Diyuturunumiyu 4:35 - Hanunuu

³⁵ Ipinakakit sa kanyu tunda pag manga bagay hampay masalman niyu ti Panginuun imaw ti Diyus, ag udyi may iba waya.

Diyuturunumiyu 4:35 Iomraidhean Croise

2 Samwil 22:32

Kawu lang, Panginuun, ti Diyus, ag unman yi may iba. Kawu lang kanmi palalan-iban pag batu.

2 Samwil 7:22

“Panginuun Diyus, kadayaw-dayaw kawu. Unman duy kawu may kaparihu. Unman may iba Diyus purya sa kanmu ag unman diman kami may nasaydan may iba pag diyus parihu sa kanmu.

1 Hari 8:60

hampay maalaman tanan nasakupan sa buu kalibutan ti Panginuun imaw ti Diyus ag unman yi may iba waya.

2 Hari 19:19

Nakan taynguna, Panginuun kanmi Diyus, ribrihan kami sa kamang Asirya, hampay ti tanan pag kaharian sitay sa kalibutan makaalam kawu lang, Panginuun, ti Diyus.”

1 Krunika 17:20

Unman gid may pumarihu sa kanmu, Panginuun, ag unman yi may tuhay waya pag Diyus purya sa kanmu. Unman kami may nasaydan kuntay may diyus parihu sa kanmu.

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Pag-ighit 8:10

Sinmagut ti hari Ihiptu, “Idarangin nimu aku aldaw.” Magkun si Muysis, “Matupad tida angay sa pagsabihun nimu, hampay maalaman nimu unman may kaparihu ti Panginuun nimi Diyus.

Pag-ighit 8:6

Nakan iinantay ngani ni Aarun kay sugkud sa manga danum sa Ihiptu, ag linmuwang ti manga pikaw ag naglingatag sa daga Ihiptu.

Pag-ighit 9:14

Dapat nu unman, mamadara aku masyadu pag sarut mamarusa sa kanmu, hanggan sa kanmu manga may kangaranan ag nasakupan nimu hampay maalaman nimu unman aku may kaparihu sa buu kalibutan.

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 44:8

Danga kamu magkadala ngatay kulbaan. Unman aw ipinaalam niku sa kanyu kaybi waya kang turunu? Kamu kang manga kastigus. May imaw waya aw iba Diyus purya sa kangku? Unman gid! Unman yi aku may alam kuntay may iba waya batu palalan-iban purya lang sa kangku.”

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Isayas 45:5

Aku ti Panginuun, udyi may iba waya; purya sa kangku udyi may iba Diyus. Pabisugun niku kawu una unman nimu aku kilala,

Markus 12:29

Kay sagut ni Hisus magkun, “Inda ti pinakamahalaga pag sugu magkun, ‘Pagpatingi kamu pag nasyun Israil. Ti Panginuun imaw yi kanta Diyus. Siya yi lang gid ti Panginuun.

Markus 12:32

Magkun ti manugtudlu Kasuguan, “Tama duy, Maisturu. Tutuu gid kanmu sinabi. Usa-usa di gid ti Diyus, udyi may iba nu ud siya lang.

1 Kurintu 8:4

Tungkul ngani sa manga karan-unun ihinandug sa diyus-diyusan, alam nita ti manga diyus-diyusan unman may kahulugan, ag alam diman nita usa lang ka Diyus.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

Diyuturunumiyu 32:12

Ti Panginuun lang gid ti mag-iba sa kay manga nasakupan, unman may awat ginan sa iba diyus.

Diyuturunumiyu 32:23

Padarahan niku sida manga kagipitan, ag pantukun sida niku manga ugyung.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

Diyuturunumiyu 33:26

Unman may kaparihu ti Diyus Israil. Masakyan siya sa manga rurum hampay awatan kamu. Sa kay kamaskihan magpaburayhaw siya sa kalangitan.

Diyuturunumiyu 4:39

“Nakan tandai niyu inda pag sirang ag tanuman sa kanyu tagipusuun ti Panginuun imaw ti Diyus sa langit ag sa babaw daga, udyi may tuhay waya diyus.

Diyuturunumiyu 6:4

“Pagpatingi kamu, manga nasakupan Israil: Ti Panginuun nita Diyus imaw lang ti Panginuun.

Diyuturunumiyu 7:9

Alalahana niyu ti Panginuun niyu Diyus imaw lang ti Diyus. Masarigan siya pag Diyus, ag pagtupadun niya kay kasunduan tugka sa manga sinulput manga magmahal sa kanya ag magsunud sa kay manga sugu.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.