Diyuturunumiyu 4:40 - Hanunuu

⁴⁰ Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

Diyuturunumiyu 4:40 Iomraidhean Croise

Kanta 105:45

Binwat inda Diyus hampay tupadun nida kay manga surundanun ag kasuguan. Dayawa ti Panginuun.

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Pag-ighit 23:26

unman may babayi maagasan ag unman may bumaliw baug sa kanyu daga, ag pakan-an diman niku kamu malawig pag buhi.

Manugtudlu 8:12

Una makabwat mayamu pag kasalanan ti tawu, mahimu mabuhi diman siya dugay. Dapat alam niku mayad ti patabgan tawu maggalang sa Diyus,

Isayas 65:20

Ati unman may mamatay lapsag ngatay anak waya. Una si unu ti mamatay sa idad 100 ka timpu kilalan-un anak waya, ag ti mamatay udwaya aput sa 100 ka timpu kilalan-un sinintinsiyahan niku.

Hirimyas 11:4

Isinugu niku inda sa kanyu manga ginurang pagka sa sirang ipinalwas niku sida sa Ihiptu, sa rugar ga maglabdaban pugun turunawan baul. Magkun aku sa kanda, ‘Nu sundun niyu aku hanggan ti tanan niku pag-isugu, kamu kang yi nasakupan ag aku yi kanyu Diyus.

Hirimyas 35:18

Bag-u sinabihan ni Hirimyas ti magtal-anakan manga Rakabita tungkul sa sinabi Panginuun Makamaskihan, ti Diyus Israil, “Ungud pagsundun niyu ti tanan isinugu sa kanyu niyu ginurang ni Hunadab,

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Hirimyas 7:7

Nu buwatun niyu inda, parargu niku kamu patahanun sa inda pag daga, kang ipinakaun sa kanyu ginurang hanggan aban.

Libitiku 22:31

Tupada niyu kang manga sugu. Aku ti Panginuun.

Bilang 10:29

Bag-u magkun si Muysis sa kay bayaw sa kan Hubab anak ni Ruwil taga Midyan, “Maglakaw yi kami atabug sa rugar itinaratu Panginuun ipakaun niya sa kanmi. Nakan pagkuyug kawu sa kanmi, balaw nimi kawu pabay-anan, dahil nanaratu ti Panginuun papaladan niya ti Israil.”

Huwan 14:15

Sinabi ni Hisus magkun, “Nu pagmahalun gid niyu aku, tupadun waydi niyu kang manga ibinilin sa kanyu.

Diyuturunumiyu 11:9

Nu sumunud kamu, mabuhi kamu dugay ati sa marinu ag abunda pag daga, ti itinaratu Panginuun ipakaun sa kanyu manga ginurang hanggan sa kanda manga sinulput.

Diyuturunumiyu 12:25

Danga gid niyu inda pagkan-a hampay mayad kanyu kahamtangan hanggan kanyu manga lahi, dahil ti pag-aman sa magkaun dugu mayad sa magbantay Panginuun.

Diyuturunumiyu 12:28

Sunda gid niyu inda tanan pag surundanun ti pag-ipakaun niku sa kanyu, hampay pirmi mayad kanyu kahamtangan hanggan kanyu manga lahi tugka aban, dahil ti pagtupad inda mayad ag tama sa magbantay Panginuun niyu Diyus.

Diyuturunumiyu 22:7

Mahimu niyu bul-un kay manga pispis ngatay itlug, dapat kailangan palpasan niyu kay ina, hampay mayad kanyu kahamtangan ag mangabuhi kamu dugay.

Diyuturunumiyu 25:15

Paggamit kamu hustu pag kiluhan ag takalan hampay mabuhi kamu dugay sa pag-ipakaun Panginuun niyu Diyus pag daga sa kanyu.

Diyuturunumiyu 32:47

Inda pag manga sugu balaw pangaradnuganun lang pag manga bagaw; pumakaun inda buhi sa kanyu. Nu tupadun niyu inda mabuhi kamu dugay sa apuun niyu pag daga sa baliw dipay Hurdan.”

Diyuturunumiyu 33:25

Pag may panangga mana baul ag galang kanda manga puwirtahan banwa, ag pag sa kanda di ti kamaskihan habang sida magkabuhi.

Diyuturunumiyu 4:1

Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 4:2

Danga niyu pagdugangi ngatay pabawasi ti pag-ipakaun niku pag manga sugu sa kanyu ginan sa Panginuun niyu Diyus. Kailangan niyu inda tupadun.

Diyuturunumiyu 4:5

“Pag-itudlu niku sa kanyu ti ipinakaun Panginuun niku Diyus sa kangku pag manga sugu hanggan surundanun hampay kanyu sundun nu rumas-ug kamu sa patabgan niyu pag daga ag ulianan.

Diyuturunumiyu 4:6

Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

Diyuturunumiyu 5:10

Dapat pag-ipakakit niku kang pagmahal sa mayamu gid pag sinulput magmahal sa kangku ag magsunud sa manga sugu niku.

Diyuturunumiyu 5:16

“ ‘Paggalang kamu sa kanyu ama ag ina, angay sa kang pag-isugu sa kanyu, hampay mabuhi kamu dugay ag hampay mayad kanyu kahamtangan sa pag-ipakaun niku pag daga sa kanyu.

Diyuturunumiyu 5:29

Mana pag magsunud pirmi sida sa kangku ag magtupad sa kang manga sugu hampay mayad ti kahamtangan nida hanggan nida manga sinulput hanggan waya aban.

Diyuturunumiyu 5:33

Pagkabuhi kamu angay sa sugu Panginuun niyu Diyus sa kanyu hampay mabuhi kamu dugay ag abunda ati sa manahun niyu pag daga.”

Diyuturunumiyu 6:18

Buwata niyu ti tama ag ti mayad sa magbantay Panginuun hampay bumaliw mayad kanyu kahamtangan ag maapu niyu ti mayad pag daga kay itinaratu sa kanyu manga ginurang.

Diyuturunumiyu 6:3

Pagpatingi kamu, manga nasakupan Israil, ag sunda niyu kaayad kay manga sugu hampay mayad kanyu kahamtangan ati ag hampay lalu waya kamu yumamu sa marinu ag abunda pag daga, angay sa itinaratu sa kanyu Panginuun, ti Diyus niyu manga ginurang.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.