Diyuturunumiyu 5:1 - Hanunuu

¹ Tinipun ni Muysis ti tanan Israilita ag magkun siya sa kanda, “Manga Israilita, pakidnugi niyu ti ipakaun niku sa kanyu pag manga sugu hanggan surundanun kainda pag sirang. Adalan niyu inda kaayad ag sunda gid.

Diyuturunumiyu 5:1 Iomraidhean Croise

Kanta 78:7

Sa siyun pag paraan sumarig sida sa Diyus ag balaw nida malimtan kay manga binwat bagkus ngap tupadun nida kay manga sugu.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Pag-ighit 18:20

Iparargu diman nimu ti pagtudlu manga surundanun hanggan manga sugu Diyus sa kanda. Tudlui nimu sida nu kabitay mangabuhi ag nu hintay kanda buwatun.

Matiyu 23:3

Nakan buwata niyu kanda pag-itudlu, tupada kanda manga pag-isugu. Dapat danga niyu paghuwada kanda ugali dahil unman kanda pagtupadun kanda pag-itudlu.

Diyuturunumiyu 1:1

Inda pag ribru tungkul sa manga itinultul ag binagaw ni Muysis sa tanan Israilita katpung ati di waya sida sa pangawakawaan, sa butlakan Sapa Hurdan. Makampuhan sida sa Karatagan Hurdan arani sa Sup, sa karaw-an Paran, Tupil, Laban, Hasirut hanggan Disahab.

Diyuturunumiyu 11:1

“Mahala niyu ti Panginuun niyu Diyus ag tupada kay manga sugu ag surundanun, hanggan palakaw ag kasuguan.

Diyuturunumiyu 12:1

“Inda ti manga sugu hanggan manga surundanun kailangan niyu tupadun kaayad habang magkabuhi kamu atay sa daga pag-ipakaun sa kanyu Panginuun, ti Diyus niyu manga ginurang.

Diyuturunumiyu 17:19

Kailangan niya isaisip inda ag basahun pirmi sa buu niya buhi hampay dumunung siya maggalang sa Panginuun niya Diyus ag sundun niya mayad ti tanan pagsabihun sa inda pag manga kasuguan ag surundanun.

Diyuturunumiyu 28:15

“Dapat nu balaw kamu sumunud sa Panginuun niyu Diyus ag balaw sundun mayad ti tanan niya manga sugu hanggan surundanun kang pag-ipakaun sa kanyu taynguna, malakawan niyu inda tanan pag saad:

Diyuturunumiyu 29:10

Tinmindug kamu tanan kainda pag sirang sa atubangan Panginuun niyu Diyus: ti manga takinan niyu manga lahi, ti manga manugpamahala, ti manga takinan, ag ti tanan lalaki Israil,

Diyuturunumiyu 29:2

Ipinatawag ni Muysis ti tanan Israilita ag sinabihan, “Kamu mismu ti nakakit sa tanan binuwat Panginuun sa hari Ihiptu hanggan sa tanan niya takinan ag sa buu niya nasyun.

Diyuturunumiyu 4:1

Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 4:49

ag ti tanan daga sa Karatagan Hurdan sa butlakan Sapa Hurdan tugka sa Dagat Namatay, sa lawud baliwa Pisga.

Diyuturunumiyu 4:5

“Pag-itudlu niku sa kanyu ti ipinakaun Panginuun niku Diyus sa kangku pag manga sugu hanggan surundanun hampay kanyu sundun nu rumas-ug kamu sa patabgan niyu pag daga ag ulianan.

Diyuturunumiyu 5:2

Ti Panginuun nita Diyus nagbuwat kasunduan sa kanta sa Bantud Sinai.

Diyuturunumiyu 6:17

Sunda gid niyu kaayad ti manga sugu, ti manga tudlu hanggan ti manga surundanun ipinakaun Panginuun niyu Diyus sa kanyu.

Huswi 1:8

Danga gid pagkalimti basahun ti ribru Kasuguan. Isip-isipa nimu inda sirang yabi, hampay maalaman nimu nu kabitay matupad nimu ti tanan nakasurat asan. Sa panab-anan inda bumaliw abunda kanmu kahamtangan ag marapanalu kawu.