Diyuturunumiyu 5:11 - Hanunuu

¹¹ “ ‘Danga niyu gamitun kang ngaran sa unman may pulus, dahil aku, ti Panginuun niyu Diyus, ti pumarusa una sa kantapu ti gumamit sa ngaran niku sa unman may pulus.

Diyuturunumiyu 5:11 Iomraidhean Croise

Kanta 139:20

Magbagaw sida daut tungkul sa kanmu. Sida kanmu manga kalaban magbanggit kanmu ngaran sa unman may pulus.

Pag-ighit 20:7

“Danga niyu paggamita kang ngaran sa unman may pulus. Aku, ti Panginuun niyu Diyus, ti pumarusa una si unu ti gumamit kang ngaran sa unman may pulus.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Husyas 4:2

Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Libitiku 19:12

Danga kamu magsumpa sa kapudilan tabug sa kang ngaran, dahil nu buwatun niyu inda paglapastanganun niyu kang ngaran. Aku ti Panginuun.

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 6:13

“Galanga niyu ti Panginuun niyu Diyus; siya lang gid kanyu sirbihan ag pagtaratu kamu sa kay lang ngaran.

Santiyagu 5:12

Dapat lalu waya manga patar-ari niku, danga kamu magpanumpa nu kamu magtaratu, danga paghinangbita ti langit hanggan ti daga, una lang hintay. Kang-ud yi waydi nu sabihun niyu, “Hu ngani”, nu hu. Sabihun niyu “Unman”, nu unman waydi, barang pihuun kamu Diyus kanyu daut kanyu mayad.