Diyuturunumiyu 4:39 - Hanunuu

³⁹ “Nakan tandai niyu inda pag sirang ag tanuman sa kanyu tagipusuun ti Panginuun imaw ti Diyus sa langit ag sa babaw daga, udyi may tuhay waya diyus.

Diyuturunumiyu 4:39 Iomraidhean Croise

2 Samwil 7:22

“Panginuun Diyus, kadayaw-dayaw kawu. Unman duy kawu may kaparihu. Unman may iba Diyus purya sa kanmu ag unman diman kami may nasaydan may iba pag diyus parihu sa kanmu.

1 Krunika 17:20

Unman gid may pumarihu sa kanmu, Panginuun, ag unman yi may tuhay waya pag Diyus purya sa kanmu. Unman kami may nasaydan kuntay may diyus parihu sa kanmu.

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

1 Krunika 29:11

Makamaskihan gid kawu, paggalangun, kilala, ag pagdayawun. Dahil kanmu ti tanan pag bagay sa langit ag sa daga. Kawu ti hari, Panginuun, ag abwat kawu sa tanan.

2 Krunika 20:6

ag magkun, “Panginuun, Diyus nimi manga ginurang, kawu ti Diyus asan sa langit? Kawu ti magpamahala sa tanan pag kaharian sa kalibutan. Makamaskihan gid kawu ag unman may makalaban sa kanmu.

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 115:3

Kanmi Diyus asan sa langit ag pagbuwatun niya una hintay kay pagkaibgan.

Kanta 135:6

Pagbuwatun Panginuun ti una unu ti pagkaibgan niya sa langit, sa daga, sa dagat, ag sa kaabasad-basadan inda.

Pag-ighit 8:10

Sinmagut ti hari Ihiptu, “Idarangin nimu aku aldaw.” Magkun si Muysis, “Matupad tida angay sa pagsabihun nimu, hampay maalaman nimu unman may kaparihu ti Panginuun nimi Diyus.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 44:8

Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 5:12

May manga patunug waya kamu hanggan manga intus sa kanyu manga karan-an. Dapat balaw niyu pag-intindihun ti pagbuwatun Panginuun.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Husyas 7:2

Unman nida pag-isipun magkaala-ala niku kanda tanan kadautan. Taynguna tugka masaudan di sida sa kanda manga kasalanan ag mag-akitan niku inda tanan.

1 Kurintu 8:4

Tungkul ngani sa manga karan-unun ihinandug sa diyus-diyusan, alam nita ti manga diyus-diyusan unman may kahulugan, ag alam diman nita usa lang ka Diyus.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

Diyuturunumiyu 32:12

Ti Panginuun lang gid ti mag-iba sa kay manga nasakupan, unman may awat ginan sa iba diyus.

Diyuturunumiyu 32:29

Nu madunung lang sida, masalman mana nida kanda patabgan.

Diyuturunumiyu 4:35

Ipinakakit sa kanyu tunda pag manga bagay hampay masalman niyu ti Panginuun imaw ti Diyus, ag udyi may iba waya.

Diyuturunumiyu 6:4

“Pagpatingi kamu, manga nasakupan Israil: Ti Panginuun nita Diyus imaw lang ti Panginuun.

Diyuturunumiyu 7:9

Alalahana niyu ti Panginuun niyu Diyus imaw lang ti Diyus. Masarigan siya pag Diyus, ag pagtupadun niya kay kasunduan tugka sa manga sinulput manga magmahal sa kanya ag magsunud sa kay manga sugu.

Huswi 2:11

Nadala kami pagka nabaritaan nimi inda ag naduraan kabisugan ti kada usa sa kanmi dahil sa kanyu. Dahil ti Panginuun niyu Diyus imaw ti Diyus sa langit hanggan sa daga.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.