Diyuturunumiyu 33:8 - Hanunuu

⁸ Magkun si Muysis tungkul sa lahi ni Libi, “Panginuun, ipinakaun nimu ti Urim ag Tumim sa kanmu tapat pag manga manugsirbi ti lahi ni Libi. Sinubukan nimu sida sa Masa ag tinamyaw sa saruy danum Miriba.

Diyuturunumiyu 33:8 Iomraidhean Croise

2 Krunika 23:6

Unman may sumulud sa Balay Diyus Panginuun, purya lang sa manga manughandug ag manga Libita magsirbi sa tida pag udas. Puydi sida makasaka dahil itinigana sida para sa inda pag buruwatun. Dapat ti iba kailangan ati sa luwas lang pag mamantay angay sa sugu Panginuun.

Isra 2:63

Sinabihan sida gubirnadur Huda balaw sida mahimu kumaun manga karan-unun ihinandug sa Diyus habang unman waya may manughandug pumaingana sa Diyus tungkul sa kanda pagkamanughandug sa panab-anan Urim ag Tumim.

Isra 8:28

Nagsabi aku sa manga manughandug, “Kamu hanggan inda pag manga kagamitan ipinablag para sa Panginuun. Ti manga pilak hanggan ti manga gintu buluntad pag handug para sa Panginuun, ti Diyus niyu manga ginurang.

Nihimyas 7:65

Sinabihan sida gubirnadur Huda balaw sida mahimu kumaun manga karan-unun ihinandug sa Diyus tugka sa unman may manughandug makapaingana sa Panginuun tungkul sa kanda pagkamanughandug sa panab-anan Urim ag Tunim.

Kanta 106:16

Ati sa kanda pag kampu sa pangawakawaan, naghirak sida kan Muysis ag kan Aarun. Si Aarun imaw ti itinalaga hampay sumirbi sa Panginuun.

Kanta 16:10

dahil balaw nimu aku pagpabay-anan miatag sa ulian manga namatay. Balaw nimu pahintulutan marunut kanmu marig-un pag manugsirbi.

Kanta 81:7

Katpung asan kamu sa kakurian nandangup kamu sa kangku ag irinibri niku kamu. Ginan sa manga rurum sinagut niku kamu. Sinubukan niku kamu ati sa may bulbugan Miriba.

Pag-ighit 17:7

Iningarnan ni Muysis Masa ag Miriba ati pag rugar dahil nangatadlungan sa kanya ti manga Israilita ag sinubukan nida ti Panginuun magkun, “Pag-ibahan aw kita Panginuun ngatay unman?”

Pag-ighit 28:30

Ipauli sa bursa sa dubdub ti Urim ag Tumim hampay ati inda sa bursa sa dubdub ni Aarun nu umatag siya sa kang atubangan. Nakan pirmi daran-un ni Aarun inda pag duwa ka bagay kada atabug siya sa atubangan niku hampay maalaman niya kang kagustuhan para sa manga Israilita.

Pag-ighit 28:36

“Pagpabwat kawu midalya gintu ag palahaban nimu inda kainda pag bagaw: ‘Ipinablag tag sa Panginuun.’

Libitiku 21:7

Kailangan danga kamu mag-asawa sa babayi mayagting magpabili kay bilug, aw ngatay sa babayi nagbulag sa kay asawa, dahil itinalaga niku kamu para sa kangku.

Libitiku 8:8

Ipinauli ni Muysis sa kan Aarun ti rutay may bursa sa dubdub bag-u kay ipinauli siti ti Urim ag Tumim.

Malakyas 2:6

Itinudlu niya ti katutuuhanan ag balaw ti kapudilan. Mayad kay magsunud sa kangku ag matadlung kay buhi. Ag mayamu pag manga tawu kay inawatan hampay balaw yi makabuwat kasalanan.

Bilang 16:5

Bag-u magkun siya sa kan Kura hanggan sa tanan niya tagasunud, “Aldaw surip, ipaburayhaw Panginuun nu si unu ti tutuu pinili sumirbi sa kanya bilang manga manughandug, dahil ipakarani niya sa kay kadayawan kay pinili. Nakan kaindaay kanyu buwatun aldaw: pagbuul kamu manga sukadan kamangyan,

Bilang 20:13

Inda pag rugar pag-ingarnan bulbugan Miriba dahil nanlaban ti manga Israilita sa Panginuun sa inda pag rugar, ag sitay diman pag ipinakakit Panginuun sa kanda kay kadayawan.

Bilang 20:24

“Udas yi darahun kawu Aarun sa kanmu manga katawuhan nagkaramatay yi. Balaw kawu makaslud sa pag-iayaw niku pag daga sa manga Israilita dahil naglabag kamu duwa ni Muysis sa kang sugu ati sa bulbugan Miriba.

Bilang 27:21

Sa kan Iliyasar pag maalaman niya kang kagustuhan sa panab-anan paggamit ni Iliyasar Urim sa kang atubangan. Sa katida pag paraan, mapatigayunan ni Iliyasar si Huswi hanggan ti manga Israilita sa kanda buruwatun.”

Bilang 35:8

Inda pag manga banwa ginan sa manga daga manga linahi Israil. Ti mayamu kay huray pag lahi pumakaun waydi mayamu pag banwa ag ti pira-pira kay huray pira-pira waydi kay ipakaun.”

Diyuturunumiyu 6:16

Danga niyu pag subuki ti Panginuun niyu Diyus parihu sa kanyu binuwat sa Masa.

Diyuturunumiyu 8:16

Ati sa pangawakawaan, pinakan-an niya kamu mana — usa ka karan-unun balaw nasamitan niyu manga ginurang. Binwat inda Panginuun para kamu pumakumbaba ag para subukun kamu hampay sa uryan bumaliw mayad kanyu kahamtangan.

Diyuturunumiyu 9:22

“Ginalit diman niyu ti Panginuun ati sa Tabira, sa Masa ag sa Kibrut Hataaba.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

1 Samwil 28:6

Nagpaingana siya sa Panginuun nu unu ti angay niya buwatun. Dapat unman siya sinagut Panginuun una sa panab-anan tagin-up, ngatay Urim, una hanggan sa manga purupita.