Diyuturunumiyu 4:1 - Hanunuu

¹ Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 4:1 Iomraidhean Croise

Kanta 105:45

Binwat inda Diyus hampay tupadun nida kay manga surundanun ag kasuguan. Dayawa ti Panginuun.

Kanta 119:4

Panginuun, ipinakaun nimu sa kanmi ti kanmu manga surundanun hampay tupadun nimi inda may katapatan.

Pag-ighit 18:20

Iparargu diman nimu ti pagtudlu manga surundanun hanggan manga sugu Diyus sa kanda. Tudlui nimu sida nu kabitay mangabuhi ag nu hintay kanda buwatun.

Hirimyas 11:6

Bag-u magkun maan sa kangku ti Panginuun, “Sabihun nimu inda tanan kang manga bagaw sa manga banwa Huda hanggan sa manga baklayan Hirusalim: ‘Alalahana niyu ag tupada ti manga pagsabihun sa inda pag kasunduan.

Isikil 11:20

Tupadun yi niyu kang manga sugu ag manga surundanun. Bumaliw nasakupan niku kamu, ag aku bumaliw kanyu Diyus.

Isikil 20:11

Ati, ipinakaun niku sa kanda kang manga sugu ag manga surundanun kailangan nida sundun hampay magpangabuhi sida.

Isikil 20:21

“ ‘Dapat kanda manga anak naglaban diman sa kangku. Unman nida sinunud kang manga sugu hanggan manga surundanun, nu tupadun mana nida magpangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku kang masyadu pag pangagalit sa kanda ati sa pangawakawaan.

Isikil 36:27

Pakan-an diman kamu niku Ispiritu hampay masunud niyu maayus kang manga sugu hanggan surundanun.

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Libitiku 19:19

Tupada niyu kang manga sugu. Danga niyu pagpalahii ti usa ka hayup sa balaw kay kaparihu pag hayup. Danga kamu magtanum duwa ka kalasi binhi sa usa ka tanman. Danga kamu magsulung rutay binwat ginan sa duwa ka kalasi pisahan.

Libitiku 20:8

Tupada niyu kang manga surundanun dahil aku ti Panginuun ti nagtalaga sa kanyu para sa kangku.

Libitiku 22:31

Tupada niyu kang manga sugu. Aku ti Panginuun.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Huwan 15:14

Nu kanyu tupadun kang pag-ibilin sa kanyu, kamu kang yi pagmayadun pag manga tawu.

Ruma 10:5

Kainda kay sinurat ni Muysis tungkul sa kay pagkilala Diyus sa tawu kuntay matadlung nu sida magtupad sa Kasuguan. Magkun siya, “Ti tawu nu magtupad sa Kasuguan, may buhi siya sa panab-anan waydi Kasuguan.”

Diyuturunumiyu 1:3

Pagka sa un-an pag sirang ika-11 pag bulan, sa ika-40 pag timpu, ginan sa pag-ighit manga Israilita sa Ihiptu, sinabi ni Muysis sa kanda ti tanan isinugu Panginuun sa kanda.

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 11:1

“Mahala niyu ti Panginuun niyu Diyus ag tupada kay manga sugu ag surundanun, hanggan palakaw ag kasuguan.

Diyuturunumiyu 11:32

sunda gid niyu ti tanan pag-ipakaun niku pag manga sugu hanggan surundanun sa kanyu taynguna pag sirang.

Diyuturunumiyu 13:1

“Nu may usa ka purupita ngatay manugtultul sa kahulugan tagin-up magpamuhun sa kanyu mamakakit siya manga makadululaw ag lilingutan pag manga bagay,

Diyuturunumiyu 16:20

Kailangan manalu ti matarung hampay lumawig kanyu buhi ag makapamahala sa pag-ipakaun sa kanyu pag daga Panginuun niyu Diyus.

Diyuturunumiyu 30:16

Pagsuguun niku kamu kainda mahala niyu ti Panginuun niyu Diyus, pagpangabuhi kamu angay sa kay manga palakaw, ag pagsunud sa kay manga sugu hanggan surundanun. Nu buwatun niyu inda, mangabuhi kamu dugay ag yumamu, bag-u papaladan kamu Panginuun niyu Diyus ati sa ulianan ag apuun niyu pag daga.

Diyuturunumiyu 30:19

“Taynguna pag sirang, nagtawag aku sa langit ag daga hampay kumastigus nu naan sitaay kanyu piliun: buhi ngatay kamatayan, papalad ngatay saad. Pilia mana niyu ti buhi hampay mabuhi kamu dugay hanggan kanyu manga anak.

Diyuturunumiyu 30:20

Mahala niyu ti Panginuun niyu Diyus. Sunda niyu siya ag pagsa kanya di gid kamu, dahil siya kanyu buhi. Nu buwatun niyu inda, mabuhi kamu dugay ati sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub.”

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

Diyuturunumiyu 4:45

manga tudlu, manga paalaala, manga surundanun, hanggan nu hintay kanda kailangan buwatun, katpung nagluwas sida sa Ihiptu

Diyuturunumiyu 4:8

Ag udyi may tuhay makapangyarihan pag nasyun may manga sugu hanggan surundanun parihu sa pag-itudlu niku sa kanyu kainda.

Diyuturunumiyu 5:1

Tinipun ni Muysis ti tanan Israilita ag magkun siya sa kanda, “Manga Israilita, pakidnugi niyu ti ipakaun niku sa kanyu pag manga sugu hanggan surundanun kainda pag sirang. Adalan niyu inda kaayad ag sunda gid.

Diyuturunumiyu 5:33

Pagkabuhi kamu angay sa sugu Panginuun niyu Diyus sa kanyu hampay mabuhi kamu dugay ag abunda ati sa manahun niyu pag daga.”

Diyuturunumiyu 6:1

“Inda ti manga sugu, ti manga tudlu, hanggan ti manga surundanun ipinakaun Panginuun niyu Diyus agud itudlu sa kanyu. Sunda niyu inda ati sa daga maapu niyu sa baliw dipay Hurdan,

Diyuturunumiyu 6:24

Sinugu kami Panginuun kuntay sundun nimi inda ti tanan manga surundanun ag paggalang sa kanya sa kanta Diyus, hampay pirmi kami abunda ag mabuhi dugay parihu sa magpangyari kainda.

Diyuturunumiyu 7:11

“Nakan tupada gid niyu ti manga sugu hanggan manga surundanun pag-ipakaun niku sa kanyu taynguna.

Diyuturunumiyu 8:1

“Sunda gid niyu ti tanan pag-ipakaun niku pag sugu sa kanyu kainda, hampay parargu kamu mabuhi dugay ag yumamu, ag makapangulian sa itinaratu Panginuun pag daga kay iayaw sa kanyu manga ginurang.

Diyuturunumiyu 8:11

“Dahani gid niyu balaw malimtan ti Panginuun niyu Diyus ag danga niyu paglabaga kay manga sugu hanggan surundanun ti pag-ipakaun niku sa kanyu taynguna.

Diyuturunumiyu 9:1

“Pagpatingi kamu, nasakupan Israil. Mandipay yi kamu taynguna sa Hurdan hampay sakupun ti manga nasyun mas daraka ag mas makapangyarihan waya sa kanyu. Daraka kanda manga banwa ag may ararabwat pag manga alad batu ga sunggu yi sa langit.

Huswi 3:9

Nakan tinawag ni Huswi ti manga tawu, “Abala kamu, dahil tultulan niku kamu nu hintay ti sinabi Panginuun niyu Diyus.