sa kanya, “Awati kami nu kabitay makasulud sa banwa ag balaw nimi kawu unhun.”

Talaghusay 1:4

Pagka nan-gira ti lahi ni Huda, inawatan sida Panginuun laban sa manga Kananiyu ag Pirisiyu. 10,000 tawu kanda minatay sa Bisik. Habang maglaban sida sa Bisik, nakalaban nida ati si Aduni Bisik.

Talaghusay 2:2

Sinabi diman niku danga kamu magbuwat kasunduan sa manga taga ati bagkus ngap gubaa niyu kanda manga harandugan. Dapat malu unu kanyu binwat? Unman niyu aku sinunud!