Diyuturunumiyu 5:15 - Hanunuu

¹⁵ Isipa niyu manga panawuhun diman kamu kaybi sa Ihiptu, ag aku, ti Panginuun niyu Diyus, ti nagpalwas sa kanyu ati ginan sa panab-anan niku kamaskihan. Nakan aku, ti Panginuun niyu Diyus, magsugu sa kanyu kuntay tupada niyu ti Sirang Pamahari.

Diyuturunumiyu 5:15 Iomraidhean Croise

Gimpuunan 15:13

Bag-u magkun sa kanya ti Panginuun, “Kanmu manga linahi pihu gid bumaliw day-uhan sa iba ka nasyun. Bumaliw suruguun sida ati ag payhin-payhinun sa sulud upat ka gatus ka timpu.

Gimpuunan 19:16

Dayu waya mana man-ginan si Lut, dapat dahil sa pangaawa Panginuun sa kanda, inabat sida manga anghil ag dinara atag sa luwas banwa.

Kanta 116:16

Panginuun, tutuu pag manugsirbi nimu aku. Irinibri nimu aku sa pagkabihag.

Kanta 136:12

Ipinalwas niya sida sa panab-anan niya daka pag kamaskihan. Kay pagmahal unman may katapusan.

Pag-ighit 13:14

“Aban nu paingan-un kamu niyu manga anak nu hayga niyu inda pagbuwatun, sabihun niyu sa kanda, ‘Sa panab-anan kamaskihan Panginuun, ipinalwas niya kami ginan sa Ihiptu nu naan kami pag binwat panawuhun.

Pag-ighit 13:16

Inda pag patayak layi parihu sa marka sa kanyu manga kamang ngatay sa kanyu manga bangas magpaalaala sa kanyu pagka ipinalwas kamu Panginuun sa Ihiptu sa panab-anan niya kamaskihan.”

Pag-ighit 13:3

Bag-u magkun si Muysis sa manga tawu, “Alalahana niyu inda pag sirang, ti sirang ipinalwas kamu ginan sa pagka panawuhun sa Ihiptu. Dahil ipinalwas kamu Panginuun sa panab-anan niya kamaskihan. Danga kamu magkaun tinapay may pamadaka.

Pag-ighit 13:9

Inda pag pista ga usa ka marka sa kanyu manga kamang ngatay sa kanyu manga bangas, imaw ti pumaalaala sa kanyu kailangan sabihun niyu sa iba ti sugu Panginuun dahil ipinalwas niya kamu ginan sa Ihiptu sa panab-anan niya kamaskihan.

Pag-ighit 20:11

Dahil sa sulud unum ka sirang, linalang niku ti langit, ti daga, ag ti dagat, hanggan ti tanan-tanan asan, dapat nagpahari aku sa ikapitu pag sirang. Nakan pinapaladan niku ti Sirang Pamahari ag binwat niku inda mahalaga pag sirang para sa kangku.

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Danyil 9:15

“Panginuun nimi Diyus, ipinakakit nimu kanmu kamaskihan katpung ipinalwas nimu kanmu nasakupan ginan sa Ihiptu, nakan niburayhaw kawu tugka kainda. Pag-akuun nimi kami nagkasala ag nagbuwat kadautan.

Diyuturunumiyu 15:15

Isipun niyu manga panawuhun diman kamu kaybi sa Ihiptu ag pinalpasan diman kamu Panginuun niyu Diyus. Imaw inda ti pag ipakaun niku pag sugu sa kanyu kainda.

Diyuturunumiyu 16:12

Isipun niyu kamu manga suruguun diman kaybi sa Ihiptu, nakan sunda niyu kaayad inda pag manga surundanun.

Diyuturunumiyu 26:8

Nakan bin-ul kami Panginuun ginan sa Ihiptu sa panab-anan niya masyadu pag kamaskihan ag madala pag buwat. Nagbuwat siya manga makadululaw ag lilingutan pag manga bagay.

Diyuturunumiyu 5:6

‘Aku ti Panginuun niyu Diyus ti nagpalwas sa kanyu ginan sa Ihiptu nu naan kamu binwat panawuhun.

Diyuturunumiyu 9:12

Bag-u magkun ti Panginuun sa kangku, ‘Pagdugsun kawu dahil kanmu pag panguluhan pag nasakupan sa pagluwas sa Ihiptu nagbuwat kadautan. Madali sida magpatlikud sa manga surundanun kang pag-isugu sa kanda ag nagbuwat sida diyus-diyusan hampay kanda sambahun.’

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.