Diyuturunumiyu 5:13 - Hanunuu

¹³ Pagtarabahu kamu sa sulud unum ka sirang,

Diyuturunumiyu 5:13 Iomraidhean Croise

Pag-ighit 20:9

Pagtarabahu kamu sa sulud unum ka sirang,

Pag-ighit 23:12

“Pagtarabahu kamu sa sulud unum ka sirang, dapat sa ikapitu pag sirang pagpahari kamu hampay makapahari diman kanyu manga baka ag manga asnu, hanggan yi kanyu manga panawuhun ag ti manga day-uhan magpangulian kaibahan niyu.

Pag-ighit 34:21

“Pagtarabahu kamu sa sulud unum ka sirang, dapat sa ikapitu pag sirang pumahari kamu, una sa udas tig-aradu ag tig-arani.

Isikil 20:12

Ipinatupad diman niku sa kanda ti manga Sirang Pamahari bilang palatandaan nimi kasunduan. Inda manpaala-ala sa kanda kuntay aku, ti Panginuun, ti magpabanal sa kanda bilang kang nasakupan.

Libitiku 23:3

May unum kamu ka sirang sa pagtarabahu, dapat sa ikapitu pag sirang pagpahari kamu dahil imaw tunda ti Sirang Pamahari. Danga kamu magtarabahu sa inda pag sirang bagkus pagtiripun kamu hampay mansamba, dahil sa tunda pag sirang dayawun niyu ti Panginuun.

Lukas 23:56

Nuli maan sida nag-alistu manga pamanglu, kay iba hampay iwaswas sa kay bangkay ni Hisus, kay iba hampay ihaplas. Nagpahari sida sa sirang Sabadu angay sa Kasuguan.

Diyuturunumiyu 5:12

“ ‘Alalahana niyu ti Sirang Pamahari, ag buwata niyu inda pinakabukudtangi pag sirang para sa kangku, ti Panginuun niyu Diyus, angay sa kang pag-isugu sa kanyu.

Diyuturunumiyu 5:14

dapat ti ikapitu pag sirang, ti Sirang Pamahari, ipakaun niyu para sa kangku, ti Panginuun niyu Diyus. Danga kamu magtarabahu sa tunda pag sirang una kanyu manga anak, hanggan manga panawuhun, una manga baka, manga asnu ag ti iba waya pag manga hayup, hanggan ti manga day-uhan mag-ulian kaibahan niyu. Sa panab-anan siyun kanyu manga panawuhun makapahari diman waydi ga kanyu.