Diyuturunumiyu 4:7 - Hanunuu

⁷ Udyi may tuhay makapangyarihan pag nasyun may diyus arani sa kanda parihu sa Panginuun nita Diyus arani sa kanta sa udas magtawag kita sa kanya.

Diyuturunumiyu 4:7 Iomraidhean Croise

2 Samwil 7:23

Unman diman may kaparihu kanmu nasakupan Israilita. Inda lang pag nasyun kanmu pinalaya ginan sa pagkasuruguun hampay bumaliw nasakupan nimu. Nibantug kanmu ngaran dahil sa makamaskihan ag lilingutan pag binwat nimu pagka pinalayas nimu ti manga nasyun hanggan kanda manga diyus-diyusan sa panab-anan nimu pagpalwas nasakupan ginan sa Ihiptu.

Kanta 145:18

Panginuun, arani kawu sa tanan magtawag sa kanmu.

Kanta 147:20

Unman niya inda binwat sa iba pag manga nasyun; unman nida alam kay manga sugu. Dayawun ti Panginuun!

Kanta 148:14

Pagpabisugun niya ag pagkilal-anun kay matinupadun pag nasakupan, ti Israil pagmahalun gid niya. Dayawun ti Panginuun!

Kanta 34:17

Magtawag sa kanya ti manga matadlung, ag pagsagtun niya sida. Pag-iribri niya sida sa tanan nida kakurian.

Kanta 34:18

Arani ti Panginuun sa manga may karukuan kay tagipusuun. Pag-iribri niya ti manga nabul-an pag-asa.

Kanta 46:1

Ti Diyus imaw ti mag-alaga ag magpakaun sa kanta kabisugan. Alistu gid siya pirmi mag-awat sa udas kakurian.

Kanta 73:28

Diyus, dapat para sa kangku, mayad ti magpakarani sa kanmu. Kawu Panginuun Diyus kang binwat manug-alaga, hampay mitultul niku ti tanan nimu binuwat.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Isayas 43:4

Ipakaun niku ti iba ka manga tawu bilang ka ilis nimu, dahil kawu garalangun ag mahalaga sa kang magbantay, dahil pagmahalun niku kawu.

Isayas 55:6

Pagpakarani yi kamu sa Panginuun ag pagtawag sa kanya habang asan di waya siya hampay awatan kamu.

Bilang 23:21

Unman aku may nakitan kadautan ngatay kakurian rumas-ug sa Israil. Kaibahan nida ti Panginuun kanda Diyus; pagkilalan-un nida siya kanda hari.

Bilang 23:9

Pagka ati aku sa katayungtungan tagudtud, nakitan niku sida. Magkabuhi diman sida una sida-sida lang, mablagan sa iba ka manga nasyun.

Binwat 17:27

Kay linalang Diyus ti manga tawu hampay hanapun nida siya, barang sa kanda maggarapgap mahiyaptan ngap nida siya. Nu sa ungud siya balaw arayu sa kanta sa kada usa,

Diyuturunumiyu 26:19

Angay sa kay itinaratu, buwatun niya kamu higit man sa tanan pag nasyun, pagkilalan-un ag paggalangun kamu. Kamu ti manga pinili Panginuun niyu Diyus pag nasakupan, angay sa kay itinaratu.”

Diyuturunumiyu 33:29

Pinapaladan kamu, manga nasakupan Israil! Unman may pumarihu sa kanyu — usa ka nasyun irinibri Panginuun. Ti Panginuun imaw ti mag-alaga ag mag-awat sa kanyu, ag siya ti lumaban para sa kanyu. Manyapang kanyu manga kalaban atag sa kanyu, ag tat-an niyu sida sa dayu.”

Diyuturunumiyu 4:32

“Isipun niyu ti manga nangyari ginan sa sirang binuwat Diyus ti tawu sa kalibutan tugka taynguna. Bag-u usisaa niyu ti buu kalibutan nu may makitan kamu makadululaw pag bagay parihu sa kanyu nalakawan.

Diyuturunumiyu 5:26

May imaw aw waya tawu buhi ti nakadnug sa busis Diyus ginan sa apuy parihu sa kanta nadnugan?

Santiyagu 4:8

Pagpakarani kamu sa Diyus, bag-u pumakarani waydi ti Diyus sa kanyu. Lumpiyuha kanyu manga kamang, kamu pag manga makasalanan. Lumpiyuha kanyu tagipusuun, kamu pag manga tawu magkauman-uman kanyu naisipan.