Diyuturunumiyu 4:10 - Hanunuu

¹⁰ Alalahanun niyu ti sirang tinmindug kamu sa atubangan Panginuun niyu Diyus ati sa Bantud Sinai, nu naan magkun siya sa kangku, ‘Tipunun nimu sa kang atubangan ti manga nasakupan para mamatingi sa kang manga pagsabihun hampay maanad sida maggalang sa kangku hanggan buhi waya sida, ag maitudlu nida inda sa kanda manga anak.’

Diyuturunumiyu 4:10 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Kanta 145:4

Ti kada sinulput manultul sa dumasun pag sinulput tungkul sa kanmu makamaskihan pag manga binwat.

Pag-ighit 19:1

Nighit ti manga Israilita sa Ripidim ag nag-ati sa pangawakawaan Sinai. Ati sa atubangan bantud sida pag nagkampu. Ikatlu tunda pag bulan ginan sa kanda pag-ighit sa Ihiptu.

Pag-ighit 19:11

Pihua alistu sida sa ikatlu pag sirang, dahil sa ati pag sirang, aku, ti Panginuun, dumugsun sa Bantud Sinai sa mag-akitan tanan tawu.

Pag-ighit 19:16

Pagka nasurip ikatlu pag sirang, nanlinti ag kinmilat, bag-u may madamul pag rurum sinmaput sa bantud ag nadnugan ti matnug pag tunug budyung. Tinakigan sa dala ti tanan tawu sa kampu.

Pag-ighit 19:9

Magkun ti Panginuun sa kan Muysis, “Asantag aku sa kanmu sa panab-anan madamul pag rurum hampay madnugan manga tawu kang maghampang sa kanmu, ag hampay pirmi sida magsarig sa kanmu.” Bag-u igu nasabi ni Muysis sa Panginuun ti sagut manga tawu,

Pag-ighit 20:18

Pagka nadnugan manga tawu ti kurarug hanggan ti tunug budyung, ag pagka nakitan nida ti kilat ag ti bantud mag-anus, nangirkirug sida sa dala. Tinmindug sida sa arayu

Pag-ighit 20:20

Nakan magkumun si Muysis sa manga tawu, “Danga kamu magkadala, dahil nagsitay ti Diyus hampay subukan kamu sa panab-anan niya kamaskihan agud madala kamu sa kanya sa pagbuwat kasalanan.”

Manugtudlu 12:13

Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Isayas 38:19

Ti buhi lang ti makapagdayaw sa kanmu parihu sa pagbuwatun niku taynguna. Ti kada sinulput mamaburayhaw sa dumasun pag sinulput sa kanmu matinupadun.

Lukas 1:50

Kay pagkaawaan ti manga maggalang sa kanya, hanggan waya may sinulput.

Diyuturunumiyu 11:19

Tudluan pirmi inda sa kanyu manga anak. Hampangi niyu inda nu siyun kamu sa kanyu balay ag una sa kanyu maglakaw, una sa kanyu magpahari ag nu magbangun kamu.

Diyuturunumiyu 12:1

“Inda ti manga sugu hanggan manga surundanun kailangan niyu tupadun kaayad habang magkabuhi kamu atay sa daga pag-ipakaun sa kanyu Panginuun, ti Diyus niyu manga ginurang.

Diyuturunumiyu 14:23

Daraha niyu ti ikasampulu pag bahagi tirigu, irinmun ubas, lana ulibu, hanggan ti panganay niyu manga hayup sa piliun Panginuun niyu Diyus pag rugar nu naan pag dayawun siya. Bag-u ati niyu pag kan-a sa kay atubangan. Buwatun niyu inda hampay maanad kamu magsunud pirmi sa Panginuun niyu Diyus.

Diyuturunumiyu 17:19

Kailangan niya isaisip inda ag basahun pirmi sa buu niya buhi hampay dumunung siya maggalang sa Panginuun niya Diyus ag sundun niya mayad ti tanan pagsabihun sa inda pag manga kasuguan ag surundanun.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Diyuturunumiyu 5:2

Ti Panginuun nita Diyus nagbuwat kasunduan sa kanta sa Bantud Sinai.

Diyuturunumiyu 5:29

Mana pag magsunud pirmi sida sa kangku ag magtupad sa kang manga sugu hampay mayad ti kahamtangan nida hanggan nida manga sinulput hanggan waya aban.

Diyuturunumiyu 6:2

hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

Diyuturunumiyu 6:7

Tudluan pirmi inda sa kanyu manga anak. Hampangi niyu inda nu siyun kamu sa kanyu balay ag una sa kanyu maglakaw, una sa kanyu magpahari ag nu magbangun kamu.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Ipinakakit 19:5

Bag-u may nagbagaw ginan sa tukawan hari magkun, “Pagdayaw kamu sa kanta Diyus, kamu tanan pag manga suruguun niya, may kangaranan kag sa unman, kamu pag manga maggalang sa kanya.”

1 Samwil 12:24

Pagmaginalangun yi gid kamu sa Panginuun, ag pagsirbi sa kanya may katapatan sa buu niyu tagipusuun. Isip-isipa gid niyu nu kabitay kay kadaka kay binwat sa kanyu.