Diyuturunumiyu 4:30 - Hanunuu

³⁰ Nu rumas-ug ti kakurian sa kanyu, sa uryan panahun bumalik kamu sa Panginuun niyu Diyus ag sundun niyu siya.

Diyuturunumiyu 4:30 Iomraidhean Croise

Gimpuunan 49:1

Pagkatapus, tinawag ni Hakub kay manga anak ag magkun, “Pagpakarani kamu dahil sabihun niku sa kanyu nu hintay ti mangyari sa kanyu sa aratubangun pag panahun.

Nihimyas 1:9

Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Kanta 107:13

Sa kanda kakurian, nagdangup sida sa Panginuun, ag irinibri niya sida.

Kanta 107:6

Sa kanda kakurian, nandangup sida sa Panginuun, ag irinibri niya sida.

Kanta 18:6

Nakan sa kang kakurian magtawag aku sa kanmu, Panginuun. Maghagad aku awat sa kanmu, Diyus niku, pinatingihan nimu kang darangin sa kanmu Balay.

Kanta 59:16

Dapat aku manganta tungkul sa kanmu kabisugan. Kada surip manganta aku mabisug tungkul sa kanmu pagmahal. Dahil kawu kang darangpan, mag-alaga sa kangku sa udas kakurian.

Pag-ighit 18:8

Itinultul ni Muysis sa kan Hitru ti tanan binwat Panginuun sa hari Ihiptu hanggan sa manga Ihipsiyu para sa manga Israilita. Itinultul diman niya ti tanan nida nalakawan pag kakurian sa kanda maglakaw ag nu kabitay sida irinibri Panginuun.

Isayas 1:19

Nu sumunud lang kamu sa kangku, makakaun kamu pinakamarinu pag patubas daga.

Hirimyas 23:20

Balaw gid madura kang pangagalit tugka sa unman niku magkabuwat kang gustu buwatun. Ag sa uryan sirang, lubus niyu masalman inda.

Hirimyas 4:1

Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Karukuan 3:40

Dapat usisaun nita kanta pangabuhi ag bumalik sa Panginuun.

Danyil 10:14

Taynguna, inda yi aku hampay itultul sa kanmu nu hintay ti mangyari sa kanmu manga kasimanwa Israilita sa aratubangun, dahil kanmu pangakakitun tungkul inda sa mangyari aban.”

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Sakaryas 6:15

May manga tawu rumas-ug sa Israil ginan sa arayu pag rugar mangawat sa pagpatindug sa Balay Diyus Panginuun. Nu mangyari yi inda, maalaman niyu ti Panginuun Makamaskihan imaw ti nagpadara sa kangku tag sa kanyu. Ag mangyari gid inda nu sundun niyu mayad ti Panginuun niyu Diyus.

Bilang 24:20

Bag-u nakitan ni Balaam sa kay pangakakitun ti nasakupan Amalik ag magkun siya: “Ti Amalik kaybi imaw tig panguna sa manga nasyun, dapat aban sa uryan maruris sida.”

Binwat 26:20

Nanudlu aku sa Damasku dapu bag-u sa Hirusalim bag-u sa bilug daga Hudiya hanggan sa manga balaw Hudiyu. Namaliwanag aku sa manga tawu kailangan sida mag-ampu sa kanda manga kasalanan ag magpakarani sa Diyus. Bag-u ginan sa kanda mayad pag manga buwat kailangan makitan kanda nag-ampu yi sa kanda manga kasalanan.

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

Diyuturunumiyu 30:10

Mangyari inda nu tupadun niyu ti Panginuun niyu Diyus ag sundun ti tanan niya manga sugu hanggan surundanun masuratan sa inda pag Ribru Kasuguan. Ungud, mangyari inda nu bumalik kamu sa kanya sa buu niyu tagipusuun ag karadwa.

Diyuturunumiyu 30:2

Nu sa tunda pag udas bumalik nalub-anan kanmu hanggan kanyu manga anak sa Panginuun niyu Diyus, ag sundun niyu buu tagipusuun ag karadwa ti tanan pag-isugu niku sa kanyu kainda,

Diyuturunumiyu 31:17

Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’

Diyuturunumiyu 31:21

Ag nu rumas-ug yi sa kanda ti mayamu pag kadamhakan hanggan manga kakurian, inda pag kanta imaw ti kumastigus laban sa kanda, dahil balaw inda malimtan nida manga lahi. Alam niku nu hintay kanda paggayakun buwatun una unman waya niku sida magkadara sa kang itinaratu iayaw pag daga sa kanda.”

Diyuturunumiyu 31:29

Dahil alam di niku nu tigbak yi aku, mamuwat gid kamu kadautan ag bugyahan niyu ti tanan niku pag-isugu sa kanyu. Aban rumas-ug sa kanyu ti manga kadalaan dahil bumuwat kamu daut sa magbantay Panginuun ag galitun niyu siya sa panab-anan niyu buruwatun.”

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;