Diyuturunumiyu 4:32 - Hanunuu

³² “Isipun niyu ti manga nangyari ginan sa sirang binuwat Diyus ti tawu sa kalibutan tugka taynguna. Bag-u usisaa niyu ti buu kalibutan nu may makitan kamu makadululaw pag bagay parihu sa kanyu nalakawan.

Diyuturunumiyu 4:32 Iomraidhean Croise

Gimpuunan 1:27

Nakan linalang Diyus ti tawu, lalaki ag babayi ga kay histuda.

2 Samwil 7:23

Unman diman may kaparihu kanmu nasakupan Israilita. Inda lang pag nasyun kanmu pinalaya ginan sa pagkasuruguun hampay bumaliw nasakupan nimu. Nibantug kanmu ngaran dahil sa makamaskihan ag lilingutan pag binwat nimu pagka pinalayas nimu ti manga nasyun hanggan kanda manga diyus-diyusan sa panab-anan nimu pagpalwas nasakupan ginan sa Ihiptu.

Hub 8:8

“Paingan-a ti manga paggurangunun. Alama nu hintay ti natandaan nida manga ginurang.

Kanta 44:1

Diyus, nasaydan nimi ti itinultul nimi manga ginurang tungkul sa kanmu manga binwat sa kanda kaudasan, kaybi waya pag timpu.

Pag-ighit 34:10

Magkun ti Panginuun, “Pagpatingi! Mamuwat aku kasunduan sa kanmu. Sa atubangan tanan kasimanwa nimu, mamuwat aku makadululaw pag manga bagay balaw waya niku nabuwat una naan pag nasyun sa buu kalibutan. Ti tanan nasyun sa kanmu palibut makakit nu aku, ti Panginuun bumuwat makadululaw para sa kanmu.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Huwil 1:2

Kamu pag manga paggurangunun sa Huda hanggan sa tanan niyu nasakupan, patingihi niyu kang sabihun sa kanyu. Unman waya may nangyari parihu sa inda katpung kaudasan niyu manga ginurang una sa kaudasan niyu taynguna.

Amus 3:2

Sa tanan nasyun sa buu kalibutan, kamu lang gid kang pinili hampay kang nasakupan. Nakan parusahan gid niku kamu dahil sa tanan niyu manga kasalanan.”

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Markus 13:27

Nu sumitay siya, suguun niya kay manga anghil hampay kanda tipunun ti manga pinili Diyus ginan sa upat ka puun durus, ginan sa bilug kalibutan.”

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Diyuturunumiyu 30:4

Una pinalayas waya niya kamu sa pinakaarayu pag bahagi kalibutan, tipunun di gid kamu Panginuun niyu Diyus

Diyuturunumiyu 32:7

Alalahana niyu ti nakalawuy pag manga timpu; isip-isipa niyu ti manga nakalawuy pag sinulput-lahi. Paingan-a niyu kanyu manga ginurang nu hintay ti manga nangyari dahil itultul nida inda sa kanyu. Paingan-a niyu kanyu manga manugpamahala dahil itultul nida inda sa kanyu.

Diyuturunumiyu 33:29

Pinapaladan kamu, manga nasakupan Israil! Unman may pumarihu sa kanyu — usa ka nasyun irinibri Panginuun. Ti Panginuun imaw ti mag-alaga ag mag-awat sa kanyu, ag siya ti lumaban para sa kanyu. Manyapang kanyu manga kalaban atag sa kanyu, ag tat-an niyu sida sa dayu.”

Diyuturunumiyu 4:7

Udyi may tuhay makapangyarihan pag nasyun may diyus arani sa kanda parihu sa Panginuun nita Diyus arani sa kanta sa udas magtawag kita sa kanya.