Diyuturunumiyu 4:23 - Hanunuu

²³ Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Diyuturunumiyu 4:23 Iomraidhean Croise

2 Hari 17:38

Danga niyu pagkalimti kang kasunduan sa kanyu, ag danga kamu magsamba sa iba pag manga diyus.

1 Krunika 16:15

Balaw gid niya pagkalimtan kay kasunduan hanggan aban, kay taratu sa linibu-libu manga sinulput tawu.

Pag-ighit 23:13

“Sunda niyu inda tanan kang sinabi sa kanyu. Danga kamu magdarangin sa tuhay pag manga diyus ngatay sampitun lang kanda ngaran.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Hirimyas 31:22

Kapira waya kamu pag bumalik sa kangku, manga anak niku magtalang? Mamuwat aku bag-u pag manga bagay sa kalibutan, babayi yi ti manginapin sa lalaki.”

Isikil 16:59

Inda waya gid ti pagsabihun Panginuun Diyus: “Parusahan niku kawu nu hintay ti dapat sa kanmu, dahil binul-an nimu halaga kang taratu sa panab-anan paglabag sa kanta kasunduan.

Isikil 8:10

Nakan nagsulud ngani aku, nakitan niku ti alad batu punu tuhay-tuhay pag manga kinurtihan hayup magyapang ag iba waya pag manga hayup pagkilalan-un mauring. Nakitan diman niku ati ti tanan pag diyus-diyusan nasakupan Israil.

Malakyas 4:4

“Tupada niyu ti ipinakaun pag Kasuguan niku suruguun ni Muysis. Inda pag manga sugu ag manga turupadun ipinakaun niku sa kanya ati sa Bantud Sinai hampay ipatupad sa tanan nasakupan Israil.

Bilang 15:39

Inda pag manga paraway-raway imaw ti pumaala-ala sa kanyu sa tanan niku manga sugu hampay tupadun niyu inda ag balaw kanyu lang pag kagustuhan ti pagbuwatun niyu.

Matiyu 24:4

Nagsagut si Hisus magkun, “Pag-aman gid kamu hampay kamu balaw mapatalang una hintay pag tawu.

Lukas 12:15

Bag-u sinabi niya sa kanda, “Pag-ingat gid kamu, pag-aman kamu agud kanyu tagipusuun unman maramuun. Dahil ti tawu balaw kumakit buhi nu sa abunda lang pag kasiyunan.”

Lukas 21:8

Bag-u nagsabi si Hisus magkun, “Pag-aman gid kamu sa unman gid kamu patalangun dahil mayamu ti sumitay mag-apu kang ngaran magkun, ‘Aku yi ngani. Inda yi ti kaudasan’ Danga kamu magsunud sa kanda.

Diyuturunumiyu 16:22

ag danga kamu magpatindug aramirawan pag batu hampay sambahun, dahil pagkadat-an tunda Panginuun niyu Diyus.”

Diyuturunumiyu 27:15

“Saadan ti magbuwat una hintay pag manga diyus-diyusan buwat sa batu ngatay sa galang bag-u inda kanda sambahun sa lihim. Dahil pagkagalitan Panginuun inda pag manga diyus-diyusan buwat lang tawu.” Bag-u sumagut ti tanan tawu, “Amin!”

Diyuturunumiyu 27:9

Magkun waya si Muysis hanggan ti manga manughandug lahi ni Libi sa tanan Israilita, “Pagpatingi kamu, manga nasakupan Israil! Kainda pag sirang pagkilalan-un yi kamu manga nasakupan Panginuun niyu Diyus.

Diyuturunumiyu 29:25

“Ag kay sagut kaindaay: ‘Dahil naglabag inda pag manga tawu sa kasunduan binuwat sa kanda Panginuun, ti Diyus nida manga ginurang, pagka ipinaluwas niya sida sa Ihiptu.

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Diyuturunumiyu 4:25

“Aban, nu manganak kamu ag magka-umput, bag-u nangulianan dugay sa ati pag daga, danga niyu pag yagtingi kanyu sadili sa panab-anan pagbuwat manga diyus-diyusan una hintay kay histuda. Daut inda sa magbantay Panginuun niyu Diyus ag makapaisug gid inda sa kanya.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Diyuturunumiyu 5:2

Ti Panginuun nita Diyus nagbuwat kasunduan sa kanta sa Bantud Sinai.

Diyuturunumiyu 6:12

pihua niyu unman niyu malimtan ti Panginuun, ti nagpalwas sa kanyu sa Ihiptu nu naan kamu binwat panawuhun.

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

Huswi 23:11

Nakan siguraduha gid mahalun niyu ti Panginuun niyu Diyus.

Huswi 23:16

Tutuu, mangyari inda sa kanyu nu lumabag kamu sa kasunduan Panginuun niyu Diyus isinugu niya tupadun niyu, ag nu mansamba kamu ag sumirbi sa iba pag manga diyus. Ipadara gid niya sa kanyu kay pangagalit ag rargu kamu midamhak sa siyun pag marinu daga ipinakaun niya sa kanyu.”