Diyuturunumiyu 5:32 - Hanunuu

³² “Nakan sunda gid niyu kaayad ti pag-isugu Panginuun niyu Diyus sa kanyu. Danga niyu paglabaga una di usa sa kay manga sugu.

Diyuturunumiyu 5:32 Iomraidhean Croise

2 Hari 17:37

Kailangan tupadun niyu pirmi kang manga sugu, manga surundanun, manga pag-itudlu, ag manga kasuguan kang isinurat para sa kanyu. Danga gid kamu magsamba sa iba pag manga diyus.

2 Hari 21:8

Nu tupadun lang nasakupan Israil ti tanan niku kasuguan ti ipinakaun sa kanda niku manugsirbi ni Muysis, unman niku pahintulutan paighitun sida sa inda pag daga kang ipinakaun sa kanda manga ginurang.”

2 Hari 22:2

Mayad kay binuwat sa magbantay Panginuun ag nagsunud siya sa pag-ugaliun niya ginurang ni Dabid. Sinunud gid niya ti mayad.

Kanta 125:5

Dapat parusahi kaibahan ti manga daut pag tawu kanmu nasakupan, ti magsunud sa balaw mayad pag-ugali. Israil, pagsa kanyu mana ti kahusayan!

Kanta 19:12

Nu kas-a unman magkaalaman tawu kuntay nagsalan siya. Nakan Panginuun, lumpiyuha aku sa manga kasalanan balaw niku magkaalaman!

Kanta 80:19

Panginuun Diyus Makamaskihan, balikan sa kanmi ti mayad pag kahamtangan nimi! Pakakitan sa kanmi kanmu kaayadan hampay maribri kami.

Kabagawan 3:2

dahil inda ti pumalawig hanggan ti pumaabunda sa kanmu buhi.

Kabagawan 4:27

Pagpangabuhi kawu matadlung; amani ti pagbuwat daut.

Isayas 30:21

ag masaydan kay busis magtudlu sa kanyu, “Inda ti hustu pag dalan, paglakaw kamu sitay.”

Isikil 20:19

Aku ti Panginuun niyu Diyus. Sunda niyu mayad kang manga sugu ag manga surundanun.

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Diyuturunumiyu 11:32

sunda gid niyu ti tanan pag-ipakaun niku pag manga sugu hanggan surundanun sa kanyu taynguna pag sirang.

Diyuturunumiyu 12:32

“Sunda gid niyu ti tanan pag-isugu niku sa kanyu. Danga niyu inda pagdugangi ngatay pagbuhini.

Diyuturunumiyu 17:11

Nu hintay kanda pasya angay sa kasuguan, kailangan tupadun niyu. Danga niyu paglabaga kanda pagsabihun sa kanyu.

Diyuturunumiyu 17:20

Sa panab-anan diman pirmi pag pagbasa, maamanan niya ti pagpadayaw-dayaw kuntay mas mayad siya kaysa kay kaparihu manga Israilita, ag makaaman siya sa paglabag sa manga sugu Panginuun. Nu sundun niya tanan inda, siya hanggan kay manga lahi humari dugay sa Israil.

Diyuturunumiyu 24:8

“Tungkul sa dilikadu pag sakit sa lukub, sunda niyu kaayad ti manga surundanun pag-ipabuwat sa kanyu manga manughandug lahi ni Libi. Sunda gid niyu kang pag-isugu sa kanda.

Diyuturunumiyu 28:14

Nakan danga niyu paglabaga ti una hintay sa kang pag-isugu sa kanyu taynguna pag sirang, ag danga kamu magsunud sa iba pag manga diyus hanggan magsirbi sa kanda.

Diyuturunumiyu 29:8

Inagaw nita kanda daga ag ipinakaun inda sa manga lahi ni Rubin, ni Gad, ag sa katunga pag lahi ni Manasis bilang kanda mana.

Diyuturunumiyu 6:17

Sunda gid niyu kaayad ti manga sugu, ti manga tudlu hanggan ti manga surundanun ipinakaun Panginuun niyu Diyus sa kanyu.

Diyuturunumiyu 6:25

Ag nu sundun lang nita kaayad inda tanan pag sugu Panginuun nita Diyus, angay sa kay pag-isugu sa kanta, bumaliw kita matadlung sa kay pamantay.’

Diyuturunumiyu 6:3

Pagpatingi kamu, manga nasakupan Israil, ag sunda niyu kaayad kay manga sugu hampay mayad kanyu kahamtangan ati ag hampay lalu waya kamu yumamu sa marinu ag abunda pag daga, angay sa itinaratu sa kanyu Panginuun, ti Diyus niyu manga ginurang.

Diyuturunumiyu 8:1

“Sunda gid niyu ti tanan pag-ipakaun niku pag sugu sa kanyu kainda, hampay parargu kamu mabuhi dugay ag yumamu, ag makapangulian sa itinaratu Panginuun pag daga kay iayaw sa kanyu manga ginurang.

Huswi 1:7

Basta pagpakarig-un lang kawu hanggan pagmatutum gid kanmu naisipan. Sunda gid nimu kaayad ti tanan kasuguan ipinakaun sa kanmu ni Muysis kang suruguun. Danga gid nimu inda pagkalimti, hampay marapanalu kawu sa tanan nimu pagbuwatun.

Huswi 23:6

“Pagpakarig-un kamu, ag siguraduha gid niyu tupadun ti tanan nakasurat sa Ribru Kasuguan ni Muysis. Danga gid niyu inda pagdayua.

2 Pidru 2:21

Mayad waya mana nu ud nataw-an nida ti matadlung pag dalan. Masyadu gid makuri ti tawu nu nataw-an niya ti banal pag kasuguan iinintirga sa kanya bag-u kay di maan tinayakan.