Diyuturunumiyu 6:12 - Hanunuu

¹² pihua niyu unman niyu malimtan ti Panginuun, ti nagpalwas sa kanyu sa Ihiptu nu naan kamu binwat panawuhun.

Diyuturunumiyu 6:12 Iomraidhean Croise

2 Hari 17:36

Aku lang kanyu sambahun, ti Panginuun, ti nagpalwas sa kanyu sa Ihiptu sa panab-anan niku daka pag kamaskihan. Aku lang ti dapat niyu sambahun ag handugan.

2 Hari 17:38

Danga niyu pagkalimti kang kasunduan sa kanyu, ag danga kamu magsamba sa iba pag manga diyus.

Hub 8:13

Katida diman ti mangyari sa tanan tawu magpakarayu sa Diyus. Ti tawu balaw maka-diyus maduraan di pagsarig.

Kanta 103:2

Dayawun niku ti Panginuun, ag kailangan balaw niku kalimtan nu unu kay kaayadan.

Kanta 44:17

Nangyari inda tanan sa kanmi una waya balaw kami magkalimut sa kanmu, ngatay maglabag sa kanmu taratu.

Kanta 59:11

Dapat danga sida kadaka pagmatya hampay balaw malimtan niku nasakupan nu kabitay nimu pagpakurianan kanmu manga kalaban. Panginuun kanmi manug-alaga, patalanga ag padamhakan kang manga kalaban sa panab-anan nimu kamaskihan.

Kanta 78:7

Sa siyun pag paraan sumarig sida sa Diyus ag balaw nida malimtan kay manga binwat bagkus ngap tupadun nida kay manga sugu.

Pag-ighit 13:14

“Aban nu paingan-un kamu niyu manga anak nu hayga niyu inda pagbuwatun, sabihun niyu sa kanda, ‘Sa panab-anan kamaskihan Panginuun, ipinalwas niya kami ginan sa Ihiptu nu naan kami pag binwat panawuhun.

Pag-ighit 13:3

Bag-u magkun si Muysis sa manga tawu, “Alalahana niyu inda pag sirang, ti sirang ipinalwas kamu ginan sa pagka panawuhun sa Ihiptu. Dahil ipinalwas kamu Panginuun sa panab-anan niya kamaskihan. Danga kamu magkaun tinapay may pamadaka.

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Kabagawan 30:9

Dahil nu yumaman aku, barang itanggi niku kawu, ag sabihun niku, “Si unu lugud ti Panginuun?” Ag nu pugri aku, barang manakaw aku ag mapakay-a niku kawu.

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 51:13

Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Bilang 15:39

Inda pag manga paraway-raway imaw ti pumaala-ala sa kanyu sa tanan niku manga sugu hampay tupadun niyu inda ag balaw kanyu lang pag kagustuhan ti pagbuwatun niyu.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Diyuturunumiyu 8:10

Nu nakakaun yi kamu ag nabsug, dayawa niyu ti Panginuun niyu Diyus dahil sa mayad pag daga kay ipinakaun sa kanyu.

Kulusas 2:8

Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.

Talaghusay 2:12

Binugyahan nida ti Panginuun, ti Diyus nida manga ginurang, imaw ti nagpalwas sa kanda sa Ihiptu. Sinunud nida ag sinamba ti tuhay-tuhay pag manga diyus manga tawu sa sangput nida. Ginalit nida ti Panginuun,