Diyuturunumiyu 6:13 - Hanunuu

¹³ “Galanga niyu ti Panginuun niyu Diyus; siya lang gid kanyu sirbihan ag pagtaratu kamu sa kay lang ngaran.

Diyuturunumiyu 6:13 Iomraidhean Croise

Gimpuunan 24:3

ag pagsumpa kawu sa kangku sa ngaran Panginuun, ti Diyus langit ag daga, kuntay balaw kawu manpili arasawan-un niku anak ni Isaak sitay ginan sa Kanaan kaibahan nita mag-ulian.

2 Hari 17:36

Aku lang kanyu sambahun, ti Panginuun, ti nagpalwas sa kanyu sa Ihiptu sa panab-anan niku daka pag kamaskihan. Aku lang ti dapat niyu sambahun ag handugan.

Kanta 15:4

Pagdayuun niya ti manga pagbugyahan niku pag tawu dapat pagdayawun niya ti manga magsunud sa kangku. Pagtupadun gid niya kay taratu una kabitay kay kakuri para sa kanya.

Kanta 63:11

Magbaya ti hari dahil sa binwat Diyus sa kanya. Magbaya diman ti tanan magtaratu sa ngaran Diyus. Dapat balaw pabagawun Diyus ti manga bibig manga pudilun.

Pag-ighit 20:7

“Danga niyu paggamita kang ngaran sa unman may pulus. Aku, ti Panginuun niyu Diyus, ti pumarusa una si unu ti gumamit kang ngaran sa unman may pulus.

Pag-ighit 23:25

Sambaha niyu aku, ti Panginuun niyu Diyus, ag pakan-an niku kamu abunda pag karan-unun ag danum. Paayadun niku kanyu mag-asaydan,

Isayas 45:23

Nagsumpa aku sa kang sadili, ti manga pagsabihun niku balaw yi mauman: Manluhud ti tanan tawu sa kangku ag mansumpa sida sumunud sa kangku.

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Isayas 65:16

Una si unu sa daga Israil ti mamagaw papalad ngatay saad mabuwat inda sa kang ngaran — ti Diyus matinupadun. Dahil kalimtan yi niku ti manga nalawyan pag kakurian, bul-un yi niku sa kang naisipan.

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Hirimyas 5:7

Magkun sa kanda ti Panginuun, “Hayga patawadun niku kamu? Una kanyu manga anak nagbugya sa kangku ag nagsumpa sa ngaran balaw tutuu pag diyus. Ipinakaun niku ti manga pangailangan nida, dapat nabwat waya nida ti panguragin hanggan ti pagdurutdutan sa balay manga babayi baraydan.

Libitiku 19:12

Danga kamu magsumpa sa kapudilan tabug sa kang ngaran, dahil nu buwatun niyu inda paglapastanganun niyu kang ngaran. Aku ti Panginuun.

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Matiyu 5:33

Magkun si Hisus, “Kanyu diman waydi nadnugan may ibinilin kaybi sa manga ginurang magkun, ‘Nu ti tawu nagsumpa sa ngaran Panginuun, kailangan tupadun niya inda.’

Lukas 4:8

Sinabi ni Hisus, “Nakasurat sa Banal Kasuratan magkun, ‘Sambahun nimu ti Diyus, imaw kanmu Panginuun, siya lang ti dapat nimu sirbihan.’”

Diyuturunumiyu 10:12

“Bag-u taynguna, nasakupan Israil, ti paghilingun lang sa kanyu Panginuun niyu Diyus paggalang kamu sa kanya, pagpangabuhi angay sa kay manga kagustuhan, mahala siya, pagsirbi sa kanya sa buu niyu tagipusuun hanggan karadwa,

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 13:4

Ti Panginuun lang kanyu Diyus ti sundun niyu ag igalang. Sunda siya hanggan kay manga sugu; sirbihi niyu siya ag pagsa kanya gid kamu.

Diyuturunumiyu 13:5

Matya tunda pag purupita ngatay manugtultul kahulugan tagin-up, dahil nagtudlu siya laban sa Panginuun niyu Diyus, ti nagpalwas sa kanyu sa Ihiptu hanggan nagribri sa kanyu sa pagkasuruguun. Inda pag tawu maggayak lang sa pagpakarayu sa kanyu sa manga palakaw pag-isugu Panginuun niyu Diyus kanyu sundun. Kailangan duraun niyu inda pag kadautan sa kanyu.

Diyuturunumiyu 5:11

“ ‘Danga niyu gamitun kang ngaran sa unman may pulus, dahil aku, ti Panginuun niyu Diyus, ti pumarusa una sa kantapu ti gumamit sa ngaran niku sa unman may pulus.

Diyuturunumiyu 5:29

Mana pag magsunud pirmi sida sa kangku ag magtupad sa kang manga sugu hampay mayad ti kahamtangan nida hanggan nida manga sinulput hanggan waya aban.

Diyuturunumiyu 6:2

hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

Huswi 2:12

Nakan kainda, pagsumpa kamu sa ngaran Panginuun pakakitan niyu kaayadan kang magtal-anakan, parihu sa kang binwat kaayadan sa kanyu. Pakan-i niyu aku puruyba

Huswi 23:7

Danga kamu magpausa sa siyun pag manga nasyun nasawad sa kanyu karaw-an, ag danga kamu magbanggit ngaran nida manga diyus ngatay manumpa sa ngaran nida. Danga diman kamu magsamba ngatay magsirbi sa kanda,

Huswi 24:14

Nakan magkun si Huswi, “Galanga niyu ti Panginuun ag sirbihi may katapatan. Bugyahi yi niyu ti manga diyus pagsambahun kaybi niyu manga ginurang sa baliw dipay Sapa Iyupratis ag sa Ihiptu, bag-u pagsirbi kamu sa Panginuun.

1 Samwil 20:3

Dapat magkun si Dabid, “Alam gid nimu ama mayad kanmu magtaratu sa kangku, nakan balaw yi niya pag-ipaalam sa kanmu kay gayak niya pagmatay sa kangku, dahil barang rumuku lang kawu. Dapat pag pihuun niku sa kanmu, hanggan sa atubangan Panginuun buhi, dilikadu kang buhi taynguna.”

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”