Diyuturunumiyu 7:13 - Hanunuu

¹³ Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

Diyuturunumiyu 7:13 Iomraidhean Croise

Nihimyas 9:32

“Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

Hub 1:10

Pag-alagaan nimu siya hanggan kay magtal-anakan, kaibahan yi ti tanan niya manga kasiyunan. Pagpapaladan nimu una hintay kay pagbuwatun niya. Nakan lalu di gid mag-amat magyamu kay manga hayup sa buu daga.

Hub 42:12

Nakan pinapaladan Panginuun ti uryan pag buhi ni Hub subra waya kaysa kabag-u. Pinakan-an niya siya 14,000 karanidu, 6,000 kamilyu, 1,000 mag-asawa baka, ag 1,000 babayi asnu.

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta 107:38

Pagpapaladan sida Diyus, ag magyamu gid sida. Una kanda manga hayup balaw niya pagpahintulutan pumira.

Kanta 11:7

Matadlung ti Panginuun ag pagkaibgan niya ti manga buwat matadlung. Nakan ti manga magpangabuhi kang-ud makapakarani sa kay atubangan.

Kanta 127:3

Ti manga anak pakaun ag papalad ginan sa Panginuun.

Kanta 146:8

pagpaayadun niya ti manga buta hampay makakit, pagpabisugun niya ti manga magpanlumuy, pagmahalun niya ti manga matadlung,

Pag-ighit 23:25

Sambaha niyu aku, ti Panginuun niyu Diyus, ag pakan-an niku kamu abunda pag karan-unun ag danum. Paayadun niku kanyu mag-asaydan,

Kabagawan 10:22

Magyaman ti tawu dahil sa pagpapaladan Panginuun, ag balaw may midugang sa kay magpangabudlay.

Kabagawan 15:9

Pagkadat-an Panginuun ti magbuwat daut, dapat pagmahalun niya ti magkaibug bumuwat matadlung.

Libitiku 26:9

Ipakakit niku kang kaayadan sa kanyu bag-u payamuun niku kanyu manga lahi agud matupad niku kang kasunduan sa kanyu.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Huwan 14:21

“Una hintay pag tawu nu tinanggap niya kang manga bilin bag-u kay tupadun, tunda yi ngani pag tawu tigmahal sa kangku. Mahalun diman niku Ama una hintay pag tawu nu magmahal sa kangku. Ag ipakilala niku kang sadili sa kanya.”

Huwan 15:10

Nu tupadun niyu kang manga bilin, balaw yi kamu miblag sa kang pagmahal sa kanyu. Parihu diman ga kang magtupad sa manga bilin niku Ama, unman diman aku miblag sa kay pagmahal sa kangku.

Huwan 16:27

Dahil pagmahalun yi gid kamu Ama. Nakan kamu kay pagmahalun dahil sa kanyu pagmahal sa kangku ag dahil kamu magsarig kuntay aku nagsitay ginan sa Diyus.

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 13:17

Danga gid niyu pagtaguan ti una hintay pag manga bagay siyun ti itinagka yi wasakun lubus. Nu tupadun niyu inda tanan, duraun Panginuun kay masyadu pag pangagalit, ag kaawaan niya kamu. Ag sa kay pangaawa, payamuun niya kamu angay sa kay itinaratu sa kanyu manga ginurang.

Diyuturunumiyu 28:1

“Nu sundun niyu ti Panginuun niyu Diyus ag tupadun ti tanan niya sugu kang pag-ipakaun sa kanyu taynguna, buwatun niya kamu higit man sa tanan pag nasyun sitay sa kalibutan.

Diyuturunumiyu 28:11

Papaladan kamu Panginuun ati sa itinaratu niya pag daga sa kanyu manga ginurang kay iayaw sa kanyu. Payamuun niya kanyu manga anak, kanyu manga hayup hanggan kanyu manga patubas.

Diyuturunumiyu 30:5

ag pabalikun sa daga magkaapu niyu manga ginurang, ag maapu maan niyu inda. Paunladun ag payamuun waya gid niya kamu kaysa kanyu manga ginurang.

Diyuturunumiyu 7:7

“Pinili kamu ag pagmahalun Panginuun balaw dahil mas mayamu kamu kaysa iba pag manga tawu, dahil kamu waya ngani ti pinakapira sa tanan.