Diyuturunumiyu 6:22 - Hanunuu

²² Ipinakakit niya sa kanmi kay manga makadululaw ag lilingutan pag manga tanda laban sa manga nasakupan Ihiptu, hanggan sa kanda hari ag sa buu niya magtal-anakan.

Diyuturunumiyu 6:22 Iomraidhean Croise

Kanta 135:9

Ati sa Ihiptu, nagbuwat siya manga makadululaw hanggan lilingutan pag manga bagay agud parusahan ti hari Ihiptu ag ti tanan may kangaranan.

Kanta 136:4

Siya lang gid ti pasalamatan, ti magbuwat makadululaw pag manga bagay. Kay pagmahal unman may katapusan.

Kanta 91:8

Makitan nimu nu kabitay pagparusahan ti daut pag manga tawu.

Pag-ighit 10:2

Ag hampay maitultul niyu sa kanyu manga anak hanggan manga laki nu kabitay niku pinarusahan ti manga Ihipsiyu ag nu kabitay aku nagbuwat makadululaw sa kanda. Sa kainda pag paraan, maalaman niyu aku ti Panginuun.”

Pag-ighit 3:20

Nakan parusahan niku ti manga Ihipsiyu sa panab-anan manga makadululaw niku buwatun sa kanda. Bag-u di pahintulutan niya kamu umighit.

Diyuturunumiyu 1:30

Ti Panginuun niyu Diyus imaw ti umuna ag lumaban para sa kanyu, parihu sa kanyu nakitan kay binuwat sa Ihiptu

Diyuturunumiyu 3:21

“Sa ati katpung pag udas, sinabi diman niku sa kan Huswi, ‘Nakitan nimu ti tanan-tanan manga binuwat Panginuun niyu Diyus sa tunda pag duwa ka hari. Katida diman ti buwatun Panginuun sa tanan manga kaharian kanyu atagan.

Diyuturunumiyu 4:3

Nakitan niyu ti binwat Panginuun sa Baal Piyur. Minatay Panginuun niyu Diyus ti manga kaparihu niyu Israilita nagsamba sa kan Baal.

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Diyuturunumiyu 6:21

Tultuli sida, ‘Manga panawuhun kami kaybi hari Ihiptu, dapat ipinalwas kami Panginuun sa panab-anan niya kamaskihan.

Diyuturunumiyu 6:23

Ag ipinalwas niya kami sa Ihiptu hampay darahun sitay pag daga sa kay itinaratu iayaw sa kanta manga ginurang.

Diyuturunumiyu 7:19

Nakitan gid niyu ti manga pagsubuk, ti manga makadululaw hanggan ti manga lilingutan pag bagay, ag ti makamaskihan pag kapangyarihan ipinakakit Panginuun niyu Diyus katpung ipinalwas niya kamu. Parihu diman siyun kay buwatun Panginuun niyu Diyus sa tanan manga pagkadalaan niyu pag manga tawu.