Diyuturunumiyu 34:1 - Hanunuu

¹ Ginan sa karatagan Muab, nagtukad si Muysis sa Bantud Nibu, sa katayungtungan Pisga maatubangan sa Hiriku. Ati pag ipinakakit Panginuun sa kanya ti buu daga — ginan sa Gilyad tugka sa Dan,

Diyuturunumiyu 34:1 Iomraidhean Croise

Gimpuunan 13:14

Pagka nakaginan yi si Lut, magkun ti Panginuun sa kan Abram, “Ginan sa kanmu pagtindugan, bantayi nimu kaayad ti palibut.

Gimpuunan 14:14

Pagka nasaydan ni Abram binihag maaw kay bapa, susun niya tinipun kay 318 ka anad gid pag tawuhan, mismu ati pag ainanak sa kay kampu, ag linagas nida ti upat ka hari tugka sa Dan.

Bilang 21:20

ag ginan sa Bamut nag-atag sida sa karatagan Muab, nu naan pag makitan ti pangawakawaan sa lawud katayungtungan Pisga.

Bilang 23:14

Nakan tinaban ni Balak si Balaam sa usa ka tanman sa Supim, sa katayungtungan Pisga, ag ati nagpatindug sida pitu ka harandugan ag naghandug usa ka baka ag usa ka karanidu sa kada harandugan.

Bilang 27:12

Bag-u magkun ti Panginuun sa kan Muysis, “Pagtukad kawu sa bantud Abarim, alantawa ati ginan ti ipinakaun niku pag daga sa manga Israilita.

Diyuturunumiyu 3:27

Pagtukad yi kawu sa katayungtungan Bantud Pisga bag-u umalantaw ati pag daga una naan tag baliwa, dahil unman kawu makadipay sa Hurdan.

Diyuturunumiyu 32:49

“Pag-atag kawu sa Muab, sa kabantudan Abarim, bag-u tumukad kawu sa Bantud Nibu masranguhan sa Hiriku. Bantayi ati ti Kanaan, ti pag-ipakaun niku pag daga sa manga Israilita kanda apuun.

Diyuturunumiyu 32:52

Nakan maalantaw lang nimu ginan sa arayu ti pag-ipakaun niku pag daga sa manga Israilita, dapat unman kawu makaslud ati.”

Diyuturunumiyu 34:4

Bag-u nagsabi ti Panginuun sa kan Muysis, “Tunda ngani pag daga ti itinaratu niku sa kan Abraham, sa kan Isaak, hanggan sa kan Hakub, bag-u sinabi niku kang iayaw inda sa kanda manga linahi. Ipinakakit niku inda sa kanmu, dapat balaw kawu makaati.”

Huswi 19:47

Nakurian kaybi ti manga lahi ni Dan sa pag-agaw sa kanda daga, nakan ginira nida ti Lais ag pinanmatay ti manga mag-uli ati. Naagaw nida inda ag ati sida nangulian. Pinalitan nida kay ngaran inda Dan angay sa kanda ginurang si Dan.

Huswi 22:9

Ag rargu nuli ti manga nasakupan lahi ni Rubin, ni Gad, ag katunga lahi ni Manasis. Tinayakan nida kanda kaparihu manga Israilita sa Silu, sa daga Kanaan, bag-u nagbalik sa Gilyad sa kanda kabahagi pag daga angay sa isinugu Panginuun sa panab-anan ni Muysis.

Ipinakakit 21:10

Nasakup aku Ispiritu Banal bag-u dinara aku anghil tag sa pinakaabwat ag daka pag bantud. Ipinakakit niya sa kangku ti Banal pag Banwa Hirusalim magpakababa ginan sa langit, ginan sa Diyus.

Talaghusay 18:29

Inilisan nida Dan kay ngaran inda angay sa ngaran nida ginurang si Dan, usa sa manga anak ni Hakub.