Diyuturunumiyu 4:29 - Hanunuu

²⁹ Dapat nu ligawun niyu ti Panginuun niyu Diyus, makitan niyu siya, basta hanapun niyu siya buu tagipusuun.

Diyuturunumiyu 4:29 Iomraidhean Croise

2 Hari 10:31

Dapat unman nagtupad si Hihu sa kasuguan Panginuun, ti Diyus Israil, sa buu niya tagipusuun. Ag kay sinunud ti manga kasalanan ni Hirubuam, imaw ti pinun-an kasalanan manga taga Israil.

2 Hari 23:3

Bag-u nagtindug si Husyas sa saruy tulduk pirmi pagtindugan hari. Ag nagbuwat siya kasunduan sa atubangan Panginuun kuntay sumunud siya sa Panginuun sa panab-anan pagtupad sa kay manga sugu, hanggan tudlu, ag surundanun sa buu niya tagipusuun ag karadwa. Sa kainda pag paraan matupad ti manga pag-isugu sa kasunduan Diyus nakasurat sa inda pag ribru. Ag nangaku diman ti manga tawu tumupad sa kasunduan Diyus.

2 Krunika 15:12

Nagbuwat sida kasunduan kuntay mandangup sida sa Panginuun, ti Diyus nida manga ginurang, sa buu nida tagipusuun ag karadwa.

2 Krunika 15:15

Nagbaya gid ti tanan taga Huda dahil nanaratu sida buu tagipusuun. Nagdangup sida sa Diyus buluntad gid sa kanda tagipusuun, ag nakitan nida kay kaayadan. Pinakan-an sida Panginuun kahusayan sa kanda manga kalaban sa sangput.

2 Krunika 15:2

Napasampak siya kan Asa ag magkun, “Patingihi niyu aku Hari Asa, hanggan kamu tanan pag taga Huda ag taga Binhamin. Pumirmaminti ti Panginuun sa kanyu habang pirmaminti kamu sa kanya. Nu mandangup kamu sa kanya, awatan niya kamu. Dapat nu patlikudan niyu siya, patlikudan waydi niya kamu.

2 Krunika 15:4

Dapat sa kanda kakurian, nagdangup sida sa Panginuun, ti Diyus Israil, ag inawatan niya sida.

2 Krunika 31:21

Nagbaliw marapanalu siya, dahil sa tanan binwat niya para sa Balay Diyus ag sa pagsunud niya sa kasuguan, nagdangup siya sa kay Diyus buu tagipusuun.

Nihimyas 1:9

Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Nihimyas 9:27

Nakan ipinabahala nimu sida sa kanda kalaban ti nagpakuri sa kanda. Dapat pagka magkakurian yi sida, nanhagad sida awat sa kanmu, pinatingihan diman nimu sida asan sa langit. Sa daka nimu pangaawa, pinakan-an nimu sida manga takinan manribri sa kanda sa kamang nida kalaban.

Kanta 119:10

Magdangup aku sa kanmu sa buu niku tagipusuun, nakan danga pag-ipahintulut patlikudan niku kanmu manga sugu.

Kanta 119:145

Magtawag aku sa kanmu, Panginuun, sa buu niku tagipusuun; saguta aku, ag sundun niku kanmu manga surundanun.

Kanta 119:2

Mapalad ti manga tawu magsunud sa manga kasuguan Diyus, magsunud sa kanya sa kanda buu tagipusuun.

Kanta 119:58

Maghanap aku sa kanmu sa buu niku tagipusuun hampay kaawaan nimu aku angay sa kanmu taratu.

Hirimyas 3:10

Ag ti pinakadaut waya, balaw buluntad nagbalik sa kangku ti maradaya pag Huda. Pabalhingu lang siya kuntay magbalik sa kangku. Aku, ti Panginuun, ti magsabi inda.”

Hirimyas 51:50

“Kamu pag manga nasawad buhi, pagpalagiw yi kamu ginan sa Babilunya ag danga kamu magpat-ung! Isipun niyu ti Panginuun ag ti Hirusalim una sa arayu kamu pag rugar.

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Amus 5:4

Nakan pagdangup kamu sa kangku, kamu pag nasakupan Israil, agud mabuhi kamu.

Diyuturunumiyu 10:12

“Bag-u taynguna, nasakupan Israil, ti paghilingun lang sa kanyu Panginuun niyu Diyus paggalang kamu sa kanya, pagpangabuhi angay sa kay manga kagustuhan, mahala siya, pagsirbi sa kanya sa buu niyu tagipusuun hanggan karadwa,

Diyuturunumiyu 11:13

“Nakan nu tupadun lang niyu pirmi ti pag-ipakaun niku pag manga sugu sa kanyu kainda kuntay mahalun niyu ti Panginuun niyu Diyus ag sirbihan niyu buu tagipusuun ag buu karadwa,

Diyuturunumiyu 26:16

“Pagsuguun kamu kainda Panginuun niyu Diyus tupada niyu ti tanan pag sugu hanggan surundanun. Sunda gid niyu inda kaayad sa buu niyu tagipusuun ag karadwa.

Diyuturunumiyu 30:10

Mangyari inda nu tupadun niyu ti Panginuun niyu Diyus ag sundun ti tanan niya manga sugu hanggan surundanun masuratan sa inda pag Ribru Kasuguan. Ungud, mangyari inda nu bumalik kamu sa kanya sa buu niyu tagipusuun ag karadwa.

Diyuturunumiyu 6:5

Mahala niyu buu tagipusuun ti Panginuun niyu Diyus, buu karadwa ag buu niyu kabisugan.

Huswi 22:5

Dapat danga gid niyu pagkalimti tupadun ti manga sugu ag manga tudlu ipinakaun sa kanyu ni Muysis imaw ti manugsirbi Panginuun. Mahala niyu ti Panginuun niyu Diyus, pagpangabuhi kamu angay sa kay kagustuhan, tupada kay manga sugu, pagmarig-un sa kanya, ag sirbihi niyu siya buu tagipusuun hanggan karadwa.”

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”