Diyuturunumiyu 6:2 - Hanunuu

² hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

Diyuturunumiyu 6:2 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

1 Hari 8:40

Buwata inda hampay gumalang sida sa kanmu mintaras magkabuhi sida sa ipinakaun nimu pag daga sa kanda ginurang.

Hub 28:28

Bag-u magkun siya sa manga tawu, ‘May kadunungan kamu ag pag-intindi nu maggalang kamu sa Panginuun ag mag-aman sa kadautan.’ ”

Kanta 111:10

Nu ti usa ka tawu magkaibug sa kadunungan, kailangan maggalang siya sa Panginuun. Ti tanan magsunud sa kay manga sugu may kang-ud pag pan-intindi. Pagdayawun siya sa unman may katapusan.

Kanta 128:1

Mapalad kamu pag manga maggalang sa Panginuun, magkabuhi sa kay manga sugu.

Kanta 91:16

Pakan-an niku siya aba pag buhi, ag ipakakit niku sa kanya kang pagribri sa kanya.”

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Pag-ighit 20:20

Nakan magkumun si Muysis sa manga tawu, “Danga kamu magkadala, dahil nagsitay ti Diyus hampay subukan kamu sa panab-anan niya kamaskihan agud madala kamu sa kanya sa pagbuwat kasalanan.”

Kabagawan 16:6

Nu pagmahalun nita tapat ti Panginuun, patawadun niya kanta manga kasalanan. Nu paggalangun nita siya, makaaman kita sa kadautan.

Kabagawan 3:16

Makapalawig inda sa kanmu buhi, ag makapakaun diman kadayawan sa kanmu.

Kabagawan 9:11

Sa panab-anan kadunungan, lumawig kanmu buhi.

Manugtudlu 12:13

Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Hirimyas 32:39

Pakan-an niku sida pagkarausa hampay sambahun nida aku hanggan aban, para sa kanda sadili ikaayad ag sa kaayadan diman nida manga linahi.

Isikil 20:19

Aku ti Panginuun niyu Diyus. Sunda niyu mayad kang manga sugu ag manga surundanun.

Lukas 12:5

Dapat kang ipakilala sa kanyu nu sitapu ti kanyu kailangan pagkadalaan. Ti kanyu kadalaan ti Diyus gid. Dahil nu minatay niya ti usa ka tawu, may kapangyarihan siya hampay kay iyamut waya sa impirnu. Tutuu kang pagsabihun sa kanyu kailangan kamu pagkadala gid sa kanya.

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 11:9

Nu sumunud kamu, mabuhi kamu dugay ati sa marinu ag abunda pag daga, ti itinaratu Panginuun ipakaun sa kanyu manga ginurang hanggan sa kanda manga sinulput.

Diyuturunumiyu 13:4

Ti Panginuun lang kanyu Diyus ti sundun niyu ag igalang. Sunda siya hanggan kay manga sugu; sirbihi niyu siya ag pagsa kanya gid kamu.

Diyuturunumiyu 15:5

Tunda nu tupadun niyu ti Panginuun niyu Diyus ag sundun mayad ti tanan sugu pag-ipakaun niku sa kanyu kainda.

Diyuturunumiyu 22:7

Mahimu niyu bul-un kay manga pispis ngatay itlug, dapat kailangan palpasan niyu kay ina, hampay mayad kanyu kahamtangan ag mangabuhi kamu dugay.

Diyuturunumiyu 30:19

“Taynguna pag sirang, nagtawag aku sa langit ag daga hampay kumastigus nu naan sitaay kanyu piliun: buhi ngatay kamatayan, papalad ngatay saad. Pilia mana niyu ti buhi hampay mabuhi kamu dugay hanggan kanyu manga anak.

Diyuturunumiyu 30:20

Mahala niyu ti Panginuun niyu Diyus. Sunda niyu siya ag pagsa kanya di gid kamu, dahil siya kanyu buhi. Nu buwatun niyu inda, mabuhi kamu dugay ati sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub.”

Diyuturunumiyu 4:10

Alalahanun niyu ti sirang tinmindug kamu sa atubangan Panginuun niyu Diyus ati sa Bantud Sinai, nu naan magkun siya sa kangku, ‘Tipunun nimu sa kang atubangan ti manga nasakupan para mamatingi sa kang manga pagsabihun hampay maanad sida maggalang sa kangku hanggan buhi waya sida, ag maitudlu nida inda sa kanda manga anak.’

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Diyuturunumiyu 5:16

“ ‘Paggalang kamu sa kanyu ama ag ina, angay sa kang pag-isugu sa kanyu, hampay mabuhi kamu dugay ag hampay mayad kanyu kahamtangan sa pag-ipakaun niku pag daga sa kanyu.

Diyuturunumiyu 5:33

Pagkabuhi kamu angay sa sugu Panginuun niyu Diyus sa kanyu hampay mabuhi kamu dugay ag abunda ati sa manahun niyu pag daga.”

Diyuturunumiyu 6:1

“Inda ti manga sugu, ti manga tudlu, hanggan ti manga surundanun ipinakaun Panginuun niyu Diyus agud itudlu sa kanyu. Sunda niyu inda ati sa daga maapu niyu sa baliw dipay Hurdan,

Diyuturunumiyu 6:24

Sinugu kami Panginuun kuntay sundun nimi inda ti tanan manga surundanun ag paggalang sa kanya sa kanta Diyus, hampay pirmi kami abunda ag mabuhi dugay parihu sa magpangyari kainda.

Diyuturunumiyu 6:7

Tudluan pirmi inda sa kanyu manga anak. Hampangi niyu inda nu siyun kamu sa kanyu balay ag una sa kanyu maglakaw, una sa kanyu magpahari ag nu magbangun kamu.

Huswi 4:24

Binwat niya inda hampay kilalan-un tanan tawu sa kalibutan kuntay makamaskihan gid ti Panginuun, ag hampay pirmi kamu maggalang sa Panginuun niyu Diyus.”

1 Pidru 1:17

Unman may pagpiliun ti Diyus. Pagpihuun niya ti kada tawu nu daut nu mayad angay sa kay binwat. Nakan paggalang kamu sa Diyus hanggan kamu sitay waya sa babaw daga. Dahil siya kanyu pag-ingarnan kanyu Ama.