Diyuturunumiyu 4:16 - Hanunuu

¹⁶ danga niyu yagtingan kanyu manga sadili sa panab-anan pagbuwat una hintay pag histuda ngatay uyahun diyus-diyusan — lalaki man ngatay babayi,

Diyuturunumiyu 4:16 Iomraidhean Croise

Pag-ighit 32:7

Magkun ti Panginuun sa kan Muysis, “Paglus-ug yi kawu kadali dahil nagpakadaut kanmu manga kasimanwa ti ipinalwas nimu ginan sa Ihiptu.

Isayas 40:18

Nakan sa kantapu niyu pag ipaparihu ti Diyus? Ngatay naan niyu siya pag ipatulad?

Isayas 44:13

Ti manugpanday magsukat usa ka pulud kayu. Pagrirukan niya inda histuda tawu. Bag-u paglahaban niya marinu pag histuda tawu sa panab-anan niya manga kagamitan hampay ipauli sa balay diyus-diyusan.

Isikil 8:10

Nakan nagsulud ngani aku, nakitan niku ti alad batu punu tuhay-tuhay pag manga kinurtihan hayup magyapang ag iba waya pag manga hayup pagkilalan-un mauring. Nakitan diman niku ati ti tanan pag diyus-diyusan nasakupan Israil.

Libitiku 19:4

Danga kamu magsamba sa manga diyus-diyusan ngatay magbuwat manga tinawu-tawu. Aku ti Panginuun kanyu Diyus.

Libitiku 26:1

Danga kamu magbuwat manga diyus-diyusan parihu sa manga tawu-tawu, aramirawan pag batu, ngatay manga aramirawun pag batu, dahil aku kanyu Panginuun kanyu Diyus.

Huwan 4:24

Ti Diyus Ispiritu, nakan ti tawu unman ungud makasamba purya lang nu siya udyukan Ispiritu Diyus hanggan katutuuhanan.”

Binwat 17:29

“Kita ngani manga anak Diyus. Nakan danga nita isipun ti Diyus parihu sa gintu, una pilak, una batu binwat diyus-diyusan, lunsay pinathaw lang isip tawu bag-u binwat niya kamang.

Diyuturunumiyu 16:22

ag danga kamu magpatindug aramirawan pag batu hampay sambahun, dahil pagkadat-an tunda Panginuun niyu Diyus.”

Diyuturunumiyu 27:15

“Saadan ti magbuwat una hintay pag manga diyus-diyusan buwat sa batu ngatay sa galang bag-u inda kanda sambahun sa lihim. Dahil pagkagalitan Panginuun inda pag manga diyus-diyusan buwat lang tawu.” Bag-u sumagut ti tanan tawu, “Amin!”

Diyuturunumiyu 31:29

Dahil alam di niku nu tigbak yi aku, mamuwat gid kamu kadautan ag bugyahan niyu ti tanan niku pag-isugu sa kanyu. Aban rumas-ug sa kanyu ti manga kadalaan dahil bumuwat kamu daut sa magbantay Panginuun ag galitun niyu siya sa panab-anan niyu buruwatun.”

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Diyuturunumiyu 4:25

“Aban, nu manganak kamu ag magka-umput, bag-u nangulianan dugay sa ati pag daga, danga niyu pag yagtingi kanyu sadili sa panab-anan pagbuwat manga diyus-diyusan una hintay kay histuda. Daut inda sa magbantay Panginuun niyu Diyus ag makapaisug gid inda sa kanya.

Diyuturunumiyu 5:8

“ ‘Danga kamu magbuwat manga diyus-diyusan histuda una hintay pag bagay sa langit aw ngatay sa babaw daga, aw ngatay ngap sa danum.

Diyuturunumiyu 5:9

Danga niyu inda pagsirbihi aw ngatay dayawun, dahil aku, ti Panginuun niyu Diyus, dayu gid aku nu may pagsambahun waya kamu tuhay pag diyus. Pagparusahan niku ti manga may kasalanan sa kangku, hanggan kay manga anak tugka sa ikatlu ag ikap-at pag sinulput manga maglapastangan sa kangku.

Diyuturunumiyu 9:12

Bag-u magkun ti Panginuun sa kangku, ‘Pagdugsun kawu dahil kanmu pag panguluhan pag nasakupan sa pagluwas sa Ihiptu nagbuwat kadautan. Madali sida magpatlikud sa manga surundanun kang pag-isugu sa kanda ag nagbuwat sida diyus-diyusan hampay kanda sambahun.’

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.