Diyuturunumiyu 5:24 - Hanunuu

²⁴ Bag-u nagsabi sida, ‘Pag-ipakakit Panginuun nita Diyus sa kanta kay kadayawan, ag nasaydan nita kay busis ginan sa apuy. Nakitan nita kainda pag sirang mahimu di maaw mabuhi ti tawu una naghampang sa kanya ti Diyus.

Diyuturunumiyu 5:24 Iomraidhean Croise

Gimpuunan 32:30

Iningarnan ni Hakub tunda pag rugar Pinwil, dahil magkun siya, “Nakitan niku ti uyahun Diyus dapat buhi di aku.”

Gimpuunan 32:31

Magsinggit yi ti init kay magginan ni Hakub ginan sa Pinwil. Mag-ikang wadi siya dahil naliw-as kay but-ul sa baliw-ang.

Pag-ighit 19:19

ag lalu waya nagmatnug ti tunug budyung. Nagbagaw si Muysis ag sinagut siya Diyus sa panab-anan linti.

Pag-ighit 20:22

Bag-u magkun ti Panginuun sa kan Muysis, “Sabihun nimu inda sa manga Israilita: Nakitan niyu nanhampang aku sa kanyu ginan sa langit.

Pag-ighit 33:20

Dapat bukun niku ipakakit sa kanmu kang uyahun dahil unman may tawu mabuhi nu makakit sa kang uyahun.”

Bilang 14:14

Nu rurisun nimu kanmu nasakupan, itultul inda manga taga Ihiptu sa manga mag-uli sa Kanaan. Nadnugan yi manga Kananiyu kawu, Panginuun mag-iba sa manga Israilita, ag magpakakit sa kanda sa panab-anan rurum maggiya sa kanda. Pagpangunahan nimu sida nu sirang sa panab-anan rurum ga tulduk, ag nu yabi sa panab-anan apuy ga tulduk.

Diyuturunumiyu 32:3

Ipadakit niku ti ngaran Panginuun. Dayawun nita ti pagka makamaskihan nita Diyus!

Diyuturunumiyu 4:33

Bukud sa kanyu, may imaw aw waya iba ka tawu nakadnug sa busis Diyus ginan sa apuy, ag buhi taynguna?

Diyuturunumiyu 5:23

“Pagka nasaydan niyu ti busis ginan sa kadudulman habang maglabdaban ti bantud, nagpakarani sa kangku ti tanan manga takinan niyu manga lahi hanggan kanyu manga manugpamahala.

Diyuturunumiyu 5:25

Dapat balaw nimi ipauli sa alangan kanmi buhi. Dahil nu masaydan maan nimi ti busis Panginuun nita Diyus, pihu mairub gid kami makamaskihan pag apuy.

Talaghusay 13:22

Magkun si Manwa sa kay asawa, “Pihu gid mamatay kita dahil nakitan nita ti Diyus.”