Diyuturunumiyu 4:31 - Hanunuu

³¹ Dahil ti Panginuun niyu Diyus maawaun, balaw niya kamu pabay-anan ngatay rurisun. Balaw niya kalimtan ti kasunduan kay itinaratu sa kanyu manga ginurang.

Diyuturunumiyu 4:31 Iomraidhean Croise

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

2 Krunika 30:9

Dahil nu bumalik kamu sa Panginuun, kaawaan manga nagbihag kanyu manga anak ag manga katawuhan, ag pabalikun sida sa inda pag daga. Dahil mainawatun ag maawaun ti Panginuun niyu Diyus. Unman niya kamu patlikudan nu bumalik kamu sa kanya.”

Nihimyas 1:5

Magkun aku, “Panginuun, Diyus sa langit, makamaskihan kawu ag makadululaw pag Diyus. Pagtupadun nimu kanmu kasunduan may pagmahal sa manga magmahal sa kanmu ag magtupad sa kanmu manga sugu.

Nihimyas 9:31

Dapat dahil sa daka nimu pangaawa, unman nimu sida pinabay-anan ngatay ipinadamhak lubus, dahil maawaun ag maalalahanun kawu, pag Diyus.

Kanta 103:8

Mabuut siya ag maawaun; mapagmahal siya ag balaw madali magalit.

Kanta 105:8

Pag-alalahanun niya pirmi kay kasunduan. Balaw gid niya pagkalimtan kay taratu tugka sa linibu pag sinulput tawu.

Kanta 111:4

Pag-ipaalaala gid niya sa kanta kay makadululaw pag manga binwat. Marapakaun siya ag maawaun;

Kanta 111:5

pag-ayawan niya karan-unun ti manga maggalang sa kanya, ag pag-alalahanun niya pirmi kay kasunduan.

Kanta 111:9

Linukat niya kay nasakupan, ag nagbuwat siya kasunduan sa kanda sa unman may katapusan. Banal siya ag makadululaw kay ngaran.

Kanta 116:5

Ti Panginuun nita Diyus mayad, matadlung, ag maawaun.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Pag-ighit 6:8

Darahun niku kamu sa kang itinaratu pag daga ipakaun sa kanda ni Abraham, ni Isaak ag ni Hakub. Ipakaun niku inda sa kanyu agud kanyu maapu. Aku ti Panginuun.’ ”

Hirimyas 14:21

Panginuun, sa ikadayaw nimu ngaran, danga duy nimu kami pagbugyahi. Danga duy pagpakay-ahan kanmu kadayaw-dayaw pag tukawan hari. Alalahana duy nimu kanmu kasunduan sa kanmi. Mana danga nimu inda pagdauta.

Hirimyas 30:11

Kaibahan niyu aku ag iribri niku kamu. Lubus gid niku wayakun ti manga nasyun kinalatan niku sa kanyu dapat balaw niku inda buwatun sa kanyu. Dapat balaw waydi inda kay ibug sabihun balaw niku kamu parusahan. Parig-anan niku kamu sa kang-ud. Aku, ti Panginuun, ti magsabi inda.”

Libitiku 26:42

tupadun niku kang kasunduan sa kanyu manga ginurang sa kanda ni Abraham, ni Isaak, ag ni Hakub bag-u ibalik niku kamu sa kanyu daga.

Libitiku 26:44

Dapat una pagparusahan niku kamu, balaw niku kamu pabay-anan sa rugar niyu manga kalaban; dayu niku kamu papasun tugka sa udyi may masawad sa kanyu. Dahil balaw mahimu duraun niku kang kasunduan sa kanyu, dahil aku ti Panginuun kanyu Diyus.

Libitiku 26:45

Tupadun niku sa kanyu kang kasunduan sa kanyu manga ginurang ti ipinalwas niku gin sa Ihiptu hampay ipakakit kang kapangyarihan sa manga nasyun. Binwat niku inda sa kanyu manga ginurang hampay bumaliw aku kanda Diyus. Aku ti Panginuun.

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Bilang 14:18

magmahal kawu ag balaw madali magkagalit, mapinatawadun sa kasalanan ag paglabag manga tawu. Dapat pagparusahan nimu ti manga nagkasala tugka sa ikatlu ag ikap-at pag sinulput.

Lukas 1:72

Ag hampay ipakilala niya kay pangaawa sa kanta manga ginurang, ag alalahanun niya kay banal pag taratu.

Diyuturunumiyu 31:6

Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.