Diyuturunumiyu 4:34 - Hanunuu

³⁴ May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Diyuturunumiyu 4:34 Iomraidhean Croise

Kanta 136:12

Ipinalwas niya sida sa panab-anan niya daka pag kamaskihan. Kay pagmahal unman may katapusan.

Kanta 24:8

Si unu lugud ti may kadayawan pag Hari? Siya ti Panginuun Makamaskihan ag mabisug sa labanan.

Kanta 78:12

Nagbuwat ti Diyus makadululaw ati sa Suan, sa daga Ihiptu ag nakitan inda nita manga ginurang.

Pag-ighit 1:9

Magkun siya sa kay manga nasakupan, “Malu, bantayi niyu, masyadu yi aduk ti manga Israilita, nakan mahawag kanta kahamtangan.

Pag-ighit 10:21

Magkun ti Panginuun sa kan Muysis, “Antayan kanmu kamang atag tungud sa langit hampay masaput kadudulman ti daga Ihiptu.”

Pag-ighit 10:7

Magkun ti manga takinan hari sa kanya, “Tugka kapira niyu pagpabay-anan inda pag kakurian magpakuri sa kanta? Paighita yi duy nimu ti manga Israilita, hampay makasamba sida sa Panginuun nida Diyus. Unman aw mag-akitan nimu nadaut yi ti Ihiptu?”

Pag-ighit 13:3

Bag-u magkun si Muysis sa manga tawu, “Alalahana niyu inda pag sirang, ti sirang ipinalwas kamu ginan sa pagka panawuhun sa Ihiptu. Dahil ipinalwas kamu Panginuun sa panab-anan niya kamaskihan. Danga kamu magkaun tinapay may pamadaka.

Pag-ighit 14:30

Sa ati pag sirang, irinibri Panginuun ti manga Israilita sa kamang manga Ihipsiyu. Ag nakitan manga Israilita ti manga bangkay manga Ihipsiyu mahuprasayan sa baybay.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Pag-ighit 19:4

‘Nakitan gid niyu nu hintay kang binwat sa manga Ihipsiyu, ag nu kabitay kamu niku dinara sitay tag sa kangku, parihu sa pagdara agila sa kay manga pispis sa panab-anan niya manga pakpak.

Pag-ighit 3:10

Nakan kawu kang ipaatag sa hari Ihiptu hampay palpasan kang manga nasakupan Israilita ginan sa Ihiptu.”

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Pag-ighit 7:3

Dapat paganitun niku ti tagipusuun hari Ihiptu. Una waya mamuwat aku mayamu makadululaw ag lilingutan pag manga bagay sa Ihiptu,

Isayas 51:9

Panginuun, awati yi duy nimu kami. Gamita yi nimu kanmu kamaskihan sa pagribri sa kanmi. Awati nimu kami parihu sa binwat nimu kaybi. Balaw aw kawu ti nagtuktuk sa daragun si Rahab?

Hirimyas 21:5

Aku ngapu ti lumaban sa kanyu sa panab-anan kapangyarihan niku dahil sa masyadu pag pangagalit niku.

Hirimyas 32:21

Sa panab-anan manga makadululaw ag manga lilingutan pag bagay hanggan sa kanmu kamaskihan, nadala duy ti manga taga Ihiptu ag pinalpasan nimu kanmu nasakupan Israilita sa Ihiptu.

Bilang 20:16

dapat nanhagad kami awat sa Panginuun ag pinatingihan niya kami. Nagpadara siya anghil ag ipinalwas kami sa Ihiptu. “Kainda, atay kami sa Kadis, sa banwa sa katugkaan nimu sakup pag daga.

Diyuturunumiyu 1:30

Ti Panginuun niyu Diyus imaw ti umuna ag lumaban para sa kanyu, parihu sa kanyu nakitan kay binuwat sa Ihiptu

Diyuturunumiyu 10:21

Dayawa niyu siya, dahil siya kanyu Diyus ti nagbuwat makamaskihan ag makadululaw pag manga bagay kanyu gid nakitan.

Diyuturunumiyu 11:2

Tandai niyu taynguna kanyu manga nalakawan pagtamyaw Panginuun niyu Diyus. Kamu ti nakasamit inda ag balaw kanyu manga anak. Unman sida nakakit sa kadayawan ag kamaskihan Panginuun,

Diyuturunumiyu 26:8

Nakan bin-ul kami Panginuun ginan sa Ihiptu sa panab-anan niya masyadu pag kamaskihan ag madala pag buwat. Nagbuwat siya manga makadululaw ag lilingutan pag manga bagay.

Diyuturunumiyu 29:3

Nakitan niyu kaybi ti masyadu gid pag sarut, ti manga makadululaw hanggan ti lilingutan pag manga buwat.

Diyuturunumiyu 33:29

Pinapaladan kamu, manga nasakupan Israil! Unman may pumarihu sa kanyu — usa ka nasyun irinibri Panginuun. Ti Panginuun imaw ti mag-alaga ag mag-awat sa kanyu, ag siya ti lumaban para sa kanyu. Manyapang kanyu manga kalaban atag sa kanyu, ag tat-an niyu sida sa dayu.”

Diyuturunumiyu 34:12

Unman may nakabuwat makamaskihan ag lilingutan pag manga bagay parihu sa binuwat ni Muysis sa atubangan tanan Israilita.

Diyuturunumiyu 5:15

Isipa niyu manga panawuhun diman kamu kaybi sa Ihiptu, ag aku, ti Panginuun niyu Diyus, ti nagpalwas sa kanyu ati ginan sa panab-anan niku kamaskihan. Nakan aku, ti Panginuun niyu Diyus, magsugu sa kanyu kuntay tupada niyu ti Sirang Pamahari.

Diyuturunumiyu 6:21

Tultuli sida, ‘Manga panawuhun kami kaybi hari Ihiptu, dapat ipinalwas kami Panginuun sa panab-anan niya kamaskihan.

Diyuturunumiyu 7:19

Nakitan gid niyu ti manga pagsubuk, ti manga makadululaw hanggan ti manga lilingutan pag bagay, ag ti makamaskihan pag kapangyarihan ipinakakit Panginuun niyu Diyus katpung ipinalwas niya kamu. Parihu diman siyun kay buwatun Panginuun niyu Diyus sa tanan manga pagkadalaan niyu pag manga tawu.

Diyuturunumiyu 9:29

“ ‘Dapat kanmu sida pag nasakupan. Sida ti magkaapu nimu pag manga nasakupan, ti ipinaluwas nimu sa Ihiptu sa panab-anan nimu masyadu pag kamaskihan.’ ”

Huswi 24:7

Nanhagad sida awat sa kangku, ag pinaulian niku madlum sa karaw-an nida ag manga Ihipsiyu. Ag rargu niku linimus ti manga Ihipsiyu sa dagat. Nakitan gid ngap niyu ti binwat niku sa manga Ihipsiyu. Bag-u nangulian kamu sa pangawakawaan sa dugay pag panahun.

1 Pidru 5:6

Nakan ngani pagpasakup kamu sa kamaskihan Diyus, hampay ipaabwat niya kamu nu rumas-ug kay taning pag udas.