Diyuturunumiyu 7:19 - Hanunuu

¹⁹ Nakitan gid niyu ti manga pagsubuk, ti manga makadululaw hanggan ti manga lilingutan pag bagay, ag ti makamaskihan pag kapangyarihan ipinakakit Panginuun niyu Diyus katpung ipinalwas niya kamu. Parihu diman siyun kay buwatun Panginuun niyu Diyus sa tanan manga pagkadalaan niyu pag manga tawu.

Diyuturunumiyu 7:19 Iomraidhean Croise

Kanta 136:12

Ipinalwas niya sida sa panab-anan niya daka pag kamaskihan. Kay pagmahal unman may katapusan.

Kanta 44:4

Kawu kang Diyus ag Hari magpakaun panalu sa kanmi manga linahi ni Hakub.

Kanta 77:12

Alalahanun niku ag isip-isipun ti tanan nimu makamaskihan pag manga buwat.

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Diyuturunumiyu 29:3

Nakitan niyu kaybi ti masyadu gid pag sarut, ti manga makadululaw hanggan ti lilingutan pag manga buwat.

Diyuturunumiyu 3:21

“Sa ati katpung pag udas, sinabi diman niku sa kan Huswi, ‘Nakitan nimu ti tanan-tanan manga binuwat Panginuun niyu Diyus sa tunda pag duwa ka hari. Katida diman ti buwatun Panginuun sa tanan manga kaharian kanyu atagan.

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Huswi 10:25

Magkun si Huswi sa kanda, “Danga kamu magkadala ngatay magpanlumuy. Pagpakarig-un kamu ag pagpakatutum. Katida ngani ti buwatun Panginuun sa tanan niyu manga kalaban.”

Huswi 24:17

Ti Panginuun nita Diyus imaw ti nagpalwas sa kanta ag sa kanta manga ginurang sa pagkapanawuhun ati sa Ihiptu. Nakitan diman nita ti manga makadululaw niya binwat. Iningatan niya kita sa kanta maglakaw sa manga nasyun nita magkalawyan.

Huswi 3:10

Taynguna maalaman niyu mag-iba sa kanyu ti buhi pag Diyus, dahil ipatabug gid niya sa kanyu ti manga Kananiyu, Hitiyu, Hibiyu, Pirisiyu, Girgisiyu, Amuriyu ag manga Hibusiyu.