Diyuturunumiyu 6:24 - Hanunuu

²⁴ Sinugu kami Panginuun kuntay sundun nimi inda ti tanan manga surundanun ag paggalang sa kanya sa kanta Diyus, hampay pirmi kami abunda ag mabuhi dugay parihu sa magpangyari kainda.

Diyuturunumiyu 6:24 Iomraidhean Croise

Kanta 41:2

Baliwahan siya Panginuun ag alagaan kay buhi. Papaladan siya Panginuun sa daga Israil; balaw siya ipahintulut sa kay manga kalaban.

Kanta 41:3

Awatan siya Panginuun nu siya may sakit; paayadun niya siya sa kay mag-adnugan.

Kanta 66:9

Pag-alagaan niya kanta buhi; balaw niya pag-ipahintulut midamhak kita.

Pag-ighit 20:20

Nakan magkumun si Muysis sa manga tawu, “Danga kamu magkadala, dahil nagsitay ti Diyus hampay subukan kamu sa panab-anan niya kamaskihan agud madala kamu sa kanya sa pagbuwat kasalanan.”

Kabagawan 22:4

Ti paggalang sa Panginuun ag ti pagpakumbaba makapakaun sa kanmu kayamanan, kadayawan, ag malawig pag buhi.

Kabagawan 9:12

Nu madunung kawu, makapakaun inda kaayadan sa kanmu sadili, dapat nu pagkadat-an nimu ti kadunungan, pagpakurian lang nimu kanmu sadili.

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Hirimyas 32:39

Pakan-an niku sida pagkarausa hampay sambahun nida aku hanggan aban, para sa kanda sadili ikaayad ag sa kaayadan diman nida manga linahi.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Lukas 10:28

Magkun si Hisus sa kanya, “Tama duy kanmu sagut. Tupada yi ngani nimu tunda hampay may buhi kawu unman may katapusan.”

Ruma 10:5

Kainda kay sinurat ni Muysis tungkul sa kay pagkilala Diyus sa tawu kuntay matadlung nu sida magtupad sa Kasuguan. Magkun siya, “Ti tawu nu magtupad sa Kasuguan, may buhi siya sa panab-anan waydi Kasuguan.”

Diyuturunumiyu 4:1

Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 4:4

Dapat kamu manga matinupadun sa Panginuun niyu Diyus buhi di tugka kainda.

Diyuturunumiyu 6:2

hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

Diyuturunumiyu 6:23

Ag ipinalwas niya kami sa Ihiptu hampay darahun sitay pag daga sa kay itinaratu iayaw sa kanta manga ginurang.

Diyuturunumiyu 8:1

“Sunda gid niyu ti tanan pag-ipakaun niku pag sugu sa kanyu kainda, hampay parargu kamu mabuhi dugay ag yumamu, ag makapangulian sa itinaratu Panginuun pag daga kay iayaw sa kanyu manga ginurang.

Diyuturunumiyu 8:3

Ipinakumbaba niya kamu sa panab-anan pagpalun-us sa kanyu bag-u pinakan-an niya kamu mana — usa ka kalasi karan-unun unman waya gid niyu nasamitan una hanggan niyu manga ginurang. Binwat inda Panginuun hampay itudlu sa kanyu balaw lang sa karan-unun pag magkabuhi ti tawu, nu unman sa kada bagaw Panginuun.