Diyuturunumiyu 5:5 - Hanunuu

⁵ Matindugan aku sa karaw-an niyu ag sa Panginuun sa ati katpung pag udas, hampay sabihun sa kanyu ti bagaw Panginuun, dahil magkadala kamu sa apuy ag magbugya kamu magtukad sa bantud. “Magkun ti Panginuun,

Diyuturunumiyu 5:5 Iomraidhean Croise

Gimpuunan 18:22

Ginminan yi ngani ti duwa ka lalaki atabug sa Suduma, dapat napatayak di ti Panginuun hanggan si Abraham.

2 Hari 18:4

Ipinadaut niya ti manga simbahan sa abwat pag manga rugar, ipinarunut ti manga aramirawan pag batu, ag ipinaplud ti tulduk tanda diyusa si Asira. Ipinarunut diman niya ti galang pag ulay kay binuwat ni Muysis, dahil ati ginan kaybi sa kan Muysis nagtuub kamangyan sinamba yi tunda manga taga Israil. Tunda pag galang ulay iningarnan Nihustan.

Kanta 106:23

Rinuris yi mana Diyus kay nasakupan nu balaw nagpakaraw-an si Muysis kay manugsirbi, agud manpakihampang sa kanya kuntay pigili niya kay pangagalit hampay balaw niya sida ipadamhak.

Pag-ighit 19:16

Pagka nasurip ikatlu pag sirang, nanlinti ag kinmilat, bag-u may madamul pag rurum sinmaput sa bantud ag nadnugan ti matnug pag tunug budyung. Tinakigan sa dala ti tanan tawu sa kampu.

Pag-ighit 19:21

bag-u magkun sa kanya ti Panginuun, “Paglus-ug kawu sa lawud ag pasandami nimu ti manga tawu danga maglampas sa ipinauli katugkaan sa sangput bantud agud bantayan aku, dahil nu buwatun nida inda, mayamu sa kanda ti mamatay.

Pag-ighit 19:25

Nakan linmus-ug si Muysis ag sinabihan ti manga tawu.

Hirimyas 30:21

Ti manga takinan nida ginan diman gid sa kanda. Ipakarani niku siya sa kangku, ag siya waydi pumakarani. Dahil unman may tawu pumanghas pumakarani sa kangku nu balaw niku siya pakaranihun. Aku, ti Panginuun, magsabi,

Bilang 16:48

Tinmindug siya sa tab-anan manga tawu namatay yi ag manga buhi waya, bag-u di nag-apas ti sarut.

Galasya 3:19

Nu katida, hintay nguna kay pulus ti Kasuguan? Idinugang ti Kasuguan hampay ipakilala sa manga tawu kanda buwat kasalanan hanggan sa udwaya rumas-ug ti pinangakuan Diyus pag linahi ni Abraham. Ipinakaun ti Kasuguan ipinadakit manga anghil sa kan Muysis bag-u siya ti nagpadangat sa manga tawu.

Diyuturunumiyu 5:27

Kawu yi lang ti pagpakarani sa Panginuun nita Diyus, ag patingihi ti tanan pagsabihun niya. Bag-u itultul lang nimu sa kanmi ti tanan pagsabihun niya, dahil patingihan diman nimi inda ag sundun.’

Hibriyu 9:24

Dahil si Kiristu nagsaka sa banal pag rugar balaw binwat tawu kamang ag unman hinuwad ginan sa kay tutuu. Siyun ngap siya sa langit gid sa atubangan Diyus hampay magpamahala sa kanta.