Diyuturunumiyu 4:6 - Hanunuu

⁶ Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

Diyuturunumiyu 4:6 Iomraidhean Croise

1 Hari 4:34

Nabaritaan tanan hari sa kalibutan ti kadunungan ni Sulumun, nakan nagpadara sida manga tawu hampay mamatingi sa kay kadunungan.

Hub 28:28

Bag-u magkun siya sa manga tawu, ‘May kadunungan kamu ag pag-intindi nu maggalang kamu sa Panginuun ag mag-aman sa kadautan.’ ”

Kanta 111:10

Nu ti usa ka tawu magkaibug sa kadunungan, kailangan maggalang siya sa Panginuun. Ti tanan magsunud sa kay manga sugu may kang-ud pag pan-intindi. Pagdayawun siya sa unman may katapusan.

Kanta 19:7

Ti kasuguan Panginuun balaw may salan. Magpakaun inda kabisugan nita buhi. Ti manga pag-itudlu Panginuun masarigan, magpakaun kadunungan sa manga balaw may alam.

Kanta 19:8

Ti manga surundanun Panginuun kang-ud ag magpakaun kabayaan. Ti manga sugu Panginuun balaw may salan ag magrayaw sa naisipan tawu.

Kabagawan 1:4

Makapakaun inda kadunungan sa manga unman may alam, ag makapakaun kadunungan sa manga kalay-awan nu kabitay magpasya tama.

Kabagawan 1:5

Sa panab-anan pagpatingi, ti madunung lalu waya gid dumunung ag maawatan ti manga may inadalan,

Kabagawan 1:7

Nu ti usa ka tawu magkaibug dumunung kailangan paggalang siya sa Panginuun. Ti tawu kurang kay intindi unman magkaibug kadunungan ag balaw niya gustu tumadlung kay ugali.

Kabagawan 14:34

Umabunda ti usa ka nasyun nu ti manga mag-ulian siyun mangabuhi matadlung, dapat nu bumuwat sida kadautan, mangay-a kanda nasyun.

Kabagawan 14:8

Ti tawu madunung mag-intindi nu hintay ti tama ag ti mali alam niya nu unu kay buwatun, dapat ti kabusalan unman may alam pag tawu imaw ti makapatalang sa kanya.

Isayas 42:21

Gustu gid Panginuun galangun kay kasuguan agud maipakakit niya kay katadlungan.

Hirimyas 8:9

Mangay-a ti manga mag-isip madunung sida. Madala gid sida dahil pamihagun sida. Dinayu nida kang manga bagaw — buwatun aw nida inda nu ungud gid madunung sida?

Isikil 5:5

“Aku, ti Panginuun Diyus, magbagaw magkun imaw tunda ti patabgan Hirusalim, ti binwat niku pag banwa pinakamahalaga pag rugar sa kalibutan.

Danyil 1:20

Sa tanan ipinaingana hari sa kanda, nakitan niya kanda kadunungan sampulu ka dubli sa kadunungan manga manugsalumangka hanggan pandaniwan sa buu niya kaharian.

Danyil 4:9

Magkun aku, ‘Biltisasar, takinan manga manugsalumangka, alam niku asan sa kanmu ti ispiritu banal pag manga diyus, ag madali nimu maalaman ti manga madalum pag manga kahulugan. Nakan tultulan sa kangku nu hintay ti kahulugan manga pangakakitun kang nakitan sa kang tagin-up.

Husyas 8:12

Ipinasurat niku ti mayamu pag manga kasuguan para sa kanda, dapat binaliw nida tunda para sa iba balaw para sa kanda.

Malakyas 3:12

Ingarnan kamu mapalad sa tanan pag nasyun, dahil mayad kanyu daga. Aku, ti Panginuun Makamaskihan, ti magbagaw inda.”

Diyuturunumiyu 29:9

“Nakan sunda niyu kaayad ti manga pag-isugu sa inda pag kasunduan, hampay abunda kamu sa tanan niyu pagbuwatun.

Diyuturunumiyu 32:46

magkun siya sa manga tawu, “Tandai gid niyu sa kanyu manga tagipusuun ti tanan niku pagsabihun sa kanyu kainda. Tudluan diman waydi niyu inda sa kanyu manga anak hampay matupad nida kaayad ti tanan pagsabihun sa inda pag manga sugu.

Diyuturunumiyu 32:47

Inda pag manga sugu balaw pangaradnuganun lang pag manga bagaw; pumakaun inda buhi sa kanyu. Nu tupadun niyu inda mabuhi kamu dugay sa apuun niyu pag daga sa baliw dipay Hurdan.”

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.

Santiyagu 3:13

Hintay nguna sa kanyu ti madunung hanggan mapininsarun? Pakitan niya tunda sa kay mayad pag ugali, angay sa mapinakumbabaun pag kadunungan.